சீராக வளர்ந்து வரும் ஆப்பிளின் வருமானம்

Posted By: Karthikeyan
சீராக வளர்ந்து வரும் ஆப்பிளின் வருமானம்

ஆப்பிள் நிறுவனம் தனது இந்த ஆண்டின் ஜூன் முதல் செப்டம்பர் மாதம் வரைக்குமான அதாவது நான்காவது காலாண்டின் வருமான அறிக்கையை வெளியிட்டிருக்கிறது.

அதன்படி இந்த காலாண்டில் ஆப்பிள் 36 பில்லியன் அமெரிக்க டாலர்களையும் மற்றும் தனது நிறுவனத்தின் ஒரு பங்குக்கு 8.67 டாலர்களையும் பெற்றிருப்பதாக ஆப்பிள் அறிவித்திருக்கிறது. ஆனாலும் இந்த வருமானம் எதிர்பார்த்ததைவிட குறைவு என்று ஆய்வாளர்கள் கருதுகின்றனர்.

இந்த காலாண்டில் மட்டும் 26.9 மில்லியன் ஐபோன்கள் விற்றிருக்கின்றன. இது 58 சதவீதம் அதிகமாகும். மேலும் இந்த காலாண்டில் 14 மில்லியன் ஐபேடுகளை ஆப்பிள் விற்றிருக்கிறது. இது 26 சதவீதம் அதிகமாகும். அதோடு ஆப்பிள் 4.9 மில்லியன் மேக்குகளை விற்றிருக்கிறது. இது கடந்த ஆண்டை விட 1 சதவீதம் ஆகும். ஆனால் இந்த காலாண்டில் 5.3 மில்லியன் ஐபோடுகளை மட்டுமே ஆப்பிள் விற்றிருக்கிறது. இது 19 சதவீதம் குறைவாகும்.

மேலும் தாங்கள் இந்த விடுமுறை காலத்திற்காக சிறந்த ஐபோன், ஐபேட், மேக், மற்றும் ஐபோடுகளைத் தயாராக வைத்திருப்பதாக ஆப்பிளின் தலைவர் டிம் குக் கூறியிருக்கிறார்.

வரும் காலாண்டில் 51 பில்லியன் அமெரிக்க டாலர் வருமானத்தை வரும் காலாண்டில் இலக்காக வைத்திருப்பதாக ஆப்பிள் தெரிவித்திருக்கிறது. இந்த இலக்கை ஆப்பிள் அடைந்தால் அது ஒரு புதிய வரலாற்றுச் சாதனையாக இருக்கும் என்று தெரிகிறது.

Please Wait while comments are loading...

சமூக வலைதளம்