இந்தியாவில் ஐபோன் 7 வெளியானதும் இந்த ஐபோன்கள் நிறுத்தப்படுகின்றது.!!

ஏமாற்றம்

அனைவரின் எதிர்பார்ப்புகளின் படி ஆப்பிள் நிறுவனம் தனது புதிய ஐபோன் 7, ஐபோன் 7 பிளஸ் கருவிகளை அமெரிக்காவில் அறிமுகம் செய்தது. இதைத் தொடர்ந்து ஐபோன் 6எஸ் குறைந்த விலைக்குக் கிடைக்கும் என எதிர்பார்த்தால் உங்களுக்கு ஏமாற்றம் மட்டுமே மிஞ்சும்.

நீக்கம்

ஆப்பிள் இந்தியா இணையதளத்தில் ஐபோன் 6, ஐபோன் 6 பிளஸ் மற்றும் ஐபோன் 5 எஸ் போன்ற மாடல்கள் எடுக்கப்பட்டு விட்டன. இதனால் இந்தக் கருவிகள் இனி இந்தியாவில் விற்பனை செய்யப்பட மாட்டாது எனக் கூறப்படுகின்றது.

கருவிகள்

இதன் காரணமாக இந்திய ஆப்பிள் ப்ரியர்கள் இனி ஐபோன் 6எஸ், ஐபோன் 6எஸ் பிளஸ், ஐபோன் 7, ஐபோன் 7 பிளஸ் மற்றும் ஐபோன் எஸ்இ உள்ளிட்ட கருவிகளை மட்டுமே வாங்க முடியும்.

அதிர்ச்சி

ஐபோன் 5எஸ் கருவி நீக்கப்படலாம் என பெரும்பாலும் எதிர்பார்க்கப்பட்ட நிலையில் ஐபோன் 6 மற்றும் ஐபோன் 6 பிளஸ் உள்ளிட்ட கருவிகள் நீக்கப்பட்டது அனைவரையும் ஆச்சர்யத்தில் ஆழ்த்தியுள்ளது.

இணையதளம்

ஆப்பிள் இந்தியா அதிகாரப்பூர்வ இணையதளத்தில் இருந்து நீக்கப்பட்ட போதும் இந்தக் கருவிகள் மற்ற இணையதளங்களில் விற்பனை செய்யப்படலாம் என எதிர்பார்க்கப்படுகின்றது.

விற்பனை

இந்தியாவில் ஐபோன் 7 மற்றும் ஐபோன் 7 பிளஸ் கருவிகள் அக்டோபர் 7 ஆம் தேதி முதல் விற்பனை செய்யப்பட இருப்பதோடு அவற்றின் விலை ரூ.60,000 முதல் துவங்கலாம் என்றும் எதிர்பார்க்கப்படுகின்றது.