ஆப்பிளின் ஐபாட் சாதனங்கள் மின்னணு துறையில் ஒரு பெரிய புரட்சியையே ஏற்படுத்தின. இந்த ஐபாட்களுக்கு போட்டியாக பல நிறுவனங்களின் மியூசிக் சாதனங்கள் வந்தாலும் ஆப்பிளின் ஐபாட்களை அவற்றால் வீழ்த்த முடியவில்லை. அடுத்ததாக ஆப்பிளின் ஐபாட் நானோ வந்த பிறகு ஆப்பிளின் மீது இருந்த மதிப்பு பல மடங்கு உயர்ந்தது.

லுனாடிக் லின்க் ஐபாட் நானோவுக்காக வடிவமைக்கப்பட்டுள்ள வாட்ச் பேண்ட் ஆகும். இது சிறப்பு வாய்ந்த வடிவமைப்பை பெற்றுள்ளது. ஐபாட் நானோவை முழுமையாக மூடிக் கொள்ளும். இதை கைகளில் அணிந்து கொள்ளலாம்.

இந்த வாட்ச்பேண்ட் இரண்டு அலுமினிய ப்ரேம்களால் ஆனது. இந்த பேண்ட் ஐபாட் நானோவின் இருபக்க கண்ணாடிகளைத் தவிர மற்ற எல்லா பகுதிகளையும் மறைத்துக் கொள்ளும். அலுமினிய தகடுகள் மிக உறுதியாக உள்ளதால் ஐபாடை மிக நன்றாக பாதுகாத்துக் கொள்ளும்.

ஆனால் ஐபாடின் கண்ணாடிக்கு பாதுகாப்பு இல்லை. ஆனால் இந்த வாட்ச்பேண்டை ஐபாடிலிருந்து மிக எளிதாக பிரிக்க முடியாது. அதில் உள்ள ஸ்குருக்களை கழற்றினால்தான் இதைப் பிரிக்க முடியும்.

இந்த வாட்ச்பேண்டில் ஐபாட் இருக்கும் போது நாம் ஹெட்போனையும் இணைக்க முடியும். ஆனால் இதில் பல டாக்கிங் அக்சஸெரீஸ்களைப் பயன்படுத்த முடியாது. அவ்வாறு பயன்படுத்த வேண்டும் என்றால் அவற்றை டாக்கிங் கேபிள்கள் மூலம்தான் இணைக்க முடியும். இதுபோன்ற சில நடைமுறை பிரச்னைகள் இந்த வாட்ச்பேண்டில் உள்ளது.

இந்த வாட்ச்பேண்ட் பார்ப்பதற்கு மிக அழகாக இருக்கிறது. இதன் அலுமினிய தகடு இதற்கு கம்பீரத்தைத் தருகிறது. இதில் ஐபாட் நானோவை பொருத்திய பின்பும் இது மிகக் குறைந்த எடையுடன் இருக்கும். ஏனெனில் இதில் ஒரு ரப்பரும் உள்ளது. இந்த ரப்பர் அலுமினிய உலோகத்தின் இறுக்கத்தைக் குறைக்கிறது. அதே நேரத்தில் இது நெகிழ்வு தன்மையையும் வழங்குகிறது.

லுனாடிக் லின்க் கருப்பு மற்றும் வெள்ளி நிறங்களில் கிடைக்கும்.