'திருட்டு' செயலிகளை களையெடுக்கும் ஆப்பிள் நிறுவனம்..!!

வாடிக்கையாளர்களின் தனிப்பட்ட தகவல்களை ரகசியமாக சேகரிக்கும் செயலிகளை ஆப் ஸ்டோரில் இருந்து நீக்கும் முயற்சியில் ஆப்பிள் நிறுவனம் தீவிரமாக ஈடுப்பட்டுள்ளது.

செயலிகளில் வாடிக்கையாளர்களின் தனிப்பட்ட தகவல்களை ரகசியமாக சேகரிக்கும் சீன விளம்பர மென்பொருள்களை ஆய்வாளர்கள் கண்டறிந்திருப்பதாக ஐபோன் தயாரிப்பு நிறுவனம் தரப்பில் தெரிவிக்கப்பட்டுள்ளது.

யுவோமி தயாரித்திருக்கும் எஸ்டிகே பயன்படுத்தும் தனியார் செயலிகள் வாடிக்கையாளர்களின் தனிப்பட்ட தகவல்களை ரகசியமாக சேகரிப்பதாக ஆப்பிள் நிறுவனம் சார்பில் தெரிவிக்கப்பட்டுள்ளது. இந்த செயலிகள் பெரும்பாலும் வாடிக்கையாளர்கள் வழங்கும் மின்னஞ்சல் முகவரி, டிவைஸ் ஐடென்டிஃபையர்கள் மற்றும் ரூட் டேட்டா போன்றவைகளை பயன்படுத்தி வாடிக்கையாளர்களின் தகவல்களை சேகரிப்பதாகவும் கண்டறியப்பட்டுள்ளது.

இது போன்று எஸ்டிகே பயன்படுத்தும் தனியார் செயலிகளை ஆப் ஸ்டோரில் இருந்து உடனடியாக நீக்கப்படும் என்றும், எஸ்டிகே பயன்படுத்தும் புதிய செயலிகளும் ஆப் ஸ்டோரில் இருந்து நிராகரிக்கப்படும் என தெரிவிக்கப்பட்டுள்ளது.