ஏர்டெல் அதிரடி: பல்வேறு சலுகையுடன் டிடிஎச்-க்கு ரூ.1,750 தள்ளுபடி அறிவிப்பு

சலுகைகளை வழங்குவதில் போட்டி

சலுகைகள் வழங்குவதில் போட்டி பிராட்பேண்ட் நிறுவனங்கள் வாடிக்கையாளர்களை கவருவதற்கும், அதிகமான சந்தாதாரர்களைக் கொண்டுவருவதற்கு பல்வேறு சலுகைகளை வழங்கி கொண்டே இருக்கின்றனர். இந்த துறையில் இப்போது ஏராளமான பிராட்பேண்ட் சேவை வழங்குநர்கள் உள்ளனர். கேபிள் டிவி சேவைகளும் இப்போது பிராட்பேண்ட் நிறுவனங்களாக செயல்படுகின்றன.

மிகப் பெரிய பிராட்பேண்ட் சேவை வழங்குநராக பி.எஸ்.என்.எல்

இந்தியாவில் மிகப் பெரிய பிராட்பேண்ட் சேவை வழங்குநராக பி.எஸ்.என்.எல் உள்ளது, அதன்பிறகு, பாரதி ஏர்டெல்லின் பிராட்பேண்ட் சேவை உள்ளது. இது இப்போது ஏர்டெல் எக்ஸ்ஸ்ட்ரீம் ஃபைபர் என்று அழைக்கப்படுகிறது. இப்போது, ​​முன்னதகாவே ஏர்டெல் எக்ஸ்ஸ்ட்ரீம் ஃபைபர் சேவை நிறுவனம் பல்வேறு கவர்ச்சிகரமான திட்டங்களை அறிமுகப்படுத்தி கொண்டேதான் இருக்கின்றன.

புதிய வாடிக்கையாளர்களை ஈர்க்கும் நோக்கில் ஏர்டெல்

ஏர்டெல் பிராட்பேண்ட் புதிய வாடிக்கையாளர்களை ஈர்க்கும் நோக்கில், இந்த புதிய சலுகையை அறிமுகப்படுத்தி உள்ளது. இதுகுறித்து பாரதி ஏர்டெல் தனது இணையதளத்தில் பிராட்பேண்ட் பிரிவில் அறிவித்துள்ளது. இந்த புதிய சலுகையைப் பற்றி கவனிக்க வேண்டிய விஷயம் என்னவென்றால், இது தற்போது சென்னையில் உள்ள ஏர்டெல் பிராட்பேண்டின் புதிய வாடிக்கையாளர்களுக்கு கிடைக்கிறது.

ரூ.1,750 தள்ளுபடி

இந்த நிலையில் ஏர்டெல் எக்ஸ்ட்ரீம் ஃபைபர் இணைப்பைப் பெறும் புதிய சந்தாதாரர்களுக்கு ரூ.1,750 தள்ளுபடி வழங்குகிறது. ஏர்டெல் எக்ஸ்ஸ்ட்ரீம் பாக்ஸ் இந்தியாவில் ரூ .3,999 க்கு அறிமுகப்படுத்தப்பட்டது. இருப்பினும், நிறுவனம் இப்போது டெல்லி பிராந்தியத்தில் வெறும் 2,249 ரூபாய்க்கு விற்பனை செய்கிறது.

எந்தெந்த பகுதிகளில் சலுகைகள் அறிவிப்பு

அதோடு 7 நாள் மெகா எச்டி டிரையல் பேக் உடன் வருகிறது. டெல்லி, நொய்டா, குர்கான், காஜியாபாத் மற்றும் ஃபரிதாபாத் போன்ற பிராந்தியங்களில் உள்ள ஏர்டெல் வாடிக்கையாளர்களால் இந்த சலுகையைப் பெறலாம். இந்த தள்ளுபடி நிறைவுபெறும் நாள் குறித்த காலக்கட்டம் தெரிவிக்காவிட்டாலும், இது குறுகிய காலத்திற்கு மட்டுமே செயல்பாட்டில் இருக்கும் என தெரிவிக்கப்பட்டுள்ளது.

மொத்த தொகை மற்றும் சலுகைகள்

புதிய சாதனத்தை வாங்கும்போது, ​​மொத்த செலவு மாத வாடகை உட்பட ரூ .2,785 ஆகக் குறைகிறது. செட்-டாப் பாக்ஸில் ரூ .100 மதிப்புள்ள ஒரு வருட உத்தரவாதமும், ரூ .999 மதிப்புள்ள ஏர்டெல் எக்ஸ்ஸ்ட்ரீம் பயன்பாட்டு சந்தா ஒரு வருடத்திற்கு அறிமுக சலுகையாகவும் கிடைக்கிறது.