இந்தியர்களுக்கான ஸ்பெஷல்: சூப்பர் பட்ஜெட் விலையில் சியோமி ரெட்மீ எஸ்2.!

இந்தியாவிலும், சீனாவிலும் மட்டும்.!

வதந்திக்கப்படும் சியோமி ரெட்மீ எஸ்2 ஸ்மார்ட்போனின் விலை விவரங்கள் இப்போது தெளிவாக இல்லை. ஆனால், இந்த ஸ்மார்ட்போன் இந்தியாவிலும், சீனாவிலும் பட்ஜெட் விலை நிர்ணயத்தில் பிரத்தியேகமாக விற்பனை செய்யப்படும் என்பது மட்டும் (அறிக்கையின் படி) உறுதி.

புல் ஸ்க்ரீன் எச்டி ப்ளஸ் டிஸ்பிளே.!

எதிர்பார்க்கப்படும் அம்சங்களை பொறுத்தவரை (எக்ஸ்டிஏ அறிக்கையின்படி) ரெட்மீ எஸ்2 ஆனது, ஒரு 18: 9 என்கிற திரை விகிதம் கொண்ட புல் ஸ்க்ரீன் எச்டி ப்ளஸ் டிஸ்பிளே கொண்டிருக்கும். மேலும் இந்த ஸ்மார்ட்போன் firmware msm8953-ஐக் காட்டுகிறது. அதாவது, கூறப்படும் சியோமி ரெட்மீ எஸ்2 ஆனது க்வால்காம் ஸ்னாப்டிராகன் 625 சிப்செட் கொண்டு இயங்கும் என்று அர்த்தம்.

3080 mAh பேட்டரி.!

16ஜிபி அளவிலான உள்ளடக்க சேமிப்பு உடன் மைக்ரோ எஸ்டி கார்டு ஆதரவு மற்றும் 3080 mAh பேட்டரி கொண்டிருக்குமென எதிர்பார்க்கப்படும் சியோமி ரெட்மீ எஸ்2 ஆனது பெரும்பாலான சியோமி ஸ்மார்ட்போன்களைபோன்றே ஒரு அண்ட்ராய்டு ஓஎஸ் கொண்டு இயங்கும். அது ஆண்ட்ராய்டு 8.1 ஓரியோ அடிப்படையிலான மியூஐ 9 ஆக இருக்க அதிக வாய்ப்புள்ளது.

டூயல் பின்பக்க கேமரா.!

கேமரா துறையை பொறுத்தவரை, சியோமி ரெட்மீல் எஸ்2 ஆனது ஒரு 12எம்பி சோனி IMX486 அல்லது OmniVision OV12A10 முதன்மை சென்சார் மற்றும் 5எம்பி இரண்டாம் நிலை சென்சார் (சாம்சங் S5K5E8) என்கிற டூயல் பின்பக்க கேமரா அமைப்பை கொண்டிருக்கும். முன்பக்கத்தை பொறுத்தவரை, ஒரு 5எம்பி சாம்சங் சென்சார் கொண்டிருக்கும். இதன் கேமராக்கள் EIS, போர்ட்ரெய்ட் மோட் மற்றும் மிகவும் முக்கியமாக பேஸ் லாக் போன்ற அம்சங்களுடன் தொகுக்கப்படும் என்பது குறிப்பிடத்தக்கது.

Instagram Simple Tips and Tricks (TAMIL)

மி 7 ஸ்மார்ட்போன்.!

சம்பீத்திய பிளாக் ஷார்க் கேமிங் ஸ்மார்ட்போன் உட்பட, ஏற்கனவே பல ஸ்மார்ட்போன்களை அறிமுகம் செய்து விட்ட நிலைப்பாட்டில், சியோமி ரெட்மீ எஸ்2 ஸ்மார்ட்போனின் அறிவிப்பானது, சியோமி பிரியர்களின் ஆர்வத்தை தூண்டியுள்ளது. இதற்கிடையில் சியோமி நிறுவனத்தின் மி 7 ஸ்மார்ட்போன் ஆனது, கூடிய விரைவில் தொடங்குப்படும் என எதிர்பார்க்கப்படுகிறது.