6ஜிபி ரேம்; 12எம்பி+20எம்பி கேம் உடன் ஐபோன் எக்ஸ்-ஐ மிரட்டும் மி 7.!

மி7 அறிவிக்கப்படுமென எதிர்பார்க்கப்படுகிறது

சியோமி நிறுவனத்தின் வெளியீடு மற்றும் பத்திரிகையாளர் சந்திப்பு உறுதி செய்யப்படவில்லை என்கிற போதிலும், நிறுவனத்தின் அடுத்த தலைமை ஸ்மார்ட்போன் ஆன மி7 அறிவிக்கப்படுமென எதிர்பார்க்கப்படுகிறது. இரண்டு ஆண்டுகளுக்கு முன்பு நடந்த எம்டபள்யூசி நிகழ்வில் தான் மி5 அறிவிக்கப்பட்டதென்பது இங்கு குறிப்பிடத்தக்கது.

ஸ்னாப்டிராகன் 845 சிப்செட்

கடந்த ஆண்டு நடந்த மொபைல் வேர்ல்ட் காங்கிரஸ் எக்ஸ்போவை தவிர்த்த சியோமி நிறுவனம் இந்த ஆண்டு மொத்தமாக சேர்த்து மி 7 எனும் ஒரு பெரிய ஸ்மார்ட்போனை அறிமுகம் செய்யுமென எதிர்பார்க்கலாம். சமீபத்தில் அறிவிக்கப்பட்ட குவால்காம் ஸ்னாப்டிராகன் 845 சிப்செட் கொண்டு மி7 இயக்கப்படலாம்.

கைரேகை ரீடர் உடன் 3டி முக அங்கீகார தொழில்நுட்பம்

சியோமி நிறுவனத்தின் சிஇஓ -ஆன லீ ஜூன் சில வாரங்களுக்கு முன்னர் தான் மி7-ல் ஸ்னாப்டிராகன் 854 சிப்செட்டை உறுதி செய்தார், அந்நாளில் இருந்தே மி7 மீதான எதிர்பார்ப்புகள் கூடியது. குறிப்பாக, ஐபோன் எக்ஸ் போன்ற 3டி முக அங்கீகார தொழில்நுட்பமானது, மி7 ஸ்க்ரீனில் இடம்பெறும் கைரேகை ரீடர் உடன் உட்பொதிக்கப்படும் என்கிற தகவல் ஆர்வத்தை தூண்டும் வண்ணம் உள்ளது.

டிஸ்பிளே

சியோமி மி7 பற்றிய இதர விவரங்களை பொறுத்தமட்டில், இக்கருவி மொத்தம் இரண்டு மாதிரிகளில் அறிமுகப்படுத்தப்படுமென எதிர்பார்க்கப்படுகிறது. உடன் இந்த ஸ்மார்ட்போனும் அதன் அடிப்படை மாறுபாடு போன்றே ஒரு 5.65 அங்குல டிஸ்பிளே கொண்டதாக இருக்குமென்றும் எதிர்பார்க்கப்படுகிறது.

18: 9 திரை விகிதம்

இருப்பினும் இதன் பிளஸ் மாறுபாடு, அதாவது சியோமி மி 7 ப்ளஸ் ஆனது ஒரு 6.01 அங்குல டிஸ்பிளேவை கொண்டு வெளிவரலாம். பிற பிராண்ட்களில் இருந்து வெளியாகும் பெரும்பாலான ஸ்மார்ட்போன்களில் இடம்பெறும், 18: 9 திரை விகித பாணியாது வெளியாகும் இரண்டு வகையான மாதிரிகளுமே இடம்பெறும் என்பதில் சந்தேகமே வேண்டாம்.

20 மெகாபிக்சல் (சோனி ஐஎம்எக்ஸ்350) சென்சார்

இன்னும் சொல்லப்போனால் இந்த 2018-ஆம் ஆண்டில் வெளியாகும் அனைத்து சியோமி ஸ்மார்ட்போன்களுமே 18:9 என்கிற அளவிலான திரை விகிதத்தை தான் கொண்டிருக்கும். சில வதந்திகலின்படி, மி 7 ஸ்மார்ட்போனின் உயர்-இறுதி மாறுபாடானது 6ஜிபி அளவிலான ரேம் கொண்டிருக்கும் மற்றும் 12 மெகாபிக்சல் (சோனி ஐஎம்எக்ஸ்380) சென்சார் மற்றும் ஒரு 20 மெகாபிக்சல் (சோனி ஐஎம்எக்ஸ்350) சென்சார் (மி 6-ல் இடம்பெற்றுள்ளதை போலவே) ஆகிய அம்சங்களை கொண்டிருக்கலாம்.

அதிகாரப்பூர்வமான விவரங்கள்

இன்னும் ஒரு மாத காலமே எம்டபுள்யூசி 2018 நிகழ்விற்கு மீதமுள்ள நிலையில், சியோமி நிறுவனம் அடுத்த சில வாரங்களில் அதன் புதிய ஸ்மார்ட்போன் பற்றிய அதிகாரப்பூர்வமான விவரங்களை வெளியிடலாம் என எதிர்பார்க்கலாம். மேலும் பல சியோமி மற்றும் மொபைல் வேர்ல்ட் காங்கிரஸ் 2018 நிகழ்வு பற்றிய அப்டேட்ஸ்களுக்கு தமிழ் கிஸ்பாட் வலைத்தளத்துடன் இணைந்திருங்கள்.