ரூ.10,000-க்கும் மேல போச்சா.. ஜூன் 15-க்குள் இதை பண்ணிடுங்க.. இனிமேல் டிடிஎஸ் பிடித்தாலும் கவலை இருக்காது!

இந்திய வருமான வரிச் சட்டத்தின் கீழ் டிடிஎஸ் (TDS) அல்லது டிசிஎஸ் (TCS) பிடிக்கப்பட்டாலும், அது உங்களின் முழுமையான வரிப் பொறுப்பைத் தராது. ஒரு தனிநபரின் ஆண்டு வரிப் பொறுப்பு ரூ. 10,000-க்கும் அதிகமாக இருக்கும் பட்சத்தில், அவர்கள் முன்கூட்டிய வரி (Advance Tax) செலுத்துவது அவசியமாகிறது. சொத்து வாடகை, முதலீடுகள் மூலம் கிடைக்கும் லாபம் மற்றும் வங்கி வைப்புத்தொகை மீதான வட்டி போன்ற பல்வேறு வருமானங்கள் உங்கள் மொத்த வரித் தொகையை அதிகரிக்கச் செய்யும்.

இதைக் கருத்தில் கொண்டு, வரும் ஜூன் 15ஆம் தேதி முதல் தவணைக்கான முன்கூட்டியே வரி செலுத்துவதற்கான காலக்கெடுவாக நிர்ணயிக்கப்பட்டுள்ளது. இது அனைத்து வரி செலுத்துபவர்களுக்கும் இது பொருந்தாது என்றாலும், கீழ்க்கண்ட பிரிவினர் தங்களின் வருமான வரிப் பொறுப்பைச் சரிபார்த்து, ஜூன் 15ஆம் தேதிக்குள் முதல் தவணையைச் செலுத்தத் திட்டமிட வேண்டும்.

முதலீட்டாளர்களில் மூலதன ஆதாயம் (Capital Gains) குறிப்பிட்ட வரம்பிற்கு மேல் உள்ள ஊழியர்கள் செலுத்த வேண்டும். சுயதொழில் செய்பவர்களில் தன்னாட்சி முறையில் பணியாற்றும் வல்லுநர்கள் (Professionals) மற்றும் ஆலோசகர்கள் செலுத்த வேண்டும். வாடகை வருமானம் மூலம் கிடைக்கும் தொகையானது வரி வரம்பிற்கு உட்பட்டு, ரூ.10,000-க்கும் அதிகமான வரி செலுத்த வேண்டியவர்களுக்கும் பொருந்தும். இப்போது, முன்கூட்டிய வரியை செலுத்துவது எப்படி என்பதை பார்த்துவிடலாம்.

ஆன்லைனில் செய்வது எப்படி?
வருமான வரித் துறை, வரி செலுத்துபவர்களின் வசதிக்காக ஆன்லைன் முறையை எளிமைப்படுத்தியுள்ளது. உங்கள் வரிப் பொறுப்பைச் சரியான நேரத்தில் செலுத்த கீழ்க்கண்ட வழிமுறைகளைப் பின்பற்றவும்:
1. உள்நுழைதல் (Login): முதலில் வருமான வரித் துறையின் அதிகாரப்பூர்வ இ-பைலிங் (e-filing) இணையதளத்திற்குச் சென்று உங்கள் பயனர் ஐடி மற்றும் கடவுச்சொல் மூலம் உள்நுழையவும்.
2. இ-பை செய்தல்: டேஷ்போர்டில் உள்ள இ-பைல் (e-File) பகுதிக்குச் சென்று, அதில் இ-பே டேக்ஸ் (e-Pay Tax) என்ற விருப்பத்தைத் தேர்ந்தெடுக்கவும்.
3. புதிய கட்டணம்: புதிய பேமெண்ட் (New Payment) என்பதைத் தேர்ந்தெடுத்து வரி செலுத்தும் நடைமுறையைத் தொடங்கவும்.
4. வகைப்பாடு: வரி வகைகளில் வருமான வரி (Income Tax) என்பதைத் தேர்ந்தெடுத்து, அதைத் தொடர்ந்து முன்கூட்டிய வரி (Advance Tax) என்ற விருப்பத்தைத் தேர்ந்தெடுக்கவும்.
5. நிதியாண்டு தேர்வு: மதிப்பீட்டு ஆண்டு (Assessment Year) AY 2026-27 என்பதைத் தேர்வு செய்யவும். வரி குறியீடாக (Minor Head Code) 100 என்பதைத் தேர்வு செய்ய மறக்காதீர்கள்.
6. விவரங்களைப் பதிவு செய்தல்: உங்களின் வரித் தொகை, கூடுதல் கட்டணம் (Surcharge), செஸ் (Cess) மற்றும் ஏதேனும் வட்டிப் பொறுப்புகள் இருப்பின், அவற்றைக் கவனமாகப் பதிவிடவும்.
7. பணம் செலுத்துதல்: அனைத்துத் தகவல்களையும் ஒருமுறை சரிபார்த்துவிட்டு, நெட் பேங்கிங், டெபிட் கார்டு அல்லது பிற ஆன்லைன் கட்டண முறைகளில் ஒன்றைத் தேர்ந்தெடுத்து பணத்தைச் செலுத்தவும்.

தாமதமாகச் செலுத்துவது அபராதங்களுக்கு வழிவகுக்கும் என்பதால், வரி செலுத்துபவர்கள் ஜூன் 15ஆம் தேதி என்ற காலக்கெடுவிற்குள் தங்களின் முன்கூட்டியே வரி தவணையைச் செலுத்தி, வருமான வரித் துறையின் விதிமுறைகளைப் பின்பற்றி சட்ட சிக்கல்களைத் தவிர்ப்பது நல்லது. வரி தொடர்பான கூடுதல் தெளிவு தேவைப்பட்டால், தகுதியுள்ள வரி ஆலோசகரை அணுகி ஆலோசனையைப் பெறுவது சிறந்ததாகும்.