விரைவில் YouTube-ற்கு வரும் புதிய அம்சம்.! சோதனை மேல் சோதனை.!

இந்நிலையில் வீடியோக்களில் பார்க்கும் தயாரிப்புளை தனது பிளாட்பார்மில் இருந்து நேரடியாக வாங்க அனுமதிக்கும் ஒரு புதிய
அம்சத்தை யூட்யூப் நிறுவனம் சோதித்து வருகிறது எனத் தகவல் வெளிவந்துள்ளது.

மேலும் வெளிவந்த தகவலின் அடிப்படையில், தேர்ந்தெடுக்கப்பட்டYouTube வீடியோக்களில் இடம்பெறும் தயாரிப்புகளை பார்வையாளர்கள் யூட்யூப் "வழியாகவே" ஷாப்பிங் செய்ய முடியும் என்று கூறப்படுகிறது.

அதாவது அமெரிக்கவில் குறைந்த எண்ணிக்கையிலான பயனர்களுடன் ஆண்ட்ராய்டு, ஐஒஎஸ் மற்றும் இணையம் வழியாக இந்த
புத்தம் புதிய அம்சம் தற்போது சோதிக்கப்பட்டு வருகிறது என்று தகவல்கள் வெளிவந்துள்ளது.

குறிப்பாக இந்த சோனையின் ஒரு பகுதியாக தேர்ந்தெடுக்கப்பட்ட படைப்பாளிகள் தங்கள் வீடியோக்களில் சில தயாரிப்புளைச் சேர்க்கலாம் என்றும், அவை ஷாப்பிங் பேக் ஐகான் வழியாக வாங்குவதற்கு கிடைக்கும் என்று கூறப்படுகிறது.

மேலே கூறப்பட்ட இந்த அம்சம் குறித்து கூகுள் நிறுவனம் அண்மையில் அதன் யூட்யூப் ஆதரவு பக்கத்தில் குறிப்பிட்டுள்ளது. அதேபோல் இந்த அம்சம் பார்வையாளர்கள் வீடியோக்களில் பார்க்கும் தயாரிப்புகளுக்கான பொருத்தமான தகவல்களையும், அதை வாங்குவதற்கான விருப்பங்களையும் பெற அனுமதிக்கும் என்று யூட்யூப் தெரிவித்துள்ளது.

அதேபோல் இந்த அம்சத்திற்காக தேர்ந்தெடுக்கப்பட்ட படைப்பாளர்களுடன் நாங்கள் செயல்படுகிறோம் என்று யூட்யூப் கூறியுள்ளது. பின்புசில வீடியோவின் கீழ் இடது மூலையில் தோன்றும் ஷாப்பிங் பேக் ஐகானைக் கிளிக் செய்வதன் மூலம் பார்வையாளர்களின் பிரத்யேகதயாரிப்புகளின் பட்டியலைக் காண முடியும்.

இந்த வசதியின் மூலம் வாடிக்கையாளர்கள் ஒவ்வொரு தயாரிப்பின் பக்கத்தையும் ஆராயலாம் என்று கூறப்படுகிறது. மேலும் இங்கு கூடுதல் தொடர்புடைய வீடியோக்கள் மற்றும் தயாரிப்பை வாங்குவதற்கான விருப்பங்களையும் காணலாம் என்பது குறிப்பிடத்தக்கது.