சியோமி ரெட்மி 9 ஏ மற்றும் 'ஸ்பெஷல்' ரெட்மி 9 சி மாடல்கள் விரைவில் அறிமுகம்!

ரெட்மி 9 ஏ மற்றும் ரெட்மி 9 சி

சியோமி நிறுவனம் மலேசியாவின் பேஸ்புக் பதிவில், ரெட்மி 9 ஏ மற்றும் ரெட்மி 9 சி ஆகிய ஸ்மார்ட்போன்களின் வெளியீட்டுத் தேதியை அதிகாரப்பூர்வமாக அறிவித்துள்ளது. ரெட்மி 9 ஏ மற்றும் ரெட்மி 9 சி ஆகிய இரண்டு மாடல் ஸ்மார்ட்போன் மாடல்களும் பெரிய பேட்டரி மற்றும் பெரிய டிஸ்ப்ளேவுடன் வரும் என்று அதிகாரப்பூர்வ போஸ்டரையும் நிறுவனம் வெளியிட்டுள்ளது.

ஸ்பெஷல் ரெட்மி 9 சி ஸ்மார்ட்போன்

நமக்குக் கிடைத்துள்ள தகவலின்படி, ரெட்மி 9 சி இரண்டு விருப்பங்களில் கிடைக்கும் என்று அறிவிக்கப்பட்டுள்ளது. ரெட்மி 9 சி ஸ்மார்ட்போனின் ஒரு மாடல் என்எப்சி ஆதரவுடனும், மற்றொரு மாடல் என்எப்சி இல்லாத மாடலாக கிடைக்கும் என்று தெரிவிக்கப்பட்டுள்ளது. ரெட்மி 9 சி என்எப்சி பதிப்பில் 13 மெகா பிக்சல் மற்றும் 2 மெகா பிக்சல் இரட்டை கேமரா அமைப்பு கொடுக்கப்பட்டுள்ளது.

ரெட்மி 9 சி என்எப்சி இல்லாத மாடல்

அதேபோல், ரெட்மி 9 சி என்எப்சி இல்லாத மாடல் ஸ்மார்ட்போனில் 13 மெகாபிக்சல் மற்றும் 5 மெகாபிக்சல் + 2 மெகாபிக்சல் கொண்ட டிரிபிள் கேமரா அமைப்பு இருக்கும் என்று சியோமி நிறுவனம் தெரிவித்துள்ளது. இந்த இரண்டு புதிய ஸ்மார்ட்போன் மாடல்களிலும் 5 மெகாபிக்சல் கொண்ட முன்பக்க செல்ஃபி கேமரா வாட்டர் டிராப்-நாட்ச் டிஸ்பிளேயுடன் கொடுக்கப்பட்டுள்ளது.

5,000 எம்ஏஎச் பேட்டரி

ரெட்மி 9 சி ஸ்மார்ட்போன், 6.53' இன்ச் எச்டி பிளஸ் ஐபிஎஸ் டிஸ்ப்ளே கொண்ட 1600 x 720 பிக்சல்கள் டிஸ்பிளேயுடன் வருகிறது. இந்த ஸ்மார்ட்போனில் மாலி ஜி31 ஜி.பீ.யுடன் மீடியா டெக் ஹீலியோ ஜி35 பிராசஸர் கொடுக்கப்பட்டுள்ளது. இதில் மைக்ரோ எஸ்.டி கார்டு ஸ்லாட் வழியாக 512 ஜிபி வரை விரிவாக்க ஸ்டோரேஜ் நன்மையுடன், 3 ஜிபி ரேம் மற்றும் 32 ஜிபி இன்டர்னல் ஸ்டோரேஜுடன் 5,000 எம்ஏஎச் பேட்டரியுடன் வருகிறது.

ரெட்மி 9 ஏ ஸ்மார்ட்போன்

அதேபோல், ரெட்மி 9 ஏ ஸ்மார்ட்போன், 6.53' இன்ச் எச்டி பிளஸ் ஐ.பி.எஸ் கொண்ட 1600 x 720 பிக்சல்கள் கூடிய டிஸ்பிளேயுடன் வருகிறது. இந்த ஸ்மார்ட்போனில் மாலி-ஜி 31 ஜி.பீ.யுடன் கூடிய மீடியா டெக் ஹீலியோ ஜி25 பிராசஸர் கொடுக்கப்பட்டுள்ளது.

MIUI 11 / ஆண்ட்ராய்டு 10

ஸ்டோரேஜ் விருப்பங்கள் மற்றும் மற்ற அனைத்து அம்சங்களும் ரெட்மி 9 சி ஸ்மார்ட்போன் போன்றதே. இரண்டு ஸ்மார்ட்போன் மாடல்களும் MIUI 11 அடிப்படையாகக் கொண்ட ஆண்ட்ராய்டு 10 இயங்குதளத்தில் இயங்குகிறது.