ஸ்மார்ட் டிவி பயனர்களின் கவனத்திற்கு: Android 13 அப்டேட்: எந்தெந்த டிவிகளுக்கு கிடைக்கும்?

ஆண்ட்ராய்டு 13

இந்நிலையில் கூகுள் நிறுவனம் அதிகாரப்பூர்வமாக டிவிகளுக்கான ஆண்ட்ராய்டு 13 இயங்குதளத்தை (ஓஎஸ்) அறிமுகப்படுத்தியுள்ளது. குறிப்பாக இந்த அப்டேட் மிகவும் பயனுள்ள வகையில் இருக்கும் என்றே கூறலாம். இதுதவிர கூகுள் மூலம் இயங்கும் ஸ்மார்ட் டிவிகளுக்கான சமீபத்திய மென்பொருள் (சாப்ட்வேர்) அப்டேட், customisation options, செயல்திறன் மேம்பாடு மற்றும் UI இல் சில மாற்றங்களைக் கொண்டுவந்துள்ளது கூகுள் நிறுவனம்.

எந்தெந்த ஸ்மார்ட் டிவிகளுக்கு இந்த அப்டேட் கிடைக்கும்?

அதாவது ஆண்ட்ராய்டு 12-இல் இயங்கும் ஸ்மார்ட் டிவிகள் உங்களிடம் இருந்தால் அடுத்த சில வாரங்களில் இந்த ஆண்ட்ராய்டு 13 அப்டேட் கிடைக்கும். சுருக்கமாக கூறவேண்டும் என்றால் இப்போது ஆண்ட்ராய்டு 12 இயங்குதளம் மூலம் இயங்கும் டிவிகளுக்கு மட்டுமே இந்த ஆண்ட்ராய்டு 13 அப்டேட் சில வாரங்களில் கிடைக்கும் என்று தெரிவிக்கப்பட்டுள்ளது.

சிறந்த ஆடியோ தரத்தை உறுதி செய்கிறது

அதேபோல் ஸ்மார்ட் டிவிகளுக்கு கிடைத்த இந்த ஆண்ட்ராய்டு 13 அப்டேட் மூலம் பல சிறப்பு அம்சங்களை பெறமுடியும். அதாவது ஆடியோ டிராக் பார்மெட்களை காண்பிக்கும் ஆப்ஸ்களை அனுமதிக்கும் இந்த புதிய அப்டேட். பின்பு கேம்கள் மற்றும் ஸ்ட்ரீமிங் ஆப்ஸ்களின் சிறந்த ஆடியோ தரத்தை உறுதி செய்கிறது இந்த ஆண்ட்ராய்டு 13 அப்டேட்.

பவர் மேனேஜ்மென்ட்

டிவிக்கான ஆண்ட்ராய்டு 13 ஆனது மேம்படுத்தப்பட்ட பவர் மேனேஜ்மென்ட் சிஸ்டத்துடன் வருகிறது. அதாவது இது standby mode-இல் மின் பயன்பாட்டைக் குறைக்கிறது என்பது குறிப்பிடத்தக்கது.

மேலும் மைக்ரோஃபோன் அணுகலுக்கான மேம்படுத்தப்பட்ட பயனர் கட்டுப்பாடு உள்ளிட்ட பல சிறப்பு அம்சங்களை வழங்குகிறது ஆண்ட்ராய்டு 13 அப்டேட். குறிப்பாக இந்த புதிய அப்டேட் ஒரு தனித்துவமான அனுபவத்தைக் கொடுக்கும் என்றே கூறலாம்.

சுத்தமாக வைத்திருப்பது மிகவும் அவசியம்

அதேபோல் ஸ்மார்ட் டிவிகளுக்கு புதிய புதிய அப்டேட் கிடைத்தாலும் கூட சுத்தமாக வைத்திருப்பது மிகவும் அவசியம். உங்கள் ஸ்மார்ட் டிவியை நீங்கள் சுத்தம் செய்வதற்கு முன், டிவியை மறக்காமல் ஆப் செய்து விடவும். இதன் மூலம் மின் விபத்துக்கான வாய்ப்புகள் முற்றிலுமாக நீங்கும். டிவியை ஆப் செய்தால் தான், டிவியின் பிளாக் ஸ்க்ரீன் ஆனது எவ்வளவு அழுக்காக உள்ளது, அதில் எவ்வளவு தூசி உள்ளது என்பதை நாம் அறிந்துகொள்ள முடியும்.

இன்றோடு கைவிடவும்

குறிப்பாக டிவி ஸ்க்ரீனை முகம் துடைக்கும் துண்டுகள், நியூஸ் பேப்பர், காட்டன் துணிகள் அல்லது பாலிஸ்டர் துணிகளை கொண்டு துடைக்கும் பழக்கம் உங்களிடம் இருந்தால்.. அதை இன்றோடு கைவிடவும். ஏனென்றால் "அவைகள்" உங்கள் டிவி ஸ்க்ரீனில் கீறல்களை ஏற்படுத்தலாம். உங்கள் வீட்டில் இருப்பது ஒரு எல்சிடி, ஓஎல்இடி, பிளாஸ்மா அல்லது சிஆர்டி டிஸ்ப்ளேவை கொண்ட ஸ்மார்ட் டிவியாக இருந்தால் அதை சுத்தம் செய்ய மைக்ரோஃபைபர் அல்லது ஃபிளானல் (microfiber / flannel cloth) துணியைப் பயன்படுத்துவது தான் மிகவும் நல்லது.

மேலும் தொழில்நுட்பம், விண்வெளி மற்றும் அறிவியல் தொடர்பான இன்னும் கூடுதல் சுவாரசியமான செய்திகள் பற்றி அறிந்துகொள்ள எங்கள் கிஸ்பாட் சேனல் உடன் இணைந்திருங்கள். உங்களின் கருத்துக்களை எங்களுடன் பகிர்ந்துகொள்ளுங்கள்.