சீக்கிய மத உணர்வுகளை 'துன்புறுத்துவதாக' அமேசான் மீது எஃப்.ஐ.ஆர்!

1 கோடிக்கும் அதிகமான பொருட்கள் விற்பனை

ஆன்லைன் ஷாப்பிங் தளமான அமேசான் வலைத்தளத்தில் சுமார் 1 கோடிக்கும் அதிகமான பொருட்கள் விற்பனை செய்யப்படுகிறது. குழந்தைகளுக்குத் தேவைப்படும் பொருட்களிலிருந்து வீட்டு உபயோக பொருட்கள், எலக்ட்ரானிக்ஸ் சாதனம், ஆடைகள், பர்னிச்சர், ஆர்கானிக் விதைகள், மாட்டின் சாணம் போன்ற அனைத்து பொருட்களையும் அமேசான் விற்பனை செய்து வருகிறது.

பாத்ரூம் மேட்டினால் சர்ச்சை

சீக்கிய மத வழிபாட்டுத்தலங்களில் ஒன்றான தங்க கோவிலின் படம் பிரிண்ட் செய்யப்பட்ட பாத்ரூம் மேட்கள் அமேசான் தளத்தில் விற்பனை செய்யப்பட்டுள்ளது. இதை கண்ட சிர்சா தனது டிவிட்டர் பக்கத்தில், தங்க கோயிலின் படங்களுடன் அச்சிடப்பட்ட பாத்ரூம் மேட்டின் படங்களைப் பதிவிட்டு அமேசான் நிறுவனத்தையும் டேக் செய்துள்ளார்

உலகளாவிய மன்னிப்பு கேட்க வேண்டும்

"அமேசான் 'சீக்கிய உணர்வுகளுக்குப் பொறுப்பற்ற தன்மையைக் காட்டுகிறது' என்று சிர்சா ட்வீட் செய்துள்ளார். இந்த மேட்களை விற்பனை செய்யும் விற்பனையாளரைத் தடை செய்யுமாறு இ-காமர்ஸ் நிறுவனத்தை அவர் வலியுறுத்தியுள்ளார். அதேபோல் அமேசான் நிறுவனமா உலகளாவிய மன்னிப்பு கேட்க வேண்டும் என்றும் குறிப்பிட்டுள்ளார்.

இது முதல் முறை அல்ல

அமேசான் நிறுவனம் இந்த மாதிரியான பிரச்சினையில் சர்ச்சையைத் தீர்ப்பது இதுவே முதல் முறை அல்ல என்பது குறிப்பிடத்தக்கது. இதற்கு முன்பும் பல முறை இது போன்ற சிக்கலில் சிக்கியுள்ளது என்பதும் குறிப்பிடத்தக்கது. இதேபோன்று 2018ம் ஆண்டிலும் சீக்கிய மத வழிபாடு தளங்களின் உருவத்தைக் கால்மிதியாக விற்பனை செய்ததற்குக் கண்டனம் தெரிவிக்கப்பட்டது.