ரூ.55,000 எல்ஜி ஜி7+ திங்க் வெறும் ரூ.7,990 க்கு வாங்கலாம்.! நம்பலாமா?

எல்ஜி ஜி7+ திங்க் ரூ.55,000

எல்ஜி நிறுவனம் தனது புது ரக பிரீமியம் ஸ்மார்ட்போன் ஜி7+ திங்க் மாடலின் அசல் விற்பனை விலையாக ரூ.55,000 உள்ளது. தற்பொழுது பிளிப்கார்ட் பிரீடம் சேல் தொடக்க விற்பனையாக ரூ.15,000 சலுகையுடன் கூடுதல் சலுகையாக ரூ.2,000 சிட்டி பேங்க் கார்டு பயனர்களுக்கு வழங்குகிறது. இந்த மாடலை ரூ.37,990 க்கு அறிமுகம் செய்கிறது.

ரூ.7,900 க்கு வாடகைக்கு

இத்துடன் 75% பை பேக் ஆஃபர் சலுகையை ஜி7+ திங்க் ஸ்மார்ட்போனிற்கு வழங்கியுள்ளது. இதன் அடிப்படையில் பை பேக் விலையாக ரூ.30,000 துடன் கூடுதல் சலுகையாக ரூ.2,000 சிட்டி பேங்க் கார்டு பயனர்களுக்கு ஒவ்வொரு புது ஜி7+ திங்க் ஸ்மார்ட்போனுடன் வழங்கப்படும் என அறிவித்திருக்கிறது. இந்தத் தொடக்க விற்பனையில் எல்ஜி ஜி7+ திங்க் ஸ்மார்ட்போன் ஐ வெறும் ரூ.7,900 க்கு வாடகைக்குப் பெற்றுக்கொள்ளுங்கள் என்று அட்டகாசமான சலுகை விலையை அறிவித்திருக்கிறது எல்ஜி நிறுவனம்.

8 மாதத்திற்குள் எக்ஸ்சேஞ்சு

எப்பொழுதும் இத்தகைய ஆஃபர்கள் அறிமுகம் செய்யும் பொழுது கூடவே சில நிபந்தனைகளை நிறுவனங்கள் சேர்ப்பது போல எல்ஜி நிறுவனமும் தனது நிபந்தனைகளை இச்சலுகையுடன் சேர்த்திருக்கிறது. இந்தச் சலுகை விலையில் ஜி7+ திங்க் ஸ்மார்ட்போன் வாங்க, நீங்கள் வாங்குகிற ஜி7+ திங்க் ஸ்மார்ட்போன் ஐ குறிப்பிட்ட காலத்திற்குள் பிளிப்கார்ட் இல் எக்ஸ்சேஞ்சு செய்ய வேண்டும். குறிப்பாக 6 அல்லது 8 மாதத்திற்குள் எக்ஸ்சேஞ்சு செய்ய வேண்டும் என்பதே அந்த நிபந்தனை.

ரூ.30,000 பை பேக் வழங்கப்படும்

முதலில் உங்கள் முழு தொகையாக ரூ.37990 தொகையை செலுத்தி உங்கள் புது ஜி7+ திங்க் ஸ்மார்ட்போன் ஐ வாங்கிக்கொள்ளலாம். பிளிப்கார்ட் இல் 6 அல்லது 8 மாதத்திற்குள் உங்கள் ஸ்மார்ட்போன் ஐ அப்கிரேட் செய்துகொள்ளும் பொழுது ரூ.30,000 பை பேக் வழங்கப்படும். நீங்கள் பயன்படுத்திய புது ஜி7+ திங்க் ஸ்மார்ட்போனிற்கு வாடகை விலையாக ரூ.7,990 மட்டுமே வசூலிக்கப்படும் என்று இந்த நிபந்தனை பட தெரிவித்துள்ளது பிளிப்கார்ட் நிறுவனம்.

வரப்பிரசாதம்

பிளாக்ஷிப் ஸ்மார்ட்போன்களை பயன்படுத்த வேண்டும் என்ற ஆசை உள்ளவர்களுக்கு இந்த ஸ்மார்ட்போன் வாடகை கலாச்சாரம் ஒரு வரப்பிரசாதமென்றே சொல்லாம்.