செஞ்சிட்டான் Xiaomi.. டூயல் 200MP கேமராக்களுடன் புது போன்.. எந்த மாடல்?

ஷாவ்மீ (Xiaomi) நிறுவனத்தின் நெக்ஸ்ட் ஜெனெரேஷன் பிளாக்ஷிப் ஸ்மார்ட்போன்கள் குறித்த முக்கிய விவரங்கள் வெளியாகி உள்ளது. அது ஷாவ்மீ 18 சீரிஸ் (Xiaomi 18 Series) ஸ்மார்ட்போன்களை பற்றிய விவரங்களாகும். இது குறிப்பிடத்தக்க ஹார்ட்வேர் மாற்றங்களை கொண்டுவர உள்ளன.

நன்கு அறியப்பட்ட டிப்ஸ்டர்களில் ஒருவரான டிஜிட்டல் சாட் ஸ்டேஷனின் கூற்றுப்படி, 6.3-இன்ச் டிஸ்பிளே மற்றும் டூயல் 200-மெகாபிக்சல் கேமராக்கள் பொருத்தப்பட்ட ஷாவ்மீ ஸ்மார்ட்போன் - தயாரிப்பில் உள்ளது. சரியான மாடல் பெயர் குறிப்பிடப்படவில்லை என்றாலும், இது ஷாவ்மீ 18 சீரீஸ் மாடலாக இருக்கலாம் என்று எதிர்பார்க்கப்படுகிறது.

ஷாவ்மீ 18 சீரீஸின் கீழ் முதலில் ஷாவ்மீ 18 (Xiaomi 18) மற்றும் ஷாவ்மீ 18 ப்ரோ (Xiaomi 18 Pro) ஆகிய இரண்டு மாடல்கள் அறிமுகம் செய்யப்படும் என்றும், இவைகள் ஷாவ்மீ 17 (Xiaomi 17) மற்றும் ஷாவ்மீ 17 ப்ரோ (Xiaomi17 Pro) மாடல்களை போலவே காம்பாக்ட் டிசைனை தக்கவைத்துக்கொள்ளும் என்று எதிர்பார்க்கப்படுகிறது.

இருப்பினும், முக்கிய கேமரா மேம்பாடுகள் ப்ரோ மாடலுக்கு ஒதுக்கப்பட்டிருக்கலாம். எனவே, டிடிஎஸ் வழியாக கிடைத்துள்ள புதிய லீக் ஆனது ஷாவ்மீ 18 ப்ரோ மாடலுக்கான டூயல் 200-மெகாபிக்சல் கேமராக்களை பரிந்துரைக்கலாம்.

ஆக ஷாவ்மீ 18 ப்ரோ மேக்ஸ் மாடலிலும் இதே கேமரா செட்டப்பை எதிர்பார்க்கலாம். ஏனென்றால் ஷாவ்மீ நிறுவனம் அதன் ப்ரோ மற்றும் ப்ரோ மேக்ஸ் வகைகளுக்கு இடையில் வன்பொருளை பிரதிபலிப்பதை தொடர்ந்து செய்து வருகிறது. நினைவூட்டும் வண்ணம் ஷாவ்மீ 17 ப்ரோ மற்றும் ஷாவ்மீ 17 ப்ரோ மேக்ஸ் ஆகியவை ஒரே மாதிரியான கேமரா செட்டப்களை பகிர்ந்து கொள்கின்றன

ஆக ஷாவ்மீ 18 ப்ரோ மேக்ஸ் மாடலிலும் டூயல் 200எம்பி கேமரா செட்டப் இடம்பெறலாம். அதே நேரத்தில் வெவ்வேறு கேமரா சென்சார்கள், பெரிய டிஸ்பிளே மற்றும் அதிக பேட்டரி திறன் மூலம் ப்ரோ மேக்ஸ் மாடல் தன்னை வேறுபடுத்தி கொள்ளலாம். ப்ரோ மேக்ஸ் மாடலில் 50-மெகாபிக்சல் அல்ட்ரா-வைட் லென்ஸ் இடம்பெறலாம்.

இருப்பினும் சிப்செட்டில் பெரிய மாற்றங்கள் இருக்காது. இன்னும் சொல்லப்போனால் ஷாவ்மீ 18 சீரிஸ் முழுவதையுமே ஸ்னாப்டிராகன் 8 எலைட் ஜென் 6 (Snapdragon 8 Elite Gen 6) சிப்செட் இயக்கலாம்

அதாவது ஷாவ்மீ 18, ஷாவ்மீ 18 ப்ரோ மற்றும் ஷாவ்மீ 18 ப்ரோ மேக்ஸ் ஆகிய 3 மாடல்களுமே ஒரே சிப்செட் உடன் வரலாம். அறிமுகத்தை பொறுத்தவரை ஷாவ்மீ 18 சீரீஸ் ஆனது 2026 செப்டம்பர் மாதத்தில் சீனாவில் அறிமுகமாகும் என்று எதிர்பார்க்கப்படுகிறது. பின்னர் 2026 ஆம் ஆண்டின் பிற்பகுதியில் ஷாவ்மீ 18 அல்ட்ரா (Xiaomi 18 Ultra) மாடல் வர வாய்ப்புள்ளது.

இப்போதைக்கு ஷாவ்மீ அதன் ஷாவ்மீ 17 மற்றும் ஷாவ்மீ 17 அல்ட்ரா மாடல்களை உலகளவில் அறிமுகப்படுத்த தயாராகி வருகிறது. ஷாவ்மீ 17 ப்ரோ மற்றும் ஷாவ்மீ 17 ப்ரோ மேக்ஸ் ஆகிய 2 மாடல்களுமே சீன சந்தைக்கு மட்டுமே பிரத்தியேகமாக இருக்கும் என்று அறிக்கைகள் கூறியுள்ளன. எனவே, ஷாவ்மீ 18 ப்ரோ மற்றும் ஷாவ்மீ 18 ப்ரோ மேக்ஸ் மாடல்கள் உலகளவில் வெளியிடப்படுமா என்பது குறித்து எந்த தெளிவும் இல்லை.

சமீபத்தில் அறிமுகமான ஷாவ்மீ 17 அல்ட்ரா ஸ்மார்ட்போனின் அம்சங்கள்:
- Android 16 ஓஎஸ் அடிப்படையிலான HyperOS 3 ஓஎஸ்
- 120Hz ரெஃப்ரெஷ் ரேட்
- 1060 நிட்ஸ் பீக் ப்ரைட்னஸ்
- டிராகன் கிரிஸ்டல் கிளாஸ் 3 ப்ரொடெக்ஷன்
- 6.9-இன்ச் 1.5K LTPO AMOLED டிஸ்பிளே
- குவால்காம் ஆக்டா கோர் 3nm ஸ்னாப்டிராகன் 8 எலைட் ஜென் 5 சிப்செட்
- அட்ரெனோ 840 GPU
- 16GB வரை LPDDR5x அல்ட்ரா ரேம்
- 1TB UFS 4.1 ஆன்போர்டு ஸ்டோரேஜ்

- Leica-வால் டியூன் செய்யப்பட்ட ட்ரிபிள் ரியர் கேமரா செட்டப்
- 1-இன்ச் சென்சார் மற்றும் ஆப்டிகல் இமேஜ் ஸ்டெபிலைசேஷன் (OIS) கொண்ட 50-மெகாபிக்சல் LOFIC Omnivision 1050L ப்ரைமரி கேமரா
- 50-மெகாபிக்சல் Samsung JN5 அல்ட்ராவைடு கேமரா
- 3.2x முதல் 4.3x வரை தொடர்ச்சியான ஆப்டிகல் ஜூம் ஆதரவுடன் 200-மெகாபிக்சல் பெரிஸ்கோப் டெலிஃபோட்டோ கேமரா
- 8K ரெசல்யூஷன் கொண்ட வீடியோக்களை பதிவு செய்யும் திறன்
- 50-மெகாபிக்சல் OV50M செல்பீ கேமரா

- 90W வயர்டு மற்றும் 50W வயர்லெஸ் ஃபாஸ்ட் சார்ஜிங் ஆதரவு
- 6,800mAh பேட்டரி
- 5G, 4G LTE, USB டைப்-சி போர்ட், NFC, Wi-Fi 7 மற்றும் ப்ளூடூத் 5.4
- தூசி மற்றும் நீர் எதிர்ப்பிற்கான IP66 + IP68 + IP69 ரேட்டிங்
- 3D அல்ட்ராசோனிக் பிங்கர் பிரிண்ட் சென்சார்
- அளவீட்டில் 8.29 மிமீ
- எடையில் சுமார் 224 கிராம்

refore, there is no clarity on whether Xiaomi 18 Pro and 18 Pro Max will be released globally.