ரொம்ப நாளா கம்மி விலையில் Vivo 5G போன் கிடைக்காதா என ஏங்கும் மக்களுக்கு குட் நியூஸ்

Published: Thursday, December 1, 2022, 7:30 [IST]

விவோ நிறுவனம் எப்போதுமே 5ஜி போன்களை சற்று உயர்வான வலையில் தான் அறிமுகம் செய்கிறது. ஆனால் இந்நிறுவனம் அறிமுகம் செய்யும் போன்கள் தரமான கேமரா வசதி மற்றும் தனித்துவமான சிப்செட் வசதியுடன் தான் வெளிவரும்.

விவோ Y35 5G

இந்நிலையில் விவோ நிறுவனம் கம்மி விலையில் புதிய விவோ போனை அறிமுகம் செய்யத் திட்டமிட்டுள்ளது. அதாவது விவோ நிறுவனம் விவோ Y35 5G எனும் ஸ்மார்ட்போனை விரைவில் அறிமுகம் செய்யத் திட்டமிட்டுள்ளது. குறிப்பாக இந்த ஸ்மார்ட்போன் குறைந்த விலையில் வெளிவரும் என்பதால் அதிக எதிர்பார்ப்புகளை உருவாக்கியுள்ளது.

6.51-இன்ச் எல்சிடி டிஸ்பிளே

மேலும் இப்போது ஆன்லைனில் கசிந்த விவோ Y35 5G ஸ்மார்ட்போனின் அம்சங்களை சற்று விரிவாகப் பார்ப்போம். அதாவது விவோ Y35 5G ஸ்மார்ட்போன் ஆனது 6.51-இன்ச் எல்சிடி டிஸ்பிளே வசதியுடன் வெளிவரும். அதேபோல் 90 ஹெர்ட்ஸ் ரெஃப்ரெஷ் ரேட் மற்றும் 1080 பிக்சல்ஸ் ஆதரவுடன்
இந்த புதிய ஸ்மார்ட்போன் அறிமுகமாகும்.

ஸ்னாப்டிராகன் 5ஜி சிப்செட்

விரைவில் அறிமுகமாகும் விவோ Y35 5G ஸ்மார்ட்போன் ஆனது ஸ்னாப்டிராகன் 5ஜி சிப்செட் வசதியுடன் வெளிவரும் என்று தகவல் தெரிவிக்கப்பட்டுள்ளது. எனவே இந்த ஸ்மார்ட்போனை நம்பி வாங்கலாம். மேலும் இந்த புதிய போனில் ஆண்ட்ராய்டு 12 இயங்குதள வசதி இருப்பதாககூறப்படுகிறது. சுருக்கமாக கூறவேண்டும் என்றால் இதன் மென்பொருள் வசதிக்கு அதிக கவனம் செலுத்தியுள்ளது அந்நிறுவனம்.

குறிப்பாக 4ஜிபி/6ஜிபி/8ஜிபி ரேம் மற்றும் 64ஜிபி/128ஜிபி ஸ்டோரேஜ் ஆதரவுடன் புதிய விவோ Y35 5G ஸ்மார்ட்போன் அறிமுகமாகும் என்று தெரிவிக்கப்பட்டுள்ளது. மேலும் கூடுதலாக மெமரி நீட்டிப்பு ஆதரவு கொண்டுள்ளது இந்த அட்டகாசமான ஸ்மார்ட்போன். அதாவது நீங்கள் மெமரி கார்டை பயன்படுத்த மைக்ரோ எஸ்டி கார்டு ஸ்லாட் ஆதரவு உள்ளது.

விவோ Y35 5G ஸ்மார்ட்போன் 13எம்பி பிரைமரி கேமரா + 2எம்பி டெப்த் சென்சார் என்கிற டூயல் ரியர் கேமரா ஆதரவைக் கொண்டுள்ளது. மேலும் செல்பிகளுக்கும், வீடியோகால் அழைப்புகளுக்கும் என்றே 5எம்பி கேமராவுடன் வெளிவரும் இந்த புதிய விவோ போன். இதுதவிர எல்இடி பிளாஷ் மற்றும் பல கேமரா அம்சங்களை கொண்டுள்ளது இந்த அசத்தலான ஸ்மார்ட்போன்.

5000 எம்ஏஎச் பேட்டரி

விவோ Y35 5G ஸ்மார்ட்போனில் 5000 எம்ஏஎச் பேட்டரி வசதி உள்ளதாக தெரிவிக்கப்பட்டுள்ளது. எனவே சார்ஜ் பற்றிய கவலை இருக்காது. நீண்ட நேரம் பேட்டரி பேக்கப் கிடைக்கும். மேலும் 18 வாட்ஸ் பாஸ்ட் சார்ஜிங் வசதி, கைரேகை ஸ்கேனர் உள்ளிட்ட பல சிறப்பான அம்சங்களுடன் அறிமுகமாகும் இந்தஅசத்தலான விவோ Y35 5G ஸ்மார்ட்போன்.

5ஜி, 4ஜி வோல்ட்இ, என்எப்சி, ஜிபிஎஸ், யுஎஸ்பி டைப்-சி போர்ட், 3.5எம்எம் ஆடியோ ஜாக் உள்ளிட்ட பல கனெக்டிவிட்டி ஆதரவுகளுடன் இந்த புதிய விவோ ஸ்மார்ட்போன் அறிமுகமாகும். அதேபோல் குறைந்த விலையில் இந்த சாதனம் வெளிவரும் என்பதால் அதிக எதிர்பார்ப்புகளை உருவாக்கியுள்ளது.