தாய்மொழியை தவிர வேறு எந்த மொழியும் தெரியாது: பில்கேட்ஸ் குறித்து 17 ஆச்சரியமான தகவல்கள்

#1

பில்கேட்ஸ் பள்ளியில் படிக்கும்போது கம்ப்யூட்டருடன் விளையாடும் ஒரு புரோகிராமை கண்டுபிடித்தார். டிக் டாக் டோ என்று அழைக்கப்படும் இந்த விளையாட்டு மிஷினுடன் மனிதர்கள் விளையாடும் விளையாட்டு ஆகும்

#2

அதேபோல் பள்ளியில் படிக்கும்போதே கோடிங் எழுதவும் அவர் கற்று கொண்டார். இதன்மூலம் வகுப்பறையில் உள்ள மாணவர்களின் தகவல்கள் குறித்த புரோக்ராம்களை அவர் எழுதினார். அதேபோல் பில்கேட்ஸ் தனது கோடிங்கில் மாணவிகளுக்கு என தனியாக பிரித்தும் அவர் குறிப்பிட்டிருந்தார்

#3

தனது டீன் ஏஜ் காலத்திலேயே 'வேர்ல்ட் புக் என்சைக்ளோபீடியா' என்ற புத்தகத்தை அவர் முழுவதுமாக படித்திருந்தார்

#4

எஸ்.ஏ.டி என்ற தேர்வில் பில்கேட்ஸ் எடுத்த மதிப்பெண்கள் எவ்வளவு தெரியுமா? 1600க்கு 1590

#5

இன்றைக்கு புகழ் பெற்று இருக்கும் பல தொழிலதிபர்கள் பில்கேட்ஸ் உடன் படித்தவர்கள். அவர் 1975ஆம் ஆண்டு மைக்ரோசாப்ட் நிறுவனத்தை தொடங்குவதற்காக ஹார்வர்டு பல்கலைக்கழத்தில் இருந்து விலகினார்

#6

பில்கேட்ஸ் இரண்டு முறை கைது செய்யப்பட்டுள்ளார் என்ற தகவல் யாருக்காவது தெரியுமா? ஆம், லைசென்ஸ் இல்லாமல் வாகனம் ஓட்டியதற்காகவும், ரெட் லைட் எரிந்து கொண்டிருந்தபோது சாலையை கடந்ததற்காகவும் இருமுறை கைது செய்யப்பட்டுள்ளார்.

#7

பில்கேட்ஸ் தான் முதல்முறையாக தனது மைக்ரோசாப்ட் நிறுவனத்தின் ஊழியர்களுக்கு வருகைப்பதிவுகளை மெஷின் மூலம் பதிவு செய்தார். இதனால் ஒவ்வொரு ஊழியர்களின் வருகை, வேலையை விட்டு செல்லும் நேரம் ஆகியவற்றை துல்லியமாக கண்டுபிடிக்க முடிந்தது

#8

பில்கேட்ஸ் அவர்களுக்கு போர்ச்சி கார் மீது அலாதி பிரியம். அமெரிக்காவின் சுற்றுச்சூழல் துறை மற்றும் அமெரிக்க போக்குவரத்து துறை அனுமதி அளிப்பதற்கு 13 வருடங்களுக்கு முன்னரே அவர் போர்ச்சி 959 என்ற மாடல் காரை வாங்கிவிட்டார்

#9

விமான பயணம் பில்கேட்ஸ் அவர்களுக்கு மிகவும் பிடித்த ஒன்று. கடந்த 1997ஆம் ஆண்டில் இருந்து 'பில் ஸ்ப்ளர்ஜ்' என்னும் சொந்த விமானத்தில்தான் அவர் பயணம் செய்து வருகிறார்

#10

பில்கேட்ஸ் தனது விமானத்தில் எப்போதும் டாவின்ஸி எழுதிய புத்தகங்களை வைத்திருப்பார். இவைகளை அவர் கடந்த 1994ஆம் ஆண்டு $30.8 மில்லியன் டாலர்களுக்கு ஏலம் எடுத்திருந்தார் என்பது குறிப்பிடத்த்தக்கது

#11

பில்கேட்ஸ் அவர்களுக்கு சுமார் 81.1 பில்லியன் அளவுக்கு சொத்து இருந்தாலும் அவர் தனது குழந்தைகள் ஒவ்வொருவருக்கு $10 மில்லியன் மட்டுமே கொடுத்துள்ளார். பணம் மட்டுமே வாழ்க்கையல்ல என்பதை குழந்தைகள் புரிந்து கொள்ள வேண்டும் என்பதே அவரது நோக்கம்

#12

பில்கேட்ஸ் தனது தொண்டு நிறுவனத்திற்காக அதிக நேரம் பணிபுரிவதை விரும்புபவர். இப்போதும் அவர் எங்கு, யாருக்கு உதவி தேவை என்பது குறித்தே மைக்ரோசாப்ட் பர்சனல் ஏஜண்டிடம் ஆராய்ந்து கொண்டிருப்பார்.

#13

மைக்ரோசாப்ட் நிறுவனத்தை விட அவருக்கு ஆர்ட்டிபிசியல் இண்டலிஜென்ஸ் குறித்து ஆய்வு செய்வதில் மிகுந்த ஆர்வம் உண்டு

#14

ஆர்ட்டிபிசியல் இண்டலிஜென்ஸ் குறித்து அதிக ஆர்வம் இருந்ததால் அவர் இதுகுறித்து ஸ்டீபன் ஹாக்கிங் மற்றும் எலான் மஸ்க் ஆகியோர்களுடன் அறிவியல், தொழில்நுட்பங்கள் குறித்து பல நேரங்களில் விவாதித்துள்ளார்.

#15

பில்கேட்ஸ் அவர்களுக்கு ராக் பாடல்கள் மிகவும் பிடிக்கும். குறிப்பாக 'வீசர்' என்ற குழுவினர்களின் பாடல்களை அவர் விரும்பி கேட்பார்.

#16

பில்கேட்ஸ் ஒரு புத்தகப்புழு. ஆண்டுக்கு குறைந்தபட்சம் 50 புத்தகங்களையாவது படிப்பார். புதிய விஷயங்களை தெரிந்து கொள்ளவும், தனது அறிவை வளர்த்து கொள்ளவும் புத்தகங்களை விட சிறந்த விஷயம் வேறு இல்லை என்பது பில்கேட்ஸ் அவர்களின் ஆணித்தரமான கருத்து

#17

பில்கேட்ஸ் அவர்களுக்கு தாய்மொழியை தவிர வேறு எந்த மொழியும் தெரியாது. இதுவொரு தனது பெரிய குறையாக அவர் பல சமயங்களில் நினைப்பதுண்டு