அதிருது இந்திய மார்க்கெட்.. 50எம்பி கேமரா.. 44W சார்ஜிங்.. அறிமுகமானது புது Vivo 5ஜி போன்.. எந்த மாடல்?

விவோ நிறுவனம் விவோ ஒய்29 5ஜி (Vivo Y29 5G) ஸ்மார்ட்போனை இந்தியாவில் அதிகாரப்பூர்வமாக அறிமுகம் செய்துள்ளது. 50எம்பி டூயல் ரியர் கேமரா, டைமன்சிட்டி சிப்செட், ஃபாஸ்ட் சார்ஜிங் உள்ளிட்ட பல்வேறு சிறப்பான அம்சங்களுடன் இந்த போன் வெளிவந்துள்ளது. இப்போது விவோ ஒய்29 5ஜி ஸ்மார்ட்போனின் விலை மற்றும் அம்சங்களைப் பார்க்கலாம்.

விவோ ஒய்29 5ஜி அம்சங்கள் (Vivo Y29 5G specifications): 6.68-இன்ச் எச்டி பிளஸ் எல்சிடி டிஸ்பிளே ஆதரவுடன் இந்த போன் வெளிவந்துள்ளது. மேலும் இதன் டிஸ்பிளேவில் 120 ஹெர்ட்ஸ் ரெஃப்ரெஷ் ரேட் மற்றும் சிறந்த பாதுகாப்பு வசதி உள்ளது. குறிப்பாக இந்த போன் பெரிய டிஸ்பிளே உடன் வெளிவந்துள்ளதால் பயன்படுத்துவதற்கு மிகவும் அருமையாக இருக்கும்.

அதேபோல் மீடியாடெக் டைமன்சிட்டி 6300 எஸ்ஒசி (MediaTek Dimensity 6300 SoC) சிப்செட் உடன் விவோ ஒய்29 5ஜி அறிமுகம் செய்யப்பட்டுள்ளது. குறிப்பாக இந்த சிப்செட் மேம்பட்ட செயல்திறன் வழங்கும். பின்பு FunTouch OS 14 சார்ந்த ஆண்ட்ராய்டு 14 இயங்குதள வசதியுடன் இந்த விவோ போன் வெளிவந்துள்ளது. ஆனாலும் இந்த போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும்.

குறிப்பாக 50எம்பி பிரைமரி கேமரா + 0.8எம்பி செகண்டரி கேமரா என்கிற டூயல் ரியர் கேமரா அமைப்பைக் கொண்டுள்ளது இந்த விவோ ஒய்29 5ஜி ஸ்மார்ட்போன் மாடல். மேலும் செல்பிகளுக்கும், வீடியோகால் அழைப்புகளுக்கும் என்றே 0.8எம்பி கேமரா கொண்டுள்ளது இந்த போன். இதுதவிர எல்இடி பிளாஸ் மற்றும் பல்வேறு கேமரா அம்சங்கள் இதில் உள்ளன.

IP64 தர டஸ்ட் மற்றும் வாட்டர் ரெசிஸ்டன்ட்(Dust & Water Resistant) உடன் விவோ ஒய்29 5ஜி ஸ்மார்ட்போன் வெளிவந்துள்ளது. மேலும் சைடு மவுண்ட்டெட் ஃபிங்கர் பிரிண்ட் ஸ்கேனர் (Side Mounted Fingerprint Scanner) ஆதரவும் இந்த போனில் உள்ளது. இந்த விவோ போனின் எடை 198 கிராம் ஆகும்.

5500mAh பேட்டரி உடன் விவோ ஒய்29 5ஜி ஸ்மார்ட்போன் அறிமுகம் செய்யப்பட்டுள்ளது. எனவே இந்த போனை வாங்கும் பயனர்களுக்கு சார்ஜ் பற்றிய கவலை இருக்காது. அதாவது இந்த போன் நீண்ட நேரம் பேட்டரி பேக்கப் வழங்கும். மேலும் இந்த பேட்டரியை சார்ஜ் செய்ய 44W ஃபாஸ்ட் சார்ஜிங் வசதியும் உள்ளது.

8ஜிபி வரை ரேம் மற்றும் 256ஜிபி வரை மெமரி ஆதரவைக் கொண்டுள்ளது இந்த விவோ ஒய்29 5ஜி ஸ்மார்ட்போன். மேலும் கூடுதலாக மெமரி நீட்டிப்பு ஆதரவு கொண்டுள்ளது இந்த விவோ போன். அதாவது நீங்கள் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு இந்த போனில் உள்ளது.

டூயல் சிம், 5ஜி, வைஃபை, புளூடூத் 5.4 உள்ளிட்ட பல்வேறு கனெக்டிவிட்டி ஆதரவுகள் இந்த விவோ ஒய்29 5ஜி ஸ்மார்ட்போனில் உள்ளன. மேலும் கிளாசியர் ப்ளூ (Glacier Blue), டைட்டானியம் கோல்டு (Titanium Gold), டைமண்ட் பிளாக் (Diamond Black) நிறங்களில் இந்த போனை வாங்க முடியும்.

4ஜிபி ரேம் + 128ஜிபி மெமரி கொண்ட விவோ ஒய்29 5ஜி போனின் விலை 13,999-ஆக உள்ளது. பின்பு இதன் 6ஜிபி ரேம் + 128ஜிபி மெமரி கொண்ட வேரியண்ட் ரூ.15,999 விலையிலும், 8ஜிபி ரேம் + 128ஜிபி மெமரி கொண்ட வேரியண்ட் ரூ.16,999 விலையிலும், 8ஜிபி ரேம் + 256ஜிபி மெமரி கொண்ட வேரியண்ட் ரூ.19,999 விலையிலும் விற்பனைக்கு வரும். ஆனால் இந்த போனின் விற்பனை விவரங்கள் வெளியிடப்படவில்லை. விற்பனை விவரங்கள் வெளியிடப்பட்டால் உடனே அப்டேட் செய்கிறோம்.

source: gizmochina