5ஜியை யாராலும் நெருங்க முடியாது அமெரிக்காவுக்கு ஹூவாய் சவால்.!

சீனா பொருட்களுக்கு 25% வரிவிதிப்பு:

அமெரிக்காவில் சீனா பொருட்களுக்கு 25 சதவீதம் வரியை விதிக்க அமெரிக்க முடிவு செய்துள்ளது. ஏற்கனவே வரியை உயர்த்தி இருந்தாலும், இந்த வரிவிதிப்பு அதிகமாகவே பார்க்கப்படுகின்றது.

டிரம்ப்-அவசர நிலை பிரகடனம் :

அந்நிய மற்றும் எதிரி நாடுகள் அமெரிக்காவின் தொலைத் தொடர்பு தொழில் நுட்பத்தை அபகரிப்பதாக தெரிவித்த டிரம்ப் இதனைத் தடுக்க தேசிய அவசர நிலையை பிரகடனம் செய்வதாக அறிவித்துள்ளார்.

அமெரிக்கா தொழில்நுட்பம் பாதுகாக்க:

களவாடப்படும் தொழில்நுட்பத்தால் அமெரிக்காவின் தேசிய பாதுகாப்புக்கு அச்சுறுத்தல் ஏற்பட்டுள்ளதாகவும் அமெரிக்காவின் தொழில்நுட்பத்தை பாதுகாக்க இந்த அவசர நிலை பிரகடனம் செய்யப்படுவதாகவும் அதிபர் டிரம்ப் வெளியிட்ட அறிக்கையில் தெரிவிக்கப்பட்டுள்ளது.

கூகுளில் அப்டேட்க்கு தடை:

இதனால் ஹூவாய் போன்களில் கூகுளின் அப்டேட்களும் சில செயலிகளும் செயல்படாது என்று கூகுள் நிறுவனம் அறிவித்தது. கூகுள் சேவை இல்லை என்றால் ஹூவாய் நிறுவனம் கடும் பாதிப்படையும் என்று கூறப்பட்ட நிலையில் அவை இல்லாமலேயே தங்களால் சமாளிக்க முடியும்.

பாதிப்பு இல்லை:

அமெரிக்காவின் நெருக்கடிகளை சமாளிக்க தயாராக இருப்பதாக சீனாவைச் சேர்ந்த ஹூவாய் நிறுவனம் தெரிவித்துள்ளது. இதனால் தங்களுக்கு பெரிய பாதிப்பு இல்லை என்று ஹூவாய் நிறுவனம் தெரிவித்துள்ளது.

வேறு எந்த நிறுவனமும் 5ஜியை அடைய முடியாது:

தலைமைச் செயல் அதிகாரி சென் செங்பெய் கூறியதாவது : அமெரிக்காவின் கட்டுப்பாடுகள் எதுவும் ஹுவாய்யின் 5ஜியைக் கட்டுப்படுத்திவிட முடியாது. அடுத்த சில ஆண்டுகளுக்கு வேறெந்த நிறுவனத்தாலும் எங்களது தொழில்நுட்பத்தை அடைய முடியாது என்றார்.