புதிய மாறுபாட்டில், சூப்பர் பட்ஜெட் விலையில் மீண்டுமொரு ரெட்மீ 4ஏ.!

உறுதி

சியோமி துணைத் தலைவரும், சியோமி இந்தியா நிறுவனத்தின் நிர்வாக இயக்குநருமான மனு குமார் ஜெயின் தனது அதிகாரப்பூர்வ ட்விட்டர் வழியாக ரெட்மி 4ஏ ஸ்மார்ட்போனின் புதிய வெளியீட்டை உறுதிப்படுத்தியுள்ளார்.

விலை டேக்

ரெட்மி 4ஏ (3 ஜிபி ரேம் + 32 ஜிபி ப்ளாஷ் மெமரி) என்ற புதிய மாறுபாடு ரூ.6,999/- என்ற விலை டேக் பெற்று, கிட்டத்தட்ட முதலில் வெளியான மாறுபாடு போலவே சூப்பர் பட்ஜெட் சாதனமாக இருப்பது சிறப்பம்சம்.

செயலி

சியோமி ரெட்மீ 4ஏ ஸ்மார்ட்போனின் பிரதான அம்சங்களை பொறுத்தமட்டில் இக்கருவி 5 இன்ச், 720 X 1280 பிக்சல்கள் தீர்மானம் கொண்ட எச்டி டிஸ்ப்ளே கொண்டுள்ளது. உடன் 1.4ஜிகாஹெர்ட்ஸ் ஸ்னாப்டிராகன் 425 செயலி மூலம் அட்ரெனோ 308 ஜிபியூ உடன் இணைந்து செயல்படுகிறது.

இயக்க முறைமை

மேற்கூறப்பட்டப்படி 3ஜிபி ரேம் மற்றும் 32 ஜிபி உள்ளடக்க சேமிப்பு கொண்ட இக்கருவி மைக்ரோஎஸ்டி வழியாக 128 ஜிபி வரை விரிவாக்கக்கூடிய ஆதரவும் வழங்குகிறது. ஒரு 3120எம்ஏஎச் பேட்டரி கொண்டு சக்தியூட்டப்படும் இந்த சாதனம் மியூஐ (MIUI) 8-இன் கீழ் மூடப்பட்ட ஆண்ட்ராய்டு 6.0 மார்ஷ்மெல்லோ இயக்க முறைமையில் இயங்குகிறது.

கேமரா

கேமராத்துறைக்குள் நுழைந்தால், ரெட்மீ 4ஏ ஆனது பிடிஏஎப் (PDAF), எல்இடி ஃப்ளாஷ், எப் / 2.2 துளை கொண்ட ஒரு 13 மெகாபிக்சல் பின்புற கேமரா மற்றும் ஒரு 5 மெகாபிக்சல் முன்பக்கம் எதிர்கொள்ளும் கேமரா கொண்டுள்ளது.

இணைப்பு ஆதரவுக

தவிர இந்த ஸ்மார்ட்போன் - ஹைபிரிட் டூயல் சிம், வோல்ட், வைஃபை, ப்ளூடூத் 4.1, ஜிபிஎஸ் மற்றும் ஒரு மைக்ரோ யூஎஸ்பி போர்ட் ஆகிய இணைப்பு ஆதரவுகளையும் கொண்டுள்ளது. அளவீட்டில் 139.5 x 70.4 x 8.5 மிமீ மற்றும் 131.5 கிராம் எடையுடையதாக உள்ளது.