ஈரம் மற்றும் தூசி ஆகியவை மின்னனு பொருள்களின் எதிரிகளாகும். அதனால் லேப்டாப்புகள், கணினிகள், டேப்லெட்டுகள், நெட்புக்குகள், கடிகாரங்கள், மொபைல் போன்கள், எம்பி3 ப்ளேயர்கள் போன்ற அனைத்தையும் தண்ணீர் படாமல் பாதுகாக்க வேண்டும். அதுபோல் தூசியிலிருந்தும் பாதுகாக்க வேண்டும்.
கணினி மற்றும் லேப்டாப்புகளை நீர் படாமல் மிக எளிதாகப் பாதுகாக்க முடியும். ஆனால் செல்போன், ஐபோன் கடிகாரங்கள் போன்றவற்றை அவ்வாறு பாதுகாப்பது சற்று கடினமாக இருக்கும். குறிப்பாக தடகள வீரர்கள் மற்றும் உடற்பயிற்சி செய்பவர்களுக்கு அது மிகவும் பெரிய பிரச்சினையாகவே இருக்கும். அந்த பிரச்சினையைப் போக்கவே ஐபாட்களுக்கான் புதிய வாட்ச்பேண்ட் வருகிறது.
குவாட் மவுண்டைன் அல்டிமேட் ஒன் வாட்ச்பேண்ட் ஐபாட் நானோவுக்காகவே உருவாக்கப்பட்டிருக்கிறது. இந்த வாட்ச்பேண்ட் நானோவை நீர் மற்றும் தூசி ஆகியவற்றிலிருந்து மிக எளிதாகக் காப்பாற்றிவிடும். இந்த வாட்ச்பேண்ட் ஸ்டெயின்லஸ் இரும்பு கொண்டு ஒரே சிலிகான் துண்டினால் செய்யப்பட்டு இருக்கிறது.
இந்த வாட்ச் பேண்ட் சிவப்பு, வெள்ளை, கருப்பு, பிங்க், ஆரஞ்சு மற்றும் பச்சை நிறங்களில் வருகறது. இந்த வாட்ச்பேண்டின் நீளம் 9.5 இன்ச் ஆகும். கைகளின் அளவிற்கு ஏற்ப விலையில் இந்த வாட்ச் பேண்ட் கிடைக்கிறது.
இந்த ஐபாட் நானோவை வாட்ச் பேண்டில் பொருத்திக் கட்டிக் கொண்டால் கவலை இல்லாமல் பணிகளை செய்ய முடியும். இந்த வாட்ச்பேண்ட் ஐபாடை மிக அருமையாக பாதுகாக்கும். இதன் விலை இன்னும் அறிவிக்கப்படவில்லை.
