Airtel கஸ்டமர்கள் முதல்ல இதை தெரிஞ்சுக்கோங்க.. ரூ.24 எக்ஸ்ட்ரா கொடுத்தா இவ்ளோ நன்மைகள் கூடுதலா கிடைக்குமா?

இந்தியாவின் இரண்டாவது பெரிய தொலைத்தொடர்பு நிறுவனமான பார்தி ஏர்டெல் (Bharti Airtel), ஏறக்குறைய ஒரே விலையில் இரண்டு ப்ரீபெய்ட் திட்டங்களை (Prepaid Plans) வழங்குகிறது. இந்த திட்டங்களின் விலை ஏர்டெல் ரூ.355 பிளான் (Airtel Rs.355 Plan) மற்றும் ஏர்டெல் ரூ.379 பிளான் (Airtel Rs.379 Plan) ஆகும். வெறும் ரூ.24 வித்தியாசத்தில் இவ்விரு திட்டங்களுக்கும் இடையேயான வேறுபாடு என்ன?

பார்தி ஏர்டெல் ரூ.355 ப்ரீபெய்ட் திட்டம்: பார்தி ஏர்டெல் ரூ.355 ப்ரீபெய்ட் திட்டம் 25ஜிபி அளவிலான 4ஜி டேட்டாவுடன் (25GB of 4G Data) வருகிறது. இந்த திட்டத்தில் வரம்பற்ற வாய்ஸ் காலிங் (Unlimited Voice Calling) மற்றும் 300 எஸ்எம்எஸ் ஆகிய நன்மைகளும் அடங்கும். இந்த ப்ரீபெய்ட் திட்டத்தின் சர்வீஸ் வேலிடிட்டி (Service Validity) 30 நாட்கள் ஆகும்.

இந்த திட்டத்தின் கீழ் பயனர்களுக்கு ரூ.5 மதிப்புள்ள டாக் டைமும் (Talk Time) கிடைக்கிறது. இந்த திட்டத்தைப் பயன்படுத்துவதற்கான தினசரி செலவு ரூ.11.83 ஆகும். ரூ.379 திட்டத்தின் சேவை செல்லுபடியாகும் காலமும் ஏறக்குறைய இதே போல இருப்பதால், வேலிடிட்டி விஷயத்தில் அது இதைவிட அதிக விலை கொண்டதாக இல்லை.

பார்தி ஏர்டெல் ரூ.379 ப்ரீபெய்ட் திட்டம்: பார்தி ஏர்டெல் ரூ.379 ப்ரீபெய்ட் திட்டத்தில் வரம்பற்ற வாய்ஸ் காலிங், தினசரி 2ஜிபி டேட்டா மற்றும் 100 எஸ்எம்எஸ் ஆகிய நன்மைகள் அடங்கும். இந்த திட்டம் 1 மாத கால சர்வீஸ் வேலிடிட்டி உடன் வருகிறது.

இந்த திட்டத்தை பயன்படுத்துவதற்கான தினசரி செலவு ரூ.12.63 ஆகும். இந்த திட்டத்துடன், பயனர்களுக்கு ஒரு மாதத்திற்கு 30ஜிபி கூகுள் ஒன் கிளவுட் ஸ்டோரேஜும் (Google One Cloud storage) கிடைக்கிறது. மேலும் இந்த திட்டத்துடன் ஆறு மாதங்கள் வரை இலவச ஆப்பிள் மியூசிக் சந்தாவும் (Apple Music subscription) உள்ளது, கடைசியாக இது பயனர்களுக்கு வரம்பற்ற 5ஜி டேட்டாவையும் (Unlimited 5G Data) வழங்குகிறது.

ஒருவேளை நீங்கள் ரூ.299 மற்றும் ரூ.319 ப்ரீபெய்ட் திட்டங்களை ரீசார்ஜ் செய்து இருந்தால், இந்த திட்டம் (ரூ.379) சிறந்த மேம்படுத்தல்களில் ஒன்றாக பரிந்துரைக்கப்படுகிறது. ரூ.355 திட்டத்தைப் பற்றி யோசிக்கும் பயனர்கள் கூட, இந்த திட்டத்தைத் தேர்ந்தெடுக்கலாம், ஏனெனில் இது அதிக டேட்டாவை வழங்குகிறது. இருப்பினும், ரூ.379 திட்டத்தின் முழு பலனையும் பெற, நீங்கள் பார்தி ஏர்டெல்லின் 5ஜி கவரேஜின் கீழ் இருக்க வேண்டும்.

ஏனென்றால் ரூ.379 திட்டம் 5ஜி டேட்டாவையும் வழங்குகிறது, அதே சமயம் ரூ.355 திட்டம் மொத்தமாக 4ஜி டேட்டாவை பயன்படுத்தும் வசதியை வழங்குகிறது. நீங்கள் அதிக டேட்டாவை பயன்படுத்த விரும்புபவராக இருந்தால், ரூ.379 திட்டம் தான் சிறந்தது. ஏர்டெல்லின் 4ஜி மற்றும் 5ஜி நெட்வொர்க் இப்போது கிட்டத்தட்ட எல்லா இடங்களிலும் உள்ளது.

நீங்கள் 5ஜி நெட்வொர்க்கின் கீழ் இருந்தால், அப்போதும் மொத்தமாக அதிவேக டேட்டாவை பயன்படுத்தலாம். இருப்பினும், நீங்கள் 4ஜி நெட்வொர்க்கில் இருந்தால், மொத்தமாக டேட்டாவை பயன்படுத்த விரும்பினால் ரூ.355 திட்டத்தை தேர்ந்தெடுக்க வேண்டும். 5ஜி விரிவாக்கத்துடன், பார்தி ஏர்டெல் இந்தியாவின் கிராமப்புறங்களில் 4ஜி சேவையை அறிமுகப்படுத்தும் (4G Expansion) பணியிலும் ஈடுபட்டுள்ளது.

இது இந்தியாவின் பல்வேறு பகுதிகளில் பயணம் செய்யும் நுகர்வோருக்கு ஏர்டெல்லின் 4ஜி-ஐ ஒரு சிறந்த சொத்தாக ஆக்குகிறது. ஏர்டெல் வடகிழக்கு இந்தியாவிலும் 4ஜி நெட்வொர்க்கை விரிவுபடுத்தும் பணியில் ஈடுபட்டுள்ளது. நீங்கள் பணத்தை சேமிக்க விரும்பினால், வாய் கால்களுக்கு மட்டுமேயான இந்த தொலைத்தொடர்பு நிறுவனத்தின் 4ஜி திட்டத்தையும் நீங்கள் தேர்ந்தெடுக்கலாம்.