ஏசஸ் சென்போன் 2 வெளியீட்டு தேதி வெளியானது

ஏசஸ் சென்போன் 2 ஸ்மார்ட்போன்கள் ஏப்ரல் மாதம் 23 ஆம் தேதி இந்தியாவில் வெளியாகும் என்று ஏசஸ் இந்தியா நிறுவனம் தெரிவித்துள்ளது. இந்நிறுவனம் மூன்று வகையான சென்போன்களை வெளியிடும் என்று ஏற்கனவே கூறப்பட்டு வந்ததும் குறிப்பிடத்தக்கது.

ஏசஸ் நிறுவனம் வாடிக்கையாளர் மின்சாதன விழாவில் ஏசஸ் சென்போன் 2 ZE551ML, ஏசஸ் சென்போன் 2 ZE550ML, மற்றும் ஏசஸ் சென்போன் 2 ZE500CL என்ற மூன்று வகைகளை அறிமுகப்படுத்தியது. இருந்தும் இந்தியாவில் இந்நிறுவனம் எந்த மாடலை வெளியிட இருக்கின்றது என்ற தகவல்கள் தொடர்ந்து மர்மமாகவே இருக்கிந்றது.

ஏசஸ் நிறுவனம் சென்போன் 2 வகைகளை கடந்த மாதம் தாய்வான் நாட்டில் வெளியிட்டதை தொடர்ந்து ஐரோப்பாவில் சமீபத்தில் வெளியிட்டது. டாப் என்டு சென்போன் 2 64 ஜிபி இன்டர்னல் மெமரி, 4 ஜிபி ராம் கொண்டிருப்பதோடு இந்தியாவில் இதன் விலைௌ ரூ.19,900 வரை இருக்கும் என்றும் கூறப்படுகின்றது.