ஏர்டெல் ரூ.93/- பேக்: இனி 28 நாட்களுக்கு காம்போ (டேட்டா+வாய்ஸ்) நன்மைகளை வழங்கும்.!

அழைப்பு நன்மைகளை விரும்பும் வாடிக்கையாளர்கள்

சமீபத்தில், ஏர்டெல் நிறுவனம் ஒரு நாளைக்கு 1ஜிபி அளவிலான தரவை மொத்தம் 28 நாட்களுக்கு வழங்கும் ரூ.149/- ரீசார்ஜ் பேக்கை அறிவித்து ஜியோவிற்கு பதிலடி கொடுத்ததும், இந்த இரண்டு திட்டங்களுமே - ஜியோ ரூ.98 மற்றும் ஏர்டெல் ரூ.93 - கணிசமாக தரவு நுகர்வு குறைக்கின்ற அழைப்பு நன்மைகளை விரும்பும் வாடிக்கையாளர்களை நோக்கமாக கொண்டுள்ளன என்பதும் குறிப்பிடத்தக்கது.

மொத்தமாக 1ஜிபி அளவிலான 3ஜி/4ஜி டேட்டா

ஏர்டெல் இப்போது அதன் ரூ.93/- ரீசார்ஜின் கீழ் அதன் வாடிக்கையாளர்களுக்கு 'வரம்பற்ற' உள்ளூர் மற்றும் எஸ்டிடி அழைப்புகளை வழங்குகிறது அதாவது ரோமிங் உட்பட இலவச அழைப்புகள், ஒரு நாளைக்கு 100 எஸ்எம்எஸ் மற்றும் செல்லுபடியாகும் காலத்திற்கும் மொத்தமாக 1ஜிபி அளவிலான 3ஜி/4ஜி டேட்டா வழங்கும்.

நிமிடத்திற்கு 10 பைசா வசூலிக்கப்படும்.!

'வரம்பற்ற' அழைப்பு நன்மையை பொறுத்தமட்டில், நாள் ஒன்றுக்கு 250 நிமிடங்கள் மற்றும் வாரத்திற்கு 1,000 நிமிடங்கள் மட்டுமே இருக்கும். தினசரி அல்லது வாராந்த வரம்புகள் தீர்ந்துவிட்டால், வாடிக்கையாளர்களிடம் இருந்து நிமிடத்திற்கு 10 பைசா வசூலிக்கப்படும்.

7-நாள் காலப்பகுதியில் அதிகபட்சமாக 100 எண்கள்.!

மேலும் பயனர்கள் ஒரு 7-நாள் காலப்பகுதியில் அதிகபட்சமாக 100 தனித்தனி இலக்கங்களை அழைக்க முடியும். இந்த வரம்பை மீறினாலும் நிமிடத்திற்கு 10 பைசாக்கள் வசூலிக்கக்ப்படும்.

அறிமுகமான போது 10 நாட்கள் என்கிற செல்லுபடி.!

ஏர்டெல் ரூ.93/- ஆனது அறிமுகமான போது 10 நாட்கள் என்கிற செல்லுபடியை கொண்டிருந்ததும், இப்போது 28 நாள் செல்லுபடியாகும் வண்ணம் கணிசமான அதிகரிப்பை பெற்றுள்ளதும் குறிப்பிடத்தக்கது. நன்மைகளில் எந்த மாற்றமும் இல்லை, முன்பிருந்ததைப் போலவே இருக்கின்றன.

Instagram Simple Tips and Tricks (TAMIL)

1ஜிபி கூடுதல் டேட்டா.!

மறுகையில் உள்ள முகேஷ் அம்பானியின் ஜியோ ரூ.98/- ஆனது 2ஜிபி அளவிலான 4ஜி டேட்டாவை, அதாவது நாட்டின் மிகப்பெரிய ஆபரேட்டர் ஆன ஏர்டெல் நிறுவனத்தை விட 1ஜிபி கூடுதல் டேட்டா வழங்குகிறது. இருப்பினும் ஜியோ ரீசார்ஜ் ஆனது வெறும் 300 தொகுக்கப்பட்ட எஸ்எம்எஸ்களை மட்டுமே வழங்க, ஏர்டெல் தினம் 100 எஸ்எம்எஸ்களை அதாவது மொத்தம் 2,800 எஸ்எம்எஸ்களை வழங்குகிறது.