வாக்மேனை அறிமுகப்படுத்திய பிறகு சோனி நிறுவனம் மீடியா பிளேயர் துறையில் பெரும் புகழைப் பெற்றது. அந்நிறுவனம் தொடர்ந்து போர்ட்டபுள் டிஜிட்டல் மியூசிக் டிவைஸ்களை தொடர்ந்து அறிமுகப்படுத்திக் கொண்டே இருக்கிறது.

இப்போது சோனி நிறுவனம் சோனி என்டபுள்யுஸட்-ஏ866 என்று புதிய சிறிய டிவைசை அறிமுகப்படுத்தி இருக்கிறது. இந்த டிவைஸ் தரமான ஆடியோ அவுட்புட்டுடன் வருகிறது.

இந்த புதிய இசைப் பேழையின் சிறப்புகளில் முதன்மையாக வந்து நிற்பது எதுவென்றால் அதன் அடக்கமான உருவம் ஆகும். அதனால் இதை மிக எளிதாக எடுத்துச் செல்லலாம். இதன் இன்டர்னல் மெமரி 32 ஜிபி ஆகும். இந்த இசைப் பேழை டபுள்யுஎவி,எஎசி மற்றும் டபுள்யுஎம்வி ஆடியோ பைல்கள் மற்றும் எம்பி3 பைல்களை சப்போர்ட் செய்யும் திறன் கொண்டது. அதுபோல் இது எம்பிஇஜி4 மற்றும் டபுள்யுஎம்வி வீடியோ பைல்களையும் சப்போர்ட் செய்யும்.

அடுத்ததாகப் பார்த்தால் இந்த இசைப் பேழை 2.8 இன்ச் கொண்ட தொடுதிரையைக் கொண்டிருக்கிறது. இதில் உள்ள சோனி மீடியா கோ சாப்ட்வேர் மூலம் மீடியா கோப்புகளை மிக எளிதாக பரிமாற்றம் செய்ய முடியும். அதுபோல் குழு பாடல்களுக்கான சென்ஸ்மி வசதியும் இதில் உண்டு. இதன் ஒலி அமைப்பு மிக அபாரமானது. இந்த இசைப் பேழை 97 மிமீ நீளமும் அதே நேரத்தில் 9 மிமீ தடிமனும் கொண்டுள்ளது.

இந்த சோனி இசைப் பேழையை மிக எளிதாக சட்டை அல்லது பேண்ட் பைகளில் வைத்துக் கொள்ளலாம். இந்த பேழை ஆப்பிள் ஐபாட் விலையை ஒத்திருந்தாலும் இதன் மெமரி குறைவாகும்.

இந்த சோனி இசைப் பேழை எல்லாவிதமான மீடியா ப்ளேயர்களையும் சப்போர்ட் செய்யும் திறன் கொண்டது. இதன் 2.8 இன்ச் திரையில் வீடியோ படங்களைப் பார்க்க முடியும்.

இதன் தொடு திரை மிக அபாரமான சென்சிட்டிவிட்டி கொண்டுள்ளது. இதில் க்ராபிக்சும் சூப்பராக உள்ளது. இதன் பேஸ் இசை மிக அருமையாக இருக்கும். இரைச்சலும் இருக்காது. இந்த சோனி இசைப் பேழையின் விலை ரூ.15,000 ஆகும்.