ஐ.எஸ்.எஸ் உடன் கைகோர்த்த அடிடாஸ் நிறுவனம்! ஏன் தெரியுமா?

ஐ.எஸ்.எஸ். இணையும் அடிடாஸ்

சர்வதேச விண்வெளி நிலையம் என்றும் அழைக்கப்படும் ஐ.எஸ்.எஸ். விண்வெளி மற்றும் விஞ்ஞானத்தின் பல்வேறு துறைகளில் சோதனைகள் மற்றும் பல விண்வெளி தொடர்பான ஆராய்ச்சிகளில் ஈடுபட்டு வருகிறது. ஐஎஸ்எஸ் என்பது நாசா, ரோஸ்கோஸ்மோஸ், சிஎஸ்ஏ, ஈஎஸ்ஏ மற்றும் ஜாக்ஸா உள்ளிட்ட பல்வேறு அமைப்புகளின் ஒத்துழைப்பு பணியாகும்.

சர்வதேச விண்வெளி நிலையம்

சர்வதேச விண்வெளி நிலையம் முக்கிய விண்வெளி ஆய்வகமாகச் செயல்பட்டு வருகிறது. அதுமட்டுமின்றி பல புதிய வகை கூறுகளை ஆராய, வெவ்வேறு விண்வெளி ஏஜென்சிகள் ஒன்றிணைந்து ஒரே கட்டமைப்பின் கீழ் செயல்பட ஐ.எஸ்.எஸ் வழிவகுத்துள்ளது என்பது குறிப்பிடத்தக்கது.

மைக்ரோ கிராவிட்டி சோதனையில் அடிடாஸ்

இருப்பினும், விண்வெளி நிலையத்தின் சமீபத்திய சோதனை உங்களை ஆச்சரியப்படுத்தக்கூடும். அடிடாஸ் ஆடை தயாரிக்கும் நிறுவனம் இப்போது விண்வெளி நிலையத்துடன் கைகோர்த்து தங்கள் தயாரிப்புகளை மைக்ரோ கிராவிட்டி மூலம் சோதிக்கிறது என்ற அறிவிப்பை ஐ.எஸ்.எஸ் வெளியிட்டுள்ளது.

பூஸ்ட் தொழில்நுட்பத்தை ஆராய்ச்சி செய்ய போகிறது

முன்பு அடிடாஸ் ஐ.எஸ்.எஸ் உடன் கால்பந்துகளைச் சோதனை செய்தது, இதன் மூலம் விஞ்ஞானிகள் காற்றின் வெவ்வேறு அம்சங்களைச் சோதிப்பதில் கவனம் செலுத்த புதிய வழியை அனுமதித்தது. தற்பொழுது பூஸ்ட் தொழில்நுட்பத்தையும் ஐ.எஸ்.எஸ் உடன் சோதித்து வருகிறது. பூஸ்ட் என்பது ஒரு வகையான ஃபோம் (Foam), இது காலணிகளை வசதியா உருவாக்கப் பயன்படுகிறது.

டிவிட்டர் பதிவு

தற்போதுள்ள காலணிகளின் செயல்திறன் மற்றும் வசதியை மேம்படுத்த இந்த சோதனை நிறுவனத்திற்கு உதவும், அதேபோல் மேலும் இது ஒரு புதுமையை முழுவதுமாக பெற்றெடுக்கக்கூடும். எனவே எதிர்காலத்தில், அடிடாஸ் ஐ.எஸ்.எஸ் மற்றும் விண்வெளி சோதனை குறிச்சொற்களைக் கொண்டு தயாரிப்புகள் மற்றும் ஆடைகளை விற்பனை செய்வதை எதிர்பார்க்கலாம்.