ஆப்பிள் ஐபோன் 13 சாதனத்தின் அறிமுகம் இந்த தேதியில் தானா? கணிப்பு கூட கச்சிதமாக பொருந்துகிறதே.!

ஆப்பிள் ஐபோன் 13 சீரிஸ் இன் அறிமுகம் எப்போது?

மேக்ருமர்ஸின் அறிக்கை, வெட்புஷின் டேனியல் ஐவ்ஸின் முதலீட்டாளர் குறிப்பை மேற்கோள் காட்டியுள்ளது. இதன் படி, குபெர்டினோ தொழில்நுட்ப நிறுவனமான ஆப்பிள் நிறுவனம் அதன் ஐபோன் 13 சீரிஸை அடுத்த மாதம் மூன்றாவது வாரத்தில் அறிமுகம் செய்யக்கூடும் என்று அந்த தகவல் குறிப்பிடுகிறது. இருப்பினும், சாதனத்தின் சரியான வெளியீட்டுத் தேதி இன்னும் அதிகாரப்பூர்வமாக வெளியிடப்படவில்லை என்று கூறப்பட்டுள்ளது.

கணிப்பாக இருந்தாலும் தேதிகள் கச்சிதமாக பொருந்துகிறதே

ஆப்பிள் பின்பற்றும் வழக்கமான வெளியீட்டு முறைக்கு ஏற்ப, இது செவ்வாய்க்கிழமை நாட்களில் நிகழ வாய்ப்புள்ளது. ஆப்பிள் நிறுவனம் தனது வழக்கமான வெளியீட்டு அட்டவணைக்கு நகர்ந்திருப்பதால், அது இந்தமாதிரியான போக்கைத் தொடரும் என்று எதிர்பார்க்கலாம். இது உண்மையாக மாறினால், ஆப்பிள் ஐபோன் 13 சீரிஸ் வரும் செப்டம்பர் 21, 2021 அன்று அறிமுகம் செய்யப்படலாம் என்று கணிக்கப்பட்டுள்ளது. செப்டம்பர் 7 அல்லது செப்டம்பர் 14 அன்றும் வெளியீட்டை நாம் எதிர்பார்க்கலாம்.

45 சதவீதமாக உற்பத்தியை அதிகரிக்க ஆப்பிள் முடிவு

மேலும், டேனியல் ஐவ்ஸ் நிறுவனம் இந்த ஆண்டின் இறுதிக்குள் 130 மில்லியன் முதல் 150 மில்லியன் யூனிட் சமீபத்திய மாடல்களை உற்பத்தி செய்யும் என்று எதிர்பார்க்கிறது. குறிப்பிடத்தக்க வகையில், இது Q3 2021 இல் உற்பத்தியை 35 சதவீதத்திலிருந்து 45 சதவீதமாக அதிகரிக்க விரும்புகிறது. புதிய ஆப்பிள் ஐபோன் 13 சாதனத்தில் என்ன அம்சங்களை எல்லாம் நாம் எதிர்பார்க்கலாம்? முந்தைய ஊகங்களின் அடிப்படையில், ஐபோன் 13 வரிசை சற்று சிறிய டிஸ்பிளே நாட்ச் கொண்டிருக்கும் என்று எதிர்பார்க்கப்படுகிறது.

புதிய ஆப்பிள் 13 சாதனத்தில் எதிர்பார்க்கப்படும் அம்சங்கள் என்னென்ன?

புதிய ஆப்பிள் 13 சாதனம் 120 ஹெர்ட்ஸ் வேகமான புதுப்பிப்பு வீதத்துடன் வரலாம். அதிக புதுப்பிப்பு விகிதம் அதிக விலை கொண்ட புரோ மாடல்களுக்கு மட்டுமே பிரத்தியேகமாக இருக்க முடியும். இந்த நிறுவனம் பிரீமியம் மாடலை 1TB உள் சேமிப்பு திறன் கொண்டதாக வழங்கும் என்று எதிர்பார்க்கப்படுகிறது. ஐபோன் 13 சீரிஸ் அமெரிக்காவைத் தவிர உலக நாடுகளுக்கு எம்எம்வேவ் 5 ஜி -யை ஆதரிக்கலாம் என்ற கூறப்படுகிறது. மேலும், இந்த மாடல்கள் இடத்தைச் சேமிக்கும்இன்டர்னல் சர்க்கியூட்களைக் கொண்டிருக்கும்.

ஆப்பிள் 13 சாதனத்தில் 25W ஃபாஸ்ட் சார்ஜிங் அம்சமா?

இது நிறுவனத்தைப் பெரிய பேட்டரியைப் பயன்படுத்த அனுமதிக்கும். சமீபத்திய அறிக்கைகளில் ஒன்று வரவிருக்கும் ஐபோன்கள் 25W ஃபாஸ்ட் சார்ஜிங் ஆதரவைக் கொண்டிருக்கும் என்றும், இது தற்போதுள்ள 22W ஃபாஸ்ட் சார்ஜிங்கிலிருந்து மேம்படுத்தப்பட்டுள்ளது. மேலும், ஒரு லிடார் ஸ்கேனர் எதிர்பார்க்கப்படுகிறது. ஐபோன் 13 தொடர் குறிப்பிடத்தக்க வன்பொருள் மேம்படுத்தல்கள் மற்றும் 5nm+ செயல்முறையைப் பயன்படுத்தி அதிக ஆற்றல் திறன் மற்றும் வேகமான சிப்செட் ஆகியவற்றுடன் வரும் என்று எதிர்பார்க்கப்படுகிறது.