இதோ அடுத்த Aadhaar கார்டு மாற்றம்.. சொத்து பதிவு, போலி பணப்பரிமாற்றம்.. வச்சாங்க பாரு புது செக்!

2026 ஆம் ஆண்டில் ஆதார் கார்டு (Aadhaar Card) மற்றும் பான் கார்டு (PAN Card) தொடர்பாக பல வகையான புதிய மாற்றங்கள், புதிய விதிகள் அமலுக்கு வரவுள்ள நிலையில் "பத்தோடு பதினொன்றாக" ஆதார் அட்டை தொடர்பான இன்னொரு புதிய மாற்றமும் அமலுக்கு வரவுள்ளது.

போலி பரிவர்த்தனைகளை தவிர்க்க, சொத்துக்களை பதிவு செய்வதற்கு (Registration of properties) ஆதார் அடையாளம் கட்டாயமாக்கப்பட்டு உள்ளதாக கர்நாடக அரசின் வருவாய் அமைச்சர் (Revenue Minister) ஆன கிருஷ்ண பைரே கவுடா (Krishna Byre Gowda) சட்டமன்றத்தில் தெரிவித்து உள்ளார்.

மேலும் அவர் பான் கார்டுகளை பயன்படுத்தி போலி பதிவுகள் செய்யப்படுவதை பற்றியும் விளக்கம் அளித்தார். போலி பதிவுகளை தவிர்க்கும் நோக்கத்துடன் மட்டுமே, நாங்கள் ஆதாரை கட்டாயமாக்கினோம். முன்னதாக பான், ஆதார் மற்றும் பாஸ்போர்ட் இடையே ஒரு விருப்பம் இருந்தபோது, ​​46% பேர் பதிவுக்காக பான் கார்டுகளை சமர்ப்பித்துள்ளனர். மாநிலத்தில் 46% பேர் பான் கார்டுகளை வைத்திருக்கிறார்களா? என்று அவர் ஆச்சரியப்பட்டார்.

மக்கள் பதிவுக்காக பான் கார்டுகளின் நகல்களை சமர்ப்பிப்பார்கள் என்றும், அதை ஏற்றுக்கொள்வதை தவிர வேறு வழியில்லை என்றும் அமைச்சர் குறிப்பிட்டார். இப்போது, ​​ஆதார் கட்டாயமாக்கப்பட்டுள்ளதால், உரிமைக்கான உத்தரவாதம் இருக்கும். அனைத்து சொத்துக்களும் ஆதாருடன் இணைக்கப்பட்டால், அனைத்து சொத்து ஆவணங்களுக்கும் முக அங்கீகாரம் அடையாளமாக இருக்கும் என்றும் கூறினார்.

பாஜக எம்.எல்.சி டி.எஸ். அருண் கேட்ட கேள்விக்கு பதிலளித்த கிருஷ்ண பைரே கவுடா, காவிரி போர்ட்டலுக்கும், இரண்டாகப் பிரிக்கப்பட்ட கட்டாக்களுக்கும் (bifurcated khatas) எந்த தொடர்பும் இல்லை என்று கூறினார். முன்னர் பிரிக்கப்பட்ட கட்டாக்கள் கூட காவிரி போர்டல் மூலம் செய்யப்பட்டன. ஆனால், பிரிக்கும் பணி உள்ளூர் மட்டத்தில் செய்யப்பட வேண்டியிருப்பதால், ஆர்.டி.பி.ஆர் மற்றும் நகர்ப்புற மேம்பாட்டுத் துறைகள் தங்கள் மட்டத்தில் அதை வரிசைப்படுத்துமாறு நான் கேட்டுக்கொள்வேன் என்றும் உறுதியளித்தார்.

கட்டாக்களை பிரிக்காமல் ஆயிரக்கணக்கான தளவமைப்புகள் உருவாக்கப்பட்டுள்ளன என்று சபைக்குத் தெரிவித்த கிருஷ்ண பைரே கவுடா, கட்டா வருவாயாக இருந்தால் நாங்கள் அதை காவிரி மூலம் செய்வோம். ஆனால் சொத்தின் பிரிப்பை சம்பந்தப்பட்ட உள்ளூர் அதிகாரிகள் செய்ய வேண்டும். காவிரி போர்ட்டலில் சிக்கல்கள் இருப்பதை நான் ஒப்புக்கொள்கிறேன், ஆனால் பதிவுத்துறை எவ்வாறு கட்டாக்களை பிரிக்க முடியும்? என்றும் கேள்வி எழுப்பினார்.

பள்ளி குழந்தைகளுக்கான ஆதார் அப்டேட்: 5 மற்றும் 15 வயதுடைய குழந்தைகளுக்கு ஆதார் கட்டாய பயோமெட்ரிக் அப்டேட் செய்து முடிக்க வேண்டும் என்றும், இதை பள்ளிகள் செய்து முடிக்க வேண்டும் என்றும், மாநிலம் முழுவதும் உள்ள பள்ளிகள் இதை செய்து முடிக்க - மார்ச் 2026-ஐ கடைசி நாளாக பள்ளிக் கல்வி மற்றும் எழுத்தறிவுத் துறை (Department of School Education and Literacy) நிர்ணயம் செய்துள்ளது.

மாநில மற்றும் மத்திய அரசின் உதவித்தொகைகள் உட்பட பல்வேறு சலுகைகளை பெறுவதற்கும், மதிய உணவு மற்றும் க்ஷீர பாக்யா, இலவச முட்டை மற்றும் வாழைப்பழங்கள் போன்ற பல்வேறு திட்டங்களை செயல்படுத்துவதற்கும் ஆதார் அப்டேட் கட்டாயமாக இருப்பதால், ஆதார் எம்.பி.யு-வை வலியுறுத்தும் ஒரு சுற்றறிக்கையை பள்ளிக் கல்வி மற்றும் எழுத்தறிவுத் துறை வெளியிட்டது.

பயோமெட்ரிக்கின் நம்பகத்தன்மையைப் பராமரிக்க, கருவிழி மற்றும் கைரேகையில் ஏற்பட்ட மாற்றங்களை கருத்தில் கொண்டு, குழந்தைகளுக்கான இந்த அப்டேட் கட்டாயமாக்கப்பட்டுள்ளது என்பதும் இங்கே குறிப்பிடத்தக்கது. இது தாமதமானால், மாணவர்கள் மாநில மற்றும் மத்திய அரசு வழங்கும் எந்த உதவித்தொகைக்கும் விண்ணப்பிக்க முடியாது என்று சுற்றறிக்கையில் கூறப்பட்டுள்ளது.

ஆதார் சேவையில் ஆப்லைன் வசதி: டெஸ்டிங்கில் உள்ள ஒரு புதிய ஆதார் ஆப் (New Aadhaar App) ஆனது இந்திய குடிமக்களுக்கான மிகவும் முக்கியமான 12 இலக்க அடையாளங்காட்டி ஆக செயல்படும் ஆதார் கார்டுக்கு (Aadhaar Card) ஒரு புதிய ஆப்லைன் (Offline) வசதியை கொண்டு வருவதாக அறிவிக்கப்பட்டுள்ளது

இந்த புதிய ஆப் ஆனது - பயனர்கள் ஹோட்டல்கள் போன்ற பொது இடங்களில் பகிர்ந்து கொள்ள வேண்டிய ஆதார் கார்டு தொடர்பான தரவுகளின் அளவை குறைக்கும் மற்றும் தேவைப்படும்போது தேர்ந்தெடுக்கப்பட்ட தகவல்களை மட்டுமே பகிர உதவும் என்று இந்திய தனித்துவ அடையாள ஆணையத்தின் தலைமை நிர்வாக அதிகாரி ஆன புவனேஷ் குமார் தி இந்துவுக்கு அளித்த பேட்டியில் தெரிவித்துள்ளார்.