பொதுவாக மக்கள் பாடல் கேட்கும் போது தாங்களும் சேர்ந்து பாடுவார்கள் அல்லது அந்த பாடலை முணுமுணுப்பார்கள். அப்படிப்பட்ட இசை அனுபவத்தை இன்னும் அதிகமாகப் பெற விரும்பினால் சோலோ கரோகே அப்ளிகேஷனுடன் அறிமுகம் செய்யப்பட்டுள்ள மைக்கை வாங்கிக்கொள்ளலாம்.

சோலோ கரோகே என்பது ஒரு சிறந்த ஆடியோ அப்ளிக்கேசன். இதனுடன் சப்போர்ட் செய்யும் வகையில் இந்த புதிய மைக்கை உருவாக்கியுள்ளனர். இது ஐபோன் 3ஜிஎஸ் மற்றும் ஐபேட் டிவைஸ்களில் சரியாகப் பொருந்தும். இதில் உள்ள மைக்ரோபோன் மூலம் நாம் பாடுவதை ரிக்கார்ட் செய்ய முடியும். ஆனால் இதில் எக்ஸ்டர்னல் மைக்ரோபோனை இணைத்துக் கொண்டால் இன்னும் வசதியாக இருக்கும்.

இந்த மைக்ரோபோனை மிக எளிதாக ஹெட்போன் ப்ளக்கில் பொருத்த முடியும். மேலும் இந்த அப்ளிகேசன் வீடியோ அவுட்புட்டும் கொண்டுள்ளதால் இதன் வீடியோ அவுட்புட்டை வேறு திரை அல்லது மானிட்டரில் பயன்படுத்த முடியும். இதன் ஆடியோ அவுட்புட் ரிக்கார்டிங் செய்வதற்கு எச்டி மோட் கொண்டிராததால் ட்ராக்குகளைக் கேட்பதற்கு எச்டிஎம்ஐ இணைப்பை பயன்படுத்த முடியும்.

இந்த சோலோ மைக்கை மிக எளிதாகப் பயன்படுத்த முடியும். கரோகே ஒலி அமைப்பு மிகப் பக்காவாக உள்ளது. இதன் ரிக்கார்ட் செய்யப்பட்ட சவுண்ட் பைல்களை யுடியூப் அல்லது பேஸ்புக் அல்லது மற்ற ஆன்லைன் மீடியா மூலம் பரிமாற்றம் செய்ய முடியும். மேலும் ரிக்கார்ட் செய்யப்பட்ட சவுண்ட் க்ளிப்புகள் தரமாக இல்லையென்றால் அவற்றை சேமித்து வைத்து மீண்டும் அதை மெருகேற்ற முடியும் அல்லது அதை அழிக்க முடியும்.

இந்த மைக்ரோபோனின் ஹார்ட்வேர் மிக அருமையாக உள்ளது. இதன் சென்சிட்டிவிட்டி மிக நன்றாக உள்ளது. இந்த மைக்ரோபோனில் உள்ள சிறிய குறைபாடு என்னவென்றால் இது ஹெட்போன் ஜாக் கொண்டிருப்பதால் இதன் அடியோவின் அவுட்புட் ஸ்பீக்கர்கள் வழியாகவோ அல்லது ஹெட்போன் வழியாகவோ இருக்கும். மேலும் இந்த சோலோ மைக்கை ப்ளக் இன் செய்தவுடன் போனின் மைக்ரோபோன் வேலை செய்யாது.

இந்த சோலோ மைக்கின் விலை ரூ.3,500 முதல் ரூ.5000 வரை இருக்கும்.