ரூ.399-க்கு 3300 ஜிபி டேட்டா: ஜியோ, பிஎஸ்என்எல், ஏர்டெல் சிறந்த பிராட்பேண்ட் திட்டங்கள்!

வளர்ந்து வரும் பிராட்பேண்ட் சேவை

கொரோனா பரவல் தொடங்கிய காலம் முதல் வீட்டில் இருந்தே வேலை பார்ப்பது, ஆன்லைன் வகுப்பு என பல தேவைகளுக்கு இணைய சேவை பிரதானமாக இருக்கிறது. இதையடுத்து பிராட்பேண்ட் சந்தை மிக வேகமாக வளர்ந்து வருகிறது. பிராட்பேண்ட் சேவையில் கிடைக்கும் குறைந்த விலை திட்டங்கள் குறித்து பார்க்கலாம்.

ஏர்டெல், ஜியோ, பிஎஸ்என்எல்

ஏர்டெல், ஜியோ, பிஎஸ்என்எல் போன்ற தொலைத் தொடர்பு நிறுவனங்களில் கிடைக்கும் குறைந்த விலை திட்டம் குறித்து பார்க்கலாம். ஏர்டெல் எக்ஸ்ட்ரீம் ஃபைபர், ஜியோ ஃபைபர் மற்றும் பிஎஸ்என்எல் பாரத் ஃபைபர் வழங்கும் ரூ.500-க்கு கீழ் கிடைக்கும் திட்டங்கள் குறித்து பார்க்கலாம்.

ஜியோ ஃபைபர் ரூ.399 பிராட்பேண்ட் திட்டம்

ஜியோ ஃபைபர் ரூ.399 என்ற விலையில் பிராட்பேண்ட் திட்டத்தை வழங்குகிறது. இதில் 30 எம்பிபிஎஸ் பதிவிறக்கம் மற்றும் பதிவேற்றம் வேகம் வழங்கப்படுகிறது. இந்த திட்டம் ஒரு மாதம் செல்லுபடியாகும். பயனர்களுக்கு வரம்பற்ற டேட்டா வழங்கப்படுகிறது. 30 எம்பிபிஎஸ் வேகத்தில் 3.3டிபி அதாவது 3,300 ஜிபி டேட்டா வழங்கப்படுகிறது. மேலும் இந்த திட்டத்தில் இலவச குரலழைப்பு கிடைக்கிறது. இருப்பினும் ஓடிடி அணுகல் எதுவும் கிடைக்கவில்லை.

ஏர்டெல் எக்ஸ்ஸ்ட்ரீம் ஃபைபர் ரூ.499 பிராட்பேண்ட் திட்டம்

ஏர்டெல் எக்ஸ்ஸ்ட்ரீம் ஃபைபர் ரூ.499 திட்டத்தில் கிடைக்கும் சலுகைகள் குறித்து பார்க்கலாம். இந்த பிராட்பேண்ட் திட்டத்தில் 40 எம்பிபிஎஸ் பதிவிறக்கம் மற்றும் பதிவேற்றம் வேகம் வழங்கப்படுகிறது. இந்த திட்டத்தில் பயனர்களுக்கு 3.3டிபி அதாவது 3,300 ஜிபி டேட்டா கிடைக்கிறது. மேலும் இந்த திட்டத்தில் வரம்பற்ற குரலழைப்பு, ஏர்டெல் எக்ஸ்ஸ்ட்ரீம் ஃபைபர், விங்க் மியூசிக், ஷா அகாடமி, ஈரோஸ் நவ், ஹங்காமா ப்ளே உள்ளிட்ட ஓடிடி அணுகல் கிடைக்கிறது.

பிஎஸ்என்எல் பாரத் ஃபைபர் ரூ.449 பிராட்பேண்ட் திட்டம்

பிஎஸ்என்எல் பாரத் ஃபைபர் ரூ.449 பிராட்பேண்ட் திட்டத்தில் பயனர்கள் 30 எம்பிபிஎஸ் பதிவிறக்கம் மற்றும் பதிவேற்ற வேகத்தை பெறுவார்கள். இணைய வரம்பு குறித்து பார்க்கையில் 3.3 டிபி அதாவது 3,300 ஜிபி டேட்டா வழங்கப்படுகிறது. இந்த திட்டத்தில் எந்த ஓடிடி அணுகலும் வழங்கவில்லை.