ஜியோவின் ஒவ்வொரு அடிக்கும் பதிலடி: ரூ.49/- ஏர்டெல் ரீசார்ஜ் அறிமுகம்.!

ஏர்டெல் ரூ.49/- நன்மைகள்

ஏர்டெல் நிறுவனத்தின் இந்த புதிய திட்டமானது, மொத்தம் 1ஜிபி அளவிலான தரவுப் பயன்பாட்டை வழங்குகிறது. இந்த திட்டத்தை 4ஜி பயனர்கள் மட்டுமில்லாது, 3ஜி பயனர்களும் ரீசார்ஜ் செய்து பயன்படுத்தலாம்.

இலவச அழைப்பு நன்மை

இந்த ரூ.49/- திட்டமானது டேட்டா நன்மையை மட்டுமே வழங்குகிறது, எந்தவொரு இலவச அழைப்பு நன்மைகளையும் வழங்காது என்பது குறிப்பிடத்தக்கது. இந்த திட்டம் ஜியோவின் ரூ.52/- திட்டத்தை எதிர்க்கும் நோக்கில் வெளியிடப்பட்டுள்ளது.

7 நாட்களுக்கு செல்லுபடியாகும்

ஜியோவின் ரூ.52/- திட்டமானது மொத்தம் 7 நாட்களுக்கு செல்லுபடியாகும். அந்த திட்டமானது 1.05 ஜிபி அளவிலான டேட்டாவை வழங்குகிறது. தவிர ரிலையன்ஸ் ஜியோவின் ரூ.52/- ஆனது இலவச வரம்பற்ற அழைப்புகளையும், எந்த வரம்பில்லாமல் 7 நாட்களுக்கு வழங்குகிறது.

மைஏர்டெல் பயன்பாட்டை அணுகவும்

மறுகையில் உள்ள ஏர்டெல் இலவச அழைப்புகளை வழங்கவில்லை என்பதோடு தேர்ந்தெடுக்கப்பட்ட பயனர்களுக்கு மட்டுமே வழங்குகிறது. இந்த திட்டம் உங்களுக்கு கிடைக்குமா, இல்லையா என்பதை சரிபார்க்க மைஏர்டெல் பயன்பாட்டை அணுகவேண்டும்.

ஏர்டெல் நிறுவனத்தின் இதர போட்டி திட்டங்கள்

ஏர்டெல் பல சிறிய சிறந்த திட்டங்களைக் கொண்டுள்ளது, அதில் குறிப்பாக ரூ.98/- திட்டத்தை கூறலாம். 5 நாட்களுக்கு செல்லுபடியாகும் ரூ.98/- திட்டத்தின் கீழ், ப்ரீபெய்ட் பயனர்கள் 2ஜிபி அளவிலான டேட்டாவை பெறலாம்.

காம்போ

நீடித்த செல்லுப்படி காலம் கொண்ட திட்டங்கள் வேண்டுமெனில் நிறுவனத்தின் ரூ.349, ரூ.549, ரூ.448 மற்றும் ரூ.799/- ஆகிய திட்டங்களை ஆலோசிக்கலாம். இத்திட்டங்கள் அனைத்தும் தொகுக்கப்பட்ட டேட்டா மற்றும் அழைப்பு நன்மைகளை வழங்கும் ஏர்டெல் நிறுவனத்தின் காம்போ திட்டங்களாகும்.

ரூ.349/- நன்மைகள்

ஏர்டெல் ரூ.349/- திட்டமானது, அனைத்து உள்ளூர், எஸ்டிடி மற்றும் ரோமிங் அழைப்புகள் உட்பட இலவச அழைப்பு மற்றும் இலவச உள்ளூர் மற்றும் வெளியூர் எஸ்எம்எஸ் நன்மையையும் வழங்கி வருகிறது. தவிர, நாள் ஒன்றிற்கு 2ஜிபி அளவிலான டேட்டாவை மொத்தம் 28 நாட்கள் செல்லுபடியாகும் வண்ணம் வழங்கி வருகிறது.

ரூ.549/- நன்மைகள்

ஏர்டெல் ரூ.549/- திட்டமானதும் ரூ.349/- போலவே உள்ளூர், எஸ்டிடி மற்றும் ரோமிங் அழைப்புகள் உட்பட இலவச அழைப்பு மற்றும் இலவச உள்ளூர் மற்றும் வெளியூர் எஸ்எம்எஸ் நன்மைகளை வழங்குகிறது. இந்த திட்டமானது நாள் ஒன்றிற்கு 3ஜிபி அளவிலான டேட்டாவை மொத்தம் 28 நாட்கள் செல்லுபடியாகும் வண்ணம் வழங்குகிறது.

ரூ.799/- நன்மைகள்

ஏர்டெல் ரூ.799/- திட்டமானது, அனைத்து உள்ளூர், எஸ்டிடி மற்றும் ரோமிங் அழைப்புகள் உட்பட இலவச அழைப்பு மற்றும் இலவச உள்ளூர் மற்றும் வெளியூர் எஸ்எம்எஸ் நன்மையையும் வழங்கி வருகிறது. தவிர, நாள் ஒன்றிற்கு 3.5ஜிபி அளவிலான டேட்டாவை மொத்தம் 28 நாட்கள் செல்லுபடியாகும் வண்ணம் வழங்கி வருகிறது.

ரூ.448/- நன்மைகள்

70 நாட்கள் என்கிற நீண்ட கால செல்லுபடி கொண்ட ரூ.448/- திட்டத்தின் நன்மைகளை பொறுத்தமட்டில், எஸ்டிடி, உள்ளூர மற்றும் உள்வரும் / வெளிச்செல்லும் ரோமிங் அழைப்புகளை உள்ளடக்கிய இலவச அழைப்பு நன்மை உடன் வரம்பற்ற எஸ்எம்எஸ் ஆகியவைகளுடன் நாள் ஒன்றுக்கு 1ஜிபி அளவிலான அதிவேக 4ஜி தரவு பயன்பாடும் கிடைக்கும்.