200 ரூபாய்க்குள் இனி ஆட்டம் வேற மாதிரி இருக்க போகுது.. 22 OTT உடன் இறங்கி அடித்த Airtel.. எந்த திட்டம்?

அதிக செலவு இருக்க கூடாது, ஆனால், பொழுதுபோக்கு அம்சத்தில் எந்தவித குறைபாடும் இருக்க கூடாதென்று கருதும் வடிக்கையாளர்களுக்காகவே ஏர்டெல் (Airtel) நிறுவனம் ரூ. 200 விலைக்குள் ஒரு புதிய ப்ரீபெய்ட் ரீசார்ஜ் திட்டத்தை அறிமுகம் செய்துள்ளது. பணத்தை மிச்சப்படுத்தி OTT உள்ளடக்கங்களுடன் டிஜிட்டல் பொழுதுபோக்கை மேம்படுத்த விரும்பும் ஏர்டெல் வாடிக்கையாளர்களுக்காக, பாரதி ஏர்டெல் ஒரு கவர்ச்சியான சலுகையை இப்போது ரூ. 200 விலைக்குள் வழங்குகிறது.

இந்த திட்டத்துடன் ஏர்டெல் பயனர்கள் ஏராளமான இலவச ஓடிடி ஸ்ட்ரீமிங்கை அனுபவிக்கலாம். டிஜிட்டல் உள்ளடக்கத்திற்கான வளர்ந்து வரும் தேவையைப் பூர்த்தி செய்யும் இந்த நடவடிக்கை, கூடுதல் செலவில்லாமல் பரவலான ஸ்ட்ரீமிங்கைப் பெற பயனர்களை அனுமதிக்கிறது. இந்த சலுகைகளில், தனித்து நிற்கும் அம்சமாக ஏர்டெல் நிறுவனம் வழங்கும் ஏர்டெல் எக்ஸ்ட்ரீம் பிளே பிரீமியம் (Airtel Xstream Play Premium subscription) சந்தா நன்மையை கொண்டுள்ளது.

இது Airtel Xstream Play சேனல் வழியாக 22-க்கும் மேற்பட்ட ஓடிடி சேவைகளை ஒருங்கிணைத்து வழங்குகிறது. இந்த ஓடிடி தளங்களுக்கு அணுகல் பெற விரும்புவோருக்கு குறிப்பாக ஈர்க்கக்கூடிய விருப்பமாக ஏர்டெல்லின் ரூ. 181 திட்டம் (Airtel Rs 181 Plan) இப்போது ரீசார்ஜ் செய்ய கிடைக்கிறது. 30 நாட்களுக்கு செல்லுபடியாகும் இந்தத் திட்டம் 15 ஜிபி கூடுதல் டேட்டாவை வழங்குவதோடு, ஏர்டெல் எக்ஸ்ட்ரீம் பிளேக்கான 30 நாட்கள் பிரீமியம் சந்தாவையும் உள்ளடக்கி வழங்குகிறது.

நிலையான திட்டங்களைப் போலல்லாமல், இந்த திட்டம் டேட்டா ஒன்லி சலுகைகளை வழங்கி, அழைப்புகள் மற்றும் எஸ்எம்எஸ் நன்மைகள் இல்லாமல், பயனரின் டிஜிட்டல் உள்ளடக்க அனுபவத்தை மேம்படுத்துவதில் கவனம் செலுத்தி OTT நன்மைகளை வழங்குகிறது, இந்த சந்தாவின் மூலம், வாடிக்கையாளர்கள் சோனிஎல்ஐவி (SonyLiv), லைன்ஸ் கேட் பிளே (Lionsgate Play), அஹா (Aha), சவுபால் (Chaupal), ஹோய்ச்சோய் (Hoichoi), சன்என்எக்ஸ்ட் (SunNxt) உள்ளிட்ட 22 க்கும் மேற்பட்ட ஓடிடி தளங்களில் பல்வேறு உள்ளடக்கத்தை வழங்குகிறது.

ஏர்டெல் ரூ. 181 திட்டத்தின் டேட்டா சலுகை அதிகமாக இருப்பதாக கருதுபவர்களுக்கு, ஒரு சிறிய விருப்பமும் கிடைக்கிறது. ஏர்டெல் ரூ. 149 திட்டம் (Airtel Rs 149 Plan) ரீசார்ஜ் செய்ய கிடைக்கிறது. இது ஏர்டெல் எக்ஸ்ட்ரீம் பிளே சந்தாவை, 22-க்கும் மேற்பட்ட ஓடிடி சேவைகளுடன் வழங்குகிறது. இருப்பினும், இந்தத் திட்டம் 1 ஜிபி கூடுதல் டேட்டாவை வழங்குகிறது. தற்போதைய செயலில் உள்ள திட்டத்தின் செல்லுபடியாகும் காலத்திற்கு இணங்க, ஓடிடி நன்மைகளை 30 நாட்களுக்கு நீட்டிக்கிறது.

இந்த நெகிழ்வுத்தன்மை வாடிக்கையாளர்கள் தங்கள் டேட்டா பயன்பாடு மற்றும் பொழுதுபோக்கு தேவைகளுக்கு ஏற்றவாறு ஒரு திட்டத்தைத் தேர்ந்தெடுக்க அனுமதிக்கிறது, இது ஏர்டெலின் சலுகைகளைப் பல்துறை மற்றும் ஏற்றுக்கொள்ளக்கூடியதாக மாற்றுகிறது. முடிவில், ரூ. 200 விலைக்கும் குறைவான திட்டங்களுடன் இலவச ஓடிடி சந்தாக்களை ஒருங்கிணைக்கும் பாரதி ஏர்டெலின் வாடிக்கையாளர்களை வெகுவாக கவர்ந்துள்ளது.