ரூ.5/- முதல் ரூ.399/- வரை புதிய ஆபர்கள் - "தரலோக்கலுக்கு" இறங்கியது ஏர்டெல்.!

ஜியோவின் ஆக்கிரோஷமான திட்டங்கள், மற்ற பங்குதாரர்கள் தங்கள் சந்தைப்பங்கைப் பாதுகாக்க புதிய திட்டங்களை வழங்கி கொண்டே இருக்க வேண்டிய கட்டாயத்திற்கு தள்ளபப்ட்டுள்ளன.

| Published: Friday, September 1, 2017, 15:43 [IST]

கடந்த ஜூலை மாதத்தில், ரிலையன்ஸ் ஜியோ அதன் இரண்டு புதிய திட்டங்களை அறிமுகப்படுத்தியது - ரூ.399/- மற்றும் ரூ.349/- திட்டம்.

ரூ.349/- திட்டத்தின் கீழ், ஜியோ அதன் வாடிக்கையாளர்களுக்கு வரம்பற்ற உள்ளூர் மற்றும் எஸ்.டி.டி அழைப்புகளுடன், நாள் ஒன்றுக்கு 1 ஜிபி அளவிலான தரவை 56 நாட்களுக்கு வழங்குகிறது. மறுகையில் உள்ள ரூ.399/- திட்டத்தின் கீழ், வரம்பற்ற உள்ளூர் மற்றும் எல்.டி.டி. அழைப்புகளுடன் சேர்ந்து நாள் ஒன்றுக்கு 1 ஜிபி அளவிலான 4ஜி தரவை 84 நாட்களுக்கு வழங்குகிறது.

பதிலடிக்கு வெளியிடும் எந்தவொரு சலுகைகளையும் சற்றும் கண்டுகொள்ளாத ரிலையன்ஸ் ஜியோவின் ஆக்கிரோஷமான திட்டங்கள், மற்ற பங்குதாரர்கள் தங்கள் சந்தைப்பங்கைப் பாதுகாக்க புதிய திட்டங்களை வழங்கி கொண்டே இருக்க வேண்டிய கட்டாயத்திற்கு தள்ளபப்ட்டுள்ளன.

ரூ.399/- மதிப்புள்ள புதிய ரீஜார்ஜ் பேக்

இந்நிலைப்பாட்டில், இந்தியாவின் மிகப்பெரிய தொலைத் தொடர்பு நிறுவனமான ஏர்டெல் அதன் ரூ.399/- மதிப்புள்ள புதிய ரீஜார்ஜ் பேக் ஒன்றை ஜியோவிற்கு எதிராக களமிறங்கியுள்ளது.

ரூ.399/- நன்மைகள்

ஏர்டெல் ப்ரீபெய்ட் சந்தாதாரர்களுக்கான இந்த புதிய திட்டத்தின் நன்மைகளை பொறுத்தமட்டில் - வரம்பற்ற உள்ளூர் மற்றும் எஸ்டிடி அழைப்புகளை வழங்குகிறது, உடன் 4ஜி வேகத்திலான 84 நாட்கள் செல்லுபடியாகும் நாள் ஒன்றுக்கு 1 ஜிபி என்ற டேட்டாவும் வழங்குகிறது.

ரூ.149/- ரீசார்ஜ்

ஜியோவின் ரூ.399/- ரீசார்ஜ் பேக்கை மட்டுமின்றி இதர ஜியோவின் குறைந்த விலை கட்டண திட்டங்களை எதிர்க்கும் வண்ணம் ஏர்டெல் மேலும் வேறு சில திட்டங்களையும் அறிமுகப்படுத்தியுள்ளது. ஏர்டெல் நிறுவனத்தின் புதிய ரூ.149/- திட்டமானது ஏர்டெல் டூ ஏர்டெல் அழைப்புகள், 4ஜி வேகத்திலான 28 நாட்கள் செல்லுபடியாகும் 2ஜிபி தரவு ஆகிய நன்மைகளை வழங்குகிறது.

ரூ.8/- ரீசார்ஜ்

இதேபோல ஏர்டெல் நிறுவனம் ரூ.5 முதல் ரூ.399/- அதன் பல புதிய திட்டங்களை அறிமுகம் செய்துள்ளது. ரூ.8/- மதிப்புள்ள ரீசார்ஜ் பேக் ஆனது 56 நாட்களுக்கு ஏர்டெல் உள்ளூர் + எஸ்.டி.டி அழைப்புகளை நிமிடத்திற்கு 30 பைசா என்றவொரு விகிதத்தில் மேற்கொள்ள உதவும்.

ரூ.40/- மற்றும் ரூ.60/- ரீசார்ஜ்

ரூ.40/- மதிப்புள்ள ஏர்டெல் திட்டமானது, ரூ.35/-க்கான வரம்பற்ற பேச்சு நேரத்தை வழங்கும். மறுபக்கம் ரூ.60/- திட்டமானது ரூ.58/-க்கான வரம்பற்ற பேச்சு நேரத்தை வழங்கும்.

ரூ.5/- ரீசார்ஜ்

இருப்பதுலேயே மிகவும் மலிவான திட்டமான ரூ.5/- மதிப்புள்ள ரீசார்ஜ் பேக்கின் கீழ் 7 நாட்கள் செல்லுபடியாகும் 4ஜிபி அளவிலான 3ஜி/4ஜி தரவு கிடைக்கும். இந்த சலுகையானது 4ஜி சிம் மேம்படுத்துதலுக்குப் பிறகு ஒரே முறை மட்டுமே கிடைக்கும் என்பது குறிப்பிடத்தக்கது.

ரூ.199/- ரீசார்ஜ்

ரூ.199/- மதிப்புள்ள ரீசார்ஜ் பேக்கின் கீழ் 28 நாட்களுக்கு செல்லுபடியாகும் வரம்பற்ற உள்ளூர் மொபைல் அழைப்புகள் மற்றும் 1ஜிபி அளவிலான 2ஜி / 3ஜி / 4ஜி தரவு நன்மைகள் கிடைக்கும்.

ரூ.349/- ரீசார்ஜ்

ரூ.349/- மதிப்புள்ள ரீசார்ஜ் பேக்கின் கீழ் 28 நாட்களுக்கு செல்லுப்படியாகும் நாள் ஒன்றிக்கு 1ஜிபி அளவிலான தரவுடன் வரம்பற்ற உள்ளூர் மற்றும் எல்.டி.டி. அழைப்புகளை அனைத்து கைபேசிகளுக்கும் வழங்குகிறது. இந்த ரூ.349/- திட்டத்தில் 10% கேஷ் பேக் ஆபர் பெற ஏர்டெல் பேமெண்ட்ஸ் பேங்க் அக்கவுண்ட் ஒன்றை துவங்குவதின் மூலம் பெறலாம்.