2 வயது சிறுவன் பார்த்த வேலை; 47 ஆண்டுகள் 'லாக்' ஆன ஐபோன்.!

தான்தோன்றி தனமாக..

சீனாவின் ஷாங்காயில் உள்ள இரண்டு வயது சிறுவன், தனது தாயின் ஐபோனை "தான்தோன்றி தனமாக" பாஸ்வேர்ட்களை உள்ளிட்டதின் விளைவாக அக்கருவி 47 ஆண்டுகளுக்கு 'லாக்' ஆகியுள்ளது.

25 மில்லியன் நிமிடங்கள்.!

லு (Lu) என்ற குடும்ப பெயரால் அடையாளம் காணப்படும் அந்த சீனப்பெண், வீட்டிற்குத் திரும்பிய பின்னர் அவரின் ஐபோன் ஆனது தவறான பாஸ்வேர்ட்களை பல முறை உள்ளிட்டத்தின் விளைவாக 25 மில்லியன் நிமிடங்கள் 'லாக்' ஆகியுள்ளதை கண்டறிந்து அதிர்ந்துள்ளார்.

ஆப்பிள் கடையை அணுகியுள்ளார்.!

பின்னர் "இந்த வேலை"யை பார்த்தது அவரின் 2 வயது குழந்தை என்பதை கண்டறிந்து "உன்னை சொல்லி குற்றமில்லை, என்னை சொல்லி குற்றமில்லை" என்ற நிலைக்கு தள்ளப்பட்டுளார். பின்னர் ஷாங்காயில் உள்ள ஒரு ஆப்பிள் கடையை அணுகியுள்ளார்.

பேக்டரி ரீசெட்.!

அங்கிருந்த ஒரு தொழில்நுட்ப வல்லுநர், ஒன்று மீண்டும் பாஸ்வேர்ட்டை உள்ளிட்டு கருவியை திறக்க சில ஆண்டுகள் காத்திருங்கள் அல்லது அனைத்து கோப்புகளையும், உள்ளக்கங்களையும் துடைத்தெறிய (பேக்டரி ரீசெட் ) வேண்டும் என்று பரிந்துரைத்துள்ளார்.

80 வருடங்களுக்கும் மேலாக லாக்

இதனை தொடர்ந்து 47 வருடங்கள் வரை என்னால் காத்திருக்க முடியாது என்ற தேர்வை லு எடுத்துள்ளார். இதற்கு முன்னாள், இதே வழிமுறையின் கீழ் நடந்தவொரு சம்பவத்தில் ஒரு ஐபோன் ஆனது 80 வருடங்களுக்கும் மேலாக லாக் ஆனதை ஷாங்காய் ஆப்பிள் கடையின் தொழில்நுட்ப வல்லுநர் நினைந்து கூறுகிறார்.

ஹேக்கிங் செய்வதை தடுக்கும்.

அனைத்து ஆப்பிள் கருவிகளுமே, உள்ளமைக்கப்பட்ட லாக்-அவுட் அம்சத்தினை கொண்டுள்ளன. இந்த குறிப்பிட்ட அம்சமானது கருவியை மென்பொருள் கொண்டே அல்லது இயந்திர உதவியுடனோ ஹேக்கிங் செய்வதை தடுக்கும்.

How to find vehicle owner detail (GIZBOT TAMIL)

10 தவறான முயற்சிகளுக்குப் பிறகு

ஒரு ஐஓஎஸ் சாதனமானது ஆறு முறை தவறான பின் முயற்சிகளுக்குப் பிறகு "முடக்கப்பட்டும்" அம்சமும் கொண்டுள்ளது. ஒருபடி மேல் சென்று 10 தவறான முயற்சிகளுக்குப் பிறகு கருவியில் உள்ள டேட்டாக்களை முழுமையாக நீக்கும் ஒரு அம்சம் கொண்டுள்ளது.