ஏர்டெல் அதிரடி: ரூ.509/-க்கு புதிய அன்லிமிடெட் ப்ரீபெயிட் திட்டம் அறிமுகம்.!

ரூ.509/- ரீசார்ஜ் திட்டம் இணைந்துள்ளது.!

இந்தியாவின் முன்னணி தொலைத் தொடர்பு நிறுவனமான பார்தி ஏர்டெல் நிறுவனத்திலிருந்து பல கவர்ச்சியான திறந்த சந்தை கட்டணத் திட்டங்கள் கிடைக்கின்றன. அந்த பட்டியலில் தற்போது ரூ.509/- ரீசார்ஜ் திட்டம் இணைந்துள்ளது.

ஓப்பன் மார்க்கெட் ரீசார்ஜ் திட்டமாகும்.!

ஏர்டெல் நிறுவனத்தின் ரூ.509/- ஆனது ஒரு ஓப்பன் மார்க்கெட் ரீசார்ஜ் திட்டமாகும், அதாவது இந்த திட்டத்தை நாடெங்கிலும் உள்ள ஏர்டெல் ப்ரீபெயிட் வாடிக்கையாளர்களுக்கு கிடைக்கும். கூடுதலாக, அனைத்து ஏர்டெல் வாடிக்கையாளர்களும்- 2ஜி / 3ஜி / 4ஜி டேட்டாவும் இந்த திட்டத்தின் கீழ் கிடைக்கும்.

84 நாட்களுக்கு செல்லுபடியாகும்.!

இந்த ஏர்டெல் ரூ.509/- ஆனது மொத்தம் 84 நாட்களுக்கு செல்லுபடியாகும் காலத்துடன் வருகிறது. மேலும் இந்த திட்டம் - குரல் அழைப்பு, தரவு மற்றும் எஸ்எம்எஸ் நன்மைகள் என ரிலையன்ஸ் ஜியோ வழங்கும் அனைத்து நன்மைகளையும் வழங்குகிறது.

1 ஜிபி அளவிலான டேட்டா.!

இது ஒரு நாளைக்கு 1 ஜிபி அளவிலான டேட்டாவை தரவு வழங்குகிறது, உடன் 84 நாட்களுக்கும் ரோமிங் அழைப்பு உட்பட வரம்பற்ற குரல் அழைப்பு நன்மை மற்றும் நாள் ஒன்றிற்கு 100 இலவச எஸ்எம்எஸ் ஆகிய நன்மையையும் வழங்குகிறது.

ரிலையன்ஸ் ஜியோவின் ரூ.459/- ஆனது..

இது ஏர்டெல் நிறுவனத்தின் சிறந்த திட்டங்களில் ஒன்றாகும், மேலும் இது ஜியோவின் ரூ.459/- என்கிற கட்டணத் திட்டத்தை மிகவும் வெளிப்படையாகவே எதிர்த்து அறிவிக்கப்பட்டுள்ளது. ரிலையன்ஸ் ஜியோவின் ரூ.459/- ஆனது ஒரு நாளைக்கு 1 ஜிபி அளவிலான டேட்டா, வரம்பற்ற குரல் அழைப்புகள் மற்றும் 84 நாட்களுக்கும், நாள் ஒன்றிற்கு 100 எஸ்எம்எஸ் ஆகிய நன்மைகளை வழங்குகிறது.

"உங்களுக்கான சிறந்த சலுகைகள்" பிரிவில் காண்பிக்கப்படவில்லை.!

இந்த புதிய ரூ.509/- திட்டமானது, ஏர்டெல் ப்ரீபெய்ட் வாடிக்கையாளர்களுக்கு மைஏர்டெல் பயன்பாட்டில் அல்லது ஏர்டெல் வலைத்தளத்தில் கிடைக்கிறது. ரூ.509/- என்கிற திட்டத்தை தேடுங்கள், ஏனெனில் இந்த திட்டம் இன்னும் "உங்களுக்கான சிறந்த சலுகைகள்" பிரிவில் காண்பிக்கப்படவில்லை.

சிறப்பானதொரு சலுகையாக ரூ.448/- திகழ்கிறது.!

ஜியோவுடனான கட்டண யுத்தத்தின் கீழ், பார்தி ஏர்டெல் நிறுவனமானது ரூ.199/-ல் தொடங்கி ஆண்டுக்கு ரூ.3,999/- என்கிற வரை அதன் திட்டங்களை தொகுத்து வழங்கிவருகிறது. அவைகளில் சிறப்பானதொரு சலுகையாக நிறுவனத்தின் ரூ.448/- திகழ்கிறது. இது ரூ.509/- வழங்கும் அதே நன்மைகளை மொத்தம் 70 நாட்களுக்கு வழங்கும்.