iPhone 16 உடன் நாம் இதை எதிர்பார்க்கவே முடியாது.. Apple நிகழ்வில் இந்த சாதனங்கள் ரிலீஸ் ஆகாது.. அது என்ன?

புதிய ஐபோன் 16 சீரிஸ் ஸ்மார்ட்போன் சாதனங்களை ஆப்பிள் நிறுவனம் இன்று இந்திய நேரப்படி சரியாக இரவு 10 மணியளவில் அறிமுகம் செய்யுமென்று எதிர்பார்க்கப்படுகிறது. இந்த புதிய ஐபோன் 16 சீரிஸ் வரிசையில் ஐபோன் 16 (iPhone 16), ஐபோன் 16 பிளஸ் (iPhone 16 Plus), ஐபோன் 16 ப்ரோ (iPhone 16 Pro) மற்றும் ஐபோன் 16 ப்ரோ மேக்ஸ் (iPhone 16 Pro Max) ஆகிய போன்களை நிறுவனம் இன்று வெளியிடவுள்ளது. இத்துடன் புதிய ஆப்பிள் வாட்ச் மற்றும் ஆப்பிள் ஏர்போட்ஸ் (AirPods) ஆகியவை வெளியாகும் என்று எதிர்பார்க்கப்படுகிறது.

இருப்பினும், வழக்கம் போல இந்த ஆப்பிள் ஈவென்ட் நிகழ்வின் சூப்பர் ஸ்டாராக ஐபோன் 16 வரிசை சாதனங்கள் இருக்குமென்று கூறப்பட்டுள்ளது. கூகிள் மற்றும் சாம்சங் ஆகியவை செயற்கை நுண்ணறிவு (AI) சேவையில் முன்னேற்றம் அடைந்துள்ள நிலையில், தனது திறமையை நிரூபிக்க ஆப்பிள் கணிசமான அழுத்தத்தை இந்த ஆண்டு எதிர்கொண்டுள்ளது. ஐபோன் 15 போனை விட சிறப்பாக இருப்பதை உறுதி செய்யும் வகையில், ஐபோன் 16 வரிசையை ஆப்பிள் நிறுவனம் உருவாக்கியுள்ளது.

iPhone 16 உடன் நாம் இதை எதிர்பார்க்கவே முடியாது:

ஆப்பிள் நிறுவனம் இந்த ஆண்டு ஹார்ட்வேர் புதுமைகளை விட, மென்பொருள் மேம்படுத்தல்களில் அதிக கவனம் செலுத்தலாம் என்று கூறப்படுகிறது. குறிப்பாக ஆப்பிள் இன்டெலிஜென்ஸ் (Apple Intelligence) மீதான கவனம் ஐபோன் 16 ரசிகர்களை ஈர்க்கும் என்று எதிர்பார்க்கப்படுகிறது. இது தவிர ஐபோன் மாடல்கள் ஒவ்வொரும் ஒவ்வொரு விதமான டிஸ்பிளே அளவை கொண்டிருக்கும் என்று கூறப்பட்டுள்ளது.

ஐபோன் 16 சாதனம் 6.1" இன்ச் மற்றும் ஐபோன் 16 பிளஸ் சாதனம் 6.7" இன்ச் டிஸ்பிளே அளவுடன் வெளிவரும். மறுபுறம் ஐபோன் 16 ப்ரோ சாதனம் 6.3" இன்ச் மற்றும் ஐபோன் 16 ப்ரோ மேக்ஸ் சாதனம் 6.9" இன்ச் டிஸ்பிளே அளவுடன் வெளிவரும் என்று கூறப்பட்டுள்ளது. ஐபோன் 16 தொடரில் உள்ள நான்கு மாடல்களும் A18 Bionic சிப்செட் மூலம் இயக்கப்படும் என்று கூறப்பட்டுள்ளது.

இந்த மேம்படுத்தல் சிறந்த செயல்திறன், மேம்படுத்தப்பட்ட பேட்டரி செயல்திறன் மற்றும் Apple Intelligence மற்றும் புதிய Siri செயல்பாடுகளின் தடையற்ற ஒருங்கிணைப்பை உறுதியளிக்கிறது. மேம்படுத்தப்பட்ட பேட்டரி ஆயுள் மற்றும் புதிய வண்ண விருப்பங்களும் எதிர்பார்க்கப்படுகின்றன. சுவாரஸ்யமாக, ஐபோன் 16 மற்றும் ஐபோன் 16 பிளஸ் ஆகியவற்றின் விலை இந்தியாவில் மாறாமல் இருக்கும் என்று எதிர்பார்க்கப்படுகிறது.

இந்த வருட ஆப்பிள் நிகழ்வில் Apple வாட்ச் 10 மற்றும் Apple வாட்ச் அல்ட்ரா 3 ஆகியவை அறிமுகப்படுத்தும் என்று எதிர்பார்க்கப்படுகிறது. இந்த வாட்ச்கள் புதிய சிப்செட்களை, மேம்படுத்தப்பட்ட செயல்திறனை மற்றும் சிறந்த பேட்டரி ஆயுளை வழங்கும். Apple வாட்ச் 10, மெல்லிய பெசல்களுடன் பெரிய திரையைப் பெறும் என்று கூறப்படுகிறது மற்றும் 49 மிமீ அளவில் கிடைக்கலாம்.

Apple Glowtime Event 2024 நிகழ்வில் இந்த ஆண்டு ஒன்று அல்ல, இரண்டு புதிய AirPods மாடல்கள் வெளிவரலாம். இரண்டாவது மற்றும் மூன்றாம் தலைமுறை AirPods ஐ மாற்றும் ஒரு அடிப்படை மற்றும் ஒரு நடுத்தர-நிலை மாடல் வெளிவரும் என்று வதந்திகள் தெரிவிக்கின்றன. இந்த புதிய மாடல்கள் USB-C சார்ஜிங் போர்ட்களை, Find My ஆதரவை மற்றும் குறைந்தபட்சம் ஒரு மாடல் சத்தம் ரத்து செய்யும் திறன்களை வழங்க வேண்டும்.

Apple நிகழ்வில் இந்த சாதனங்கள் ரிலீஸ் ஆகாது:

இந்த வருட ஆப்பிள் ஈவென்ட் நிகழ்வில் என்னவெல்லாம் நாம் எதிர்பார்க்கக்கூடாது என்பதை இப்போது பார்க்கலாம். இந்த நிகழ்வில் புதிய ஐபேட் மினி வெளியிடப்பட வாய்ப்பில்லை. புதிய ஐபோன்கள் மற்றும் AI மீது மட்டுமே ஆப்பிள் நிறுவனம் கவனம் செலுத்துகிறது. அடுத்த மாதம், ஒரு தனி நிகழ்வில் ஆப்பிள் நிறுவனம் அதன் ஐபேட் மினி சாதனம் மற்றும் பிற மாடல்களும் வெளியிடப்படும் என்று எதிர்பார்க்கப்படுகிறது.

ஐபோன் SE இன் புதிய வெளியீடு இந்த ஆண்டு சாத்தியமற்றது. OLED டிஸ்பிளேவுடன் 2025 இல் வெளிவரும் என்று எதிர்பார்க்கப்படுகிறது. அதேபோல், அடுத்த ஆண்டு வரை புதிய AirTag எதிர்பார்க்கப்படுவதில்லை.