Apple-ன் அடுத்த புது சாதனம் Android போனிலும் இயங்குமா? Beats Studio Buds+ எப்போது அறிமுகம்?

எலக்ட்ரானிக்ஸ் சந்தையில் என்னதான் பல லட்சம் தயாரிப்புகள் வாங்க கிடைத்தாலும். அதில் சில ஆயிரம் சாதனங்கள் மட்டுமே சிறந்த தரத்துடன் வருகிறது. இருப்பினும், மக்கள் கண்களை மூடிக்கொண்டு நம்பிக்கையுடன் வாங்க ஆப்பிள் போன்ற சில முன்னணி பிராண்ட்களின் தயாரிப்புகள் வாங்க கிடைக்கிறது.

உண்மையை சொல்ல போனால், கண்களை மூடிக்கொண்டு ஒரு கேட்ஜெட்டை தாராளமான வாங்கலாம் என்ற எண்ணத்தை ஆப்பிள் நிறுவனம் மக்கள் மனதில் நிலைநாட்டிவிட்டது. இதனால் தானோ என்னவோ, உலகளவில் மக்கள் ஆப்பிள் தயாரிப்புகளை எந்தவித தயக்கமும் இல்லாமல், வாங்கி மகிழ்கிறார்கள். ஆப்பிள் தயாரிப்புகள் பெரும்பாலும் ஆப்பிள் சாதனத்துடன் மட்டுமே இணக்கமானது.

ஆண்ட்ராய்டு பயனர்கள் ஆசைப்பட்டாலும், ஐபோன் இல்லாமல் ஆப்பிளின் மற்ற சாதனங்களை முழுமையாக பயன்படுத்த முடிவதில்லை. ஆனால், ஆப்பிள் நிறுவனத்தின் இந்தவொரு சாதனத்தை மட்டும் ஆப்பிள் பயனர்கள் மற்றும் ஆண்ட்ராய்டு பயனர்கள் என்று இரண்டு வகையான பயனர்களும் பயன்படுத்த முடியுமாம். இங்கு நாம் பேசிக்கொண்டிருக்கும் சாதனம் ஆப்பிளின் புதிய Beats Studio Buds+ சாதனமாகும்.

ஆப்பிள் விரைவில் புதிய பீட்ஸ் வயர்லெஸ் இயர்பட்களை அறிமுகப்படுத்தவுள்ளதாம். இவற்றை பீட்ஸ் ஸ்டுடியோ பட்ஸ்+ என்று நிறுவனம் அழைக்கும். இந்த சாதனத்தின் அறிவிப்புக்கான சரியான காலக்கெடு தெளிவாக இல்லை என்றாலும், அது வரும் வாரங்களில் நடக்கும் என்று எதிர்பார்க்கப்படுகிறது. இந்த புதிய Beats Studio Buds+ TWS இயர்பட்ஸ்கள் IMDA சான்றிதழைப் பெற்றுள்ளன. கடந்த 2021 ஆம் ஆண்டில் அறிமுகம் செய்யப்பட்ட Studio Buds-ன் மேம்படுத்தலாக இது வெளிவரும்.

புதிய Studio Buds+ பிரீமியம் தரத்தில் வெளியிடப்படும் என்று கூறப்படுகிறது. இந்த Apple Beats Studio Buds+ சாதனம் அனைத்து தனித்துவமான Beats அம்சங்களையும் பெரும் என்று கூறப்படுகிறது. MySmartPrice வெளியிட்ட தகவலின் படி, இந்த இயர்பட்ஸ் A2872 மற்றும் A2871 மாடல் எண்களைக் கொண்டிருக்கும். ட்விட்டர் பயனர் ஆரோன் கண்டறிந்தது போல, பீட்ஸ் இயர்பட்கள் FCC இணையதளத்திலும் காணப்பட்டன. கூடுதலாக, 9to5Mac இல் பீட்ஸ் ஸ்டுடியோ பட்ஸ்+ காணப்பட்டுள்ளது.

பீட்ஸ் ஸ்டுடியோ பட்ஸ்+ ஆடியோ ஷேரிங், ஆட்டோமேட்டிக் டிவைஸ் சேஞ்சிங் மற்றும் 'ஹே சிரி' போன்ற அம்சங்களை ஆதரிக்கும். ஏர்போட்ஸ் ப்ரோ போன்ற ஆப்பிளின் ஆடியோ தயாரிப்புகளைப் போலவே Beats Studio Buds+ சாதனத்தில் பிரத்யேகமான பீட்ஸ் சிப் இடம்பெறும் என்று கூறப்படுகிறது. தனிப்பயன் பீட்ஸ் சிப்பைப் பயன்படுத்துவதால், ஏர்போட்ஸ் மற்றும் ஏர்போட்ஸ் ப்ரோ மற்றும் பவர்பீட்ஸ் ப்ரோவின் சில பயனுள்ள அம்சங்களை பயனர்கள் தவறவிடுவதற்கான வாய்ப்புகள் உள்ளன.

ஆனால், சிறப்பான விஷயம் என்னவென்றால், பீட்ஸ் ஸ்டுடியோ பட்ஸ்+ ஆண்ட்ராய்டு மற்றும் iOS சாதனங்களில் வேலை செய்யக்கூடும். பீட்ஸ் ஸ்டுடியோ பட்ஸ்+ இயர்பட்கள் மீடியா கட்டுப்பாடுகளுக்கான ஆதரவைக் கொண்டிருக்க வாய்ப்புள்ளது. துரதிர்ஷ்டவசமாக, இந்த நேரத்தில் இயர்பட்களைப் பற்றி அதிகம் அறியப்படவில்லை. ஆனால் இதன் வடிவமைப்பு, அம்சங்கள் மற்றும் முழு தயாரிப்பு என்று எல்லாம் ஏர்போட்களுடன் ஆப்பிள் வழங்குவதில் இருந்து வேறுபட்டதாக இருக்கும்.

இந்த Beats Studio Buds+ பற்றிய கூடுதல் தகவல்களை நாம் வரும் வாரத்தில் இன்னும் அதிக விபரங்களுடன் அறிந்துகொள்ளலாம். இந்த Beats Studio Buds+ சாதனம் ஆண்ட்ராய்டு மற்றும் iOS என்று இரண்டு தளங்களிலும் இயங்கும் தயாரிப்பாக இருக்கும் என்பதனால், உலகளவில் உள்ள ஆண்ட்ராய்டு மற்றும் ஆப்பிள் பயனர்கள் இருவரும் மிகுந்த ஆர்வத்துடன் காத்திருக்கின்றனர்.