விக்கெட் லீக் நிறுவனம் சமீபத்தில் ஒரு புதிய ஆன்ட்ராய்டு ஃபேப்லட்டினை களமிறக்கி இருக்கிறது. இந்த ஃபேப்லட்டிற்கு வாமி நோட் என்று பெயர் சூட்டி இருக்கிறது. இந்த ஸ்மார்ட்போன் ஆன்ட்ராய்டு 4.0 ஐசிஎஸ் இயங்குதளத்தில் இயங்குகிறது. இந்த போன் ரூ.11,000க்கு விற்கப்பட இருக்கிறது.

நடுத்தர விலையில் வரும் இந்த ஃபேப்லட் பல சூப்பரான தொழில் நுட்ப வசதிகளுடன் வருகிறது. குறிப்பாக இதன் 5 இன்ச் தொடுதிரை மிகத் துல்லியமாக இருக்கிறது. இந்த போன் 512எம்பி ரேம் கொண்டிருப்பதால் ஏராளமான தகவல்களை இதில் சேமித்து வைக்க முடியும்.

மேலும் இதன் 8எம்பி பின்பக்க கேமரா மற்றும் 1.3எம்பி முகப்புக் கேமரா மூலம் சூப்பரான போட்டோக்கள் மற்றும் வீடியோக்கள் ஆகியவற்றை எடுக்க முடியும். அதுபோல் அட்டகாசமான வீடியோ உரையாடலையும் நடத்த முடியும்.

அதோடு இந்த போன் மைக்ரோ எஸ்டி கார்டு ஸ்லாட், வைபை, ப்ளூடூத், 3ஜி மற்றும் யுஎஸ்பி போன்ற சூப்பரான அம்சங்களையும் இந்த போன் கொண்டிருக்கிறது. மேலும் இந்த போனில் ஜிபிஎஸ், அனலாக் டிவி மற்றும் எப்எம் ரேடியோ வசதிகளும் உண்டு.

இந்த வாமி நோட்டில் உள்ள பேட்டரி இந்த போனுக்கு நீடித்த உழைப்பையும் வழங்குகிறது. இந்த போன் கறுப்பு மற்றும் வெள்ளை ஆகிய வண்ணங்களில் வருகிறது.