ஸ்னாப்டிராகன் 845 சிப்செட் வசதியுடன் களமிறங்கும் சியோமி மி மிக்ஸ் 2எஸ்.!
சியோமியில் ஸ்னாப்டிராகன் 845 சிப்செட் வசதியுடன் வெளிவரும் முதல் ஸ்மார்ட்போன் சியோமி மி மிக்ஸ் 2எஸ் எனத் தெரிவிக்கப்பட்டுள்ளது.
மிகவும் அதிகம் எதிர்பார்க்கப்பட்ட சியோமி மி மிக்ஸ் 2எஸ் ஸ்மார்ட்போன் மாடலை பிப்ரவரியில் நடக்கும் எம்டபள்யுசி 2018-நிகழ்ச்சியில் அறிமுகப்படுத்த திட்டமிட்டுள்ளது சியோமி நிறுவனம். மேலும் சியோமியில் ஸ்னாப்டிராகன் 845 சிப்செட் வசதியுடன் வெளிவரும் முதல் ஸ்மார்ட்போன் சியோமி மி மிக்ஸ் 2எஸ் எனத் தெரிவிக்கப்பட்டுள்ளது.

சாம்சங், சோனி போன்ற நிறுவனங்கள் தங்களது ஸ்மார்ட்போன்களில் ஸ்னாப்டிராகன் 845 சிப்செட் வசதியை பயன்படுத்தும் உரிமத்தை
ஏற்கனவே பெற்றிருக்கும் நிலையில், தற்சமயம் சியோமி நிறுவனம் ஸ்னாப்டிராகன் 845 சிப்செட் வசதியைக் கொண்டு மி மிக்ஸ் 2எஸ் ஸ்மார்ட்போனை அறிமுகம் செய்ய முடிவுசெய்துள்ளது. மேலும் பல்வேறு எதிர்பார்ப்புகளை உருவாக்கியுள்ளது இந்த ஸ்மார்ட்போன் மாடல்.
சியோமி மி மிக்ஸ் 2எஸ் ஸ்மார்ட்போன் மாடல் பிப்ரவரியில் நடக்கும் எம்டபள்யுசி 2018-நிகழ்ச்சியில் அறிமுகம் செய்யப்பட்டால் மார்ச் மாதம் முதல் விற்பனைக்கு வரும் என எதிர்பார்க்கப்படுகிறது, அதன்பின்பு இந்த ஸ்மார்ட்போனின் விலைப் பொறுத்தவரை ரூ.40,200-வரை இருக்கும் என எதிர்பார்க்கப்படுகிறது.

சியோமி மி மிக்ஸ் 2எஸ் ஸ்மார்ட்போன் மாடல் பெசல்-லெஸ் வடிவமைப்பைக் கொண்டுள்ளது, மேலும் 18:9 என்ற திரைவிகிதம் மற்றும் 2.5டி வளைந்த கண்ணாடி பாதுகாப்புடன் இந்த ஸ்மார்ட்போன் மாடல் வெளிவரும்.
இந்த ஸ்மார்ட்போனில் இடம்பெற்றுள்ள செல்பீ கேமரா வடிவமைப்புக்கு அதிக கவனம் செலுத்தப்பட்டுள்ளது, அதன்பின்பு எல்இடி பிளாஷ், கைரேகை சென்சார், ஹோம் பட்டன் போன்ற விருப்பங்கள் இவற்றில் இடம்பெற்றுள்ளது.
இந்த ஸ்மார்ட்போன் 4/6ஜிபி ரேம் மற்றும் 64ஜிபி உள்ளடக்க மெமரி இடம்பெறும் என எதிர்பார்க்கப்படுகிறது, அதன்பின் கூடுதலாக மெமரி நீட்டிப்பு ஆதரவு இவற்றில் இடம்பெற்றுள்ளது.

வைபை, ப்ளூடூத், 4ஜி வோல்ட், ஜிபிஎஸ், யுஎஸ்பி டைப்-சி, என்எப்சி, மைக்ரோ யுஎஸ்பி, 3.5எம்எம் ஆடியோ ஜாக் போன்ற இணைப்பு ஆதரவுகள் இவற்றுள் அடக்கம் எனக் கூறப்படுகிறது.


Click it and Unblock the Notifications