பிஎஸ்என்எல் சேவைக்கு மாற பிளான் போடுகிறீர்களா.? இதை கொஞ்சம் கவனிங்க.!

சிம் அட்டையின் விலை வெறும் ரூ.20/- தான்.!

பிற நிறுவனங்கள் போல கொள்ளை விலைக்கு தங்களின் சிம் கார்ட்களை விற்காமல் பிஎஸ்என்எல் தொலைத்தொடர்பு சேவை நிறுவனம் தனது சிம் கார்ட்டை வெறும் 20 ரூபாய்க்கு விற்பனை செய்கிறது உடன் வெறும் 24 மணி நேரத்திற்குள் செயல்படுத்தப்படுகிறது. எனினும், நீங்கள் ஒரு நானோ சிம் அட்டை தேடுகிறீர்கள் என்றால்அதற்கு ரூ.59/- செலவாகும்.

உங்கள் விருப்ப எண்ணை ஆன்லைனில் தேர்வு செய்யலாம்.!

பிஎஸ்என்எல் உங்களுக்கு பிடித்தமான மொபைல் எண் தேர்வு செய்யும் வசதியையும் வழங்குகிறது. இதை நீங்கள் ஆன்லைன் மூலம் நிகழ்த்தலாம். எனினும் இதை நிகழ்த்த நீங்கள் அருகாமை பிஎஸ்என்எல் அலுவகத்தில் உங்கள் ஆவணங்களை சமர்ப்பிக்க வேண்டியதிருக்கும்.

புதிய ஆண்ட்ராய்டு ஸ்மார்ட்போன் கருவிகளை சலுகை விலையில் வாங்க கிளிக் செய்யுங்கள்

நெட்வெர்க் டிராப் மற்றும் கால் டிராப்

பிஎஸ்என்எல் நாடு முழுவதும் அவர்களது 4ஜி உரிமம் பெறவில்லை என்பது கவனிக்கத்தக்க ஒரு விடயமாகும் மற்றும் சில நேரங்களில் நீங்கள் நெட்வெர்க் டிராப் மற்றும் கால் டிராப் ஆகியவைகளை சந்திக்கவும் நேரிடும்.

பிஎஸ்என்எல் - ரிலையன்ஸ் ஜியோ

சமீபத்தில், பிஎஸ்என்எல் நிறுவனம் ரிலையன்ஸ் ஜியோவின் உதவியை ரோமிங் கால்களுக்கு பயன்படுத்திக் கொள்ளும் ஒப்பந்தம் செய்திருந்தது அதே போல பிஎஸ்என்எல்-ன் 2ஜி தரவு சேவையை ஜியோ பயன்படுத்திக் கொள்கிறது ஆனால் டேட்டா இணைப்புகள் சார்ந்த பயன்பாடு எதுவும் கிடையாது.

ஆக்டிவேட் செய்வதென்பது

பிஎஸ்என்எல் சிம் கார்டு ஆக்டிவேட் செய்வதென்பது கடினமான பணி ஒன்றுமில்லை. சிம் அட்டை உங்கள் கைகளில் கிடைத்த பின்னர் சிம் அட்டை 24 மணி நேரத்திற்குள் செயலாக்கப்படும். வழக்கமான டெலி வெரிஃபிகேஷன்படி, டிராய் விதிமுறைகளின் படி சரிபார்ப்புகள் நடத்தப்படும்.

மேலும் படிக்க

மெல்ல மெல்ல தொடங்கி ஒட்டுமொத்தமாக கிழியும் ஜியோ முகமூடி.!