அடிதூள்.. ரூ.14,999 விலையில் களமிறங்கியது புது Vivo போன். 6500mAh பேட்டரி.. எந்த மாடல்?

விவோ நிறுவனம் இந்தியாவில் விவோ ஒய்11 5ஜி ஸ்மார்ட்போனை இன்று அறிமுகம் செய்துள்ளது. அசத்தலான வடிவமைப்பு மற்றும் தரமான அம்சங்களுடன் இந்த விவோ ஸ்மார்ட்போன் பட்ஜெட் விலையில் வெளியாகி உள்ளது. இப்போது விவோ ஒய்11 5ஜி ஸ்மார்ட்போனின் விலை மற்றும் அம்சங்களை சற்று விரிவாகப் பார்க்கலாம்.

விவோ ஒய்11 5ஜி அம்சங்கள் (Vivo Y11 5G Specifications): விவோ ஒய்11 5ஜி ஸ்மார்ட்போன் 6.74-இன்ச் எச்டி பிளஸ் எல்சிடி டிஸ்பிளே வசதியுடன் வெளிவந்துள்ளது. மேலும் இதன் டிஸ்பிளேவில் 120 ஹெர்ட்ஸ் ரெஃப்ரெஷ் ரேட் (120Hz refresh rate),1200 நிட்ஸ் பீக் பிரைட்னஸ் உள்ளிட்ட பல சிறப்பான அம்சங்கள் உள்ளன.

ஆக்டா கோர் மீடியாடெக் டைமன்சிட்டி 6300 சிப்செட் (octa core MediaTek Dimensity 6300 chipset) உடன் இந்த விவோ ஒய்11 5ஜி ஸ்மார்ட்போன் வெளியாகி உள்ளது. அதுவும் இந்த ஸ்மார்ட்போனில் கேமிங் ஆப்களை தடையின்றி பயன்படுத்தலாம். குறிப்பாக இந்த போனுக்கு வழங்கப்பட்ட சிப்செட் ஆனது மேம்பட்ட செயல்திறன் வழங்கும்.

OriginOS 6 சார்ந்த ஆண்ட்ராய்டு 16 (Android 16)இயங்குதளத்தை அடிப்படையாகக் கொண்டு இந்த விவோ ஒய்11 5ஜி ஸ்மார்ட்போன் வெளியாகி உள்ளது. ஆனாலும் இந்த ஸ்மார்ட்போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும் என்று தெரிவிக்கப்பட்டுள்ளது.

IP65 தர டஸ்ட் மற்றும் ப்ளாஷ் ரெசிஸ்டன்ட் (ip65 dust and splash resistance) உடன் விவோ ஒய்11 5ஜி ஸ்மார்ட்போன் அறிமுகம் செய்யப்பட்டுள்ளது. இதுதவிர SGS மிலிட்டரி கிரேடு ஷாக் ரெசிஸ்டன்ஸ் ஆதரவுடன் இந்த புதிய விவோ ஸ்மார்ட்போன் வெளிவந்துள்ளது. சுருக்கமாகக் கூறவேண்டும் என்றால் இந்த போனின் வடிவமைப்புக்கு அதிக கவனம் செலுத்தியுள்ளது விவோ நிறுவனம்.

13எம்பி ரியர் கேமரா உடன் விவோ ஒய்11 5ஜி ஸ்மார்ட்போன் வெளியாகி உள்ளது. எனவே இந்த ஸ்மார்ட்போன் மூலம் அசத்தலான படங்கள் மற்றும் வீடியோக்களை எடுக்க முடியும். மேலும் செல்பிகளுக்கும், வீடியோகால் அழைப்புகளுக்கும் என்றே 5எம்பி கேமரா இந்த போனில் உள்ளது. இதுதவிர எல்இடி பிளாஸ், நைட், போர்ட்ரெய்ட், ப்ரோ, டைம்-லேப்ஸ் மற்றும் லைவ் போட்டோ மோட் போன்ற பல கேமரா அம்சங்கள் இந்த போனில் உள்ளன.

6500mAh பேட்டரி உடன் விவோ ஒய்11 5ஜி ஸ்மார்ட்போன் அறிமுகம் செய்யப்பட்டுள்ளது. எனவே இந்த ஸ்மார்ட்போன் நாள் முழுவதும் பேட்டரி பேக்கப் வழங்கும். மேலும் இந்த பேட்டரியை சார்ஜ் செய்ய 15W ஃபாஸ்ட் சார்ஜிங் வசதியும் உள்ளது. ஆகவே இந்த போனை வேகமாக சார்ஜ் செய்துவிட முடியும்.

5ஜி, 4ஜி எல்டிஇ, வைஃபை, புளூடூத் 5.4, யுஎஸ்பி டைப்-சி, ஜிபிஎஸ் உள்ளிட்ட பல்வேறு கனெக்டிவிட்டி ஆதரவுகள் இந்த போனில் உள்ளன. சைடு மவுண்டெட் ஃபிங்கர்பிரிண்ட் சென்சார் (Side-mounted fingerprint sensor) ஆதரவும் இந்த விவோ போனில் உள்ளது.

விவோ ஒய்11 5ஜி விலை
4ஜிபி ரேம் + 64ஜிபி மெமரி கொண்ட விவோ ஒய்11 5ஜி மாடலின் விலை ரூ.14,999-ஆக உள்ளது.
6ஜிபி ரேம் + 128ஜிபி மெமரி கொண்ட விவோ ஒய்11 5ஜி மாடலின் விலை ரூ.16,999-ஆக உள்ளது.

பிளிப்கார்ட் மற்றும் விவோ இணையதளம் மூலம் இந்த விவோ ஒய்11 5ஜி போன் விற்பனைக்கு வருகிறது. சன்ரைஸ் கோல்டு மற்றும் மிட்நைட் புளூ நிறங்களில் இந்த போனை வாங்க முடியும்.