களத்திற்கு வருகிறது புதிய Vivo 5ஜி போன்.. சோனி கேமரா.. 90W சார்ஜிங்.. IP68 ரேட்டிங்.. எந்த மாடல்?

விவோ நிறுவனம் விரைவில் விவோ எக்ஸ்300 எப்இ ஸ்மார்ட்போன் மாடலை இந்தியாவில் அறிமுகம் செய்ய உள்ளது. அதாவது இந்த ஸ்மார்ட்போன் ஆனது V2537 சான்றிதழ் தளத்தில் V2537 மாடல் எண்ணுடன் காணப்பட்டது. ஆகவே இந்த ஸ்மார்ட்போன் வரும் வாரங்களில் அறிமுகம் செய்யப்பட அதிக வாய்ப்புகள் உள்ளது.

குறிப்பாக விவோ எக்ஸ்300 எப்இ ஸ்மார்ட்போன் ஆனது தனித்துவமான வடிவமைப்பு மற்றும் மேம்பட்ட அம்சங்களுடன் வெளிவரும். மேலும் ஆன்லைனில் வெளியான விவோ எக்ஸ்300 எப்இ ஸ்மார்ட்போனின் அம்சங்களை இந்த பதிவில் பார்க்கலாம்.

விவோ எக்ஸ்300 எப்இ அம்சங்கள் (Vivo X300 FE Specifications): 6.31-இன்ச் 1.5கே எல்டிபிஒ டிஸ்பிளே வசதியுடன் விவோ எக்ஸ்300 எப்இ ஸ்மார்ட்போன் அறிமுகம் செய்யப்படும். மேலும் இதன் டிஸ்பிளேவில் 1.5கே ரெசல்யூஷன் (1.5K Resolution), 120 ஹெர்ட்ஸ் ரெஃப்ரெஷ் ரேட் (120Hz refresh rate) உள்ளிட்ட சிறப்பான அம்சங்கள் உள்ளன.

குவால்காம் ஸ்னாப்டிராகன் 8 ஜென் 5 எஸ்ஒசி (Snapdragon 8 Gen 5 SoC) சிப்செட் உடன் விவோ எக்ஸ்300 எப், ஸ்மார்ட்போன் அறிமுகமாகும் என்று தெரிவிக்கப்பட்டுள்ளது. குறிப்பாக இந்த சிப்செட் ஆனது மேம்பட்ட வேகம் மற்றும் செயல்திறன் வழங்கும். குறிப்பாக இந்த ஸ்மார்ட்போனில் அனைத்து ஆப்களையும் தடையின்றி பயன்படுத்தலாம்.

16ஜிபி வரை ரேம் மற்றும் 512ஜிபி வரை மெமரி உடன் இந்த விவோ எக்ஸ்300 எப்இ ஸ்மார்ட்போன் வெளிவரும். அதேபோல் இன்-டிஸ்பிளே அல்ட்ராசோனிக் ஃபிங்கர் பிரிண்ட் சென்சார் (in-display ultrasonic fingerprint sensor) வசதியுடன் விவோ எக்ஸ்300 எப்இ ஸ்மார்ட்போன் அறிமுகம் செய்யப்படும் என்று தெரிவிக்கப்பட்டுள்ளது.

ஒரிஜின் ஓஎஸ் 6 (OriginOS 6) சார்ந்த ஆண்ட்ராய்டு 16 இயங்குதளத்தை அடிப்படையாகக் கொண்டு இந்த விவோ எக்ஸ்300 எப்இ ஸ்மார்ட்போன் வெளியாகும். ஆனாலும் இந்த ஸ்மார்ட்போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும் என்பது குறிப்பிடத்தக்கது.

50எம்பி சோனி ஐஎம்எக்ஸ்921 பிரைமரி சென்சார் + 8எம்பி அல்ட்ரா வைடு லென்ஸ் + 50எம்பி சோனி ஐஎம்எக்ஸ்882 டெலிபோட்டோ லென்ஸ் என்கிற ட்ரிபிள் ரியர் கேமரா செட்டப் கொண்டுள்ளது இந்த விவோ போன். மேலும் 4கே வீடியோ சப்போர்ட், ஆரா லைட் (Aura Light) உள்ளிட்ட பல அம்சங்கள் இந்த போனில் உள்ளன.

செல்பிகளுக்கும், வீடியோகால் அழைப்புகளுக்கும் என்றே 50எம்பி கேமராவும் இந்த போனில் உள்ளது. குறிப்பாக இந்த செல்பி கேமராவும் 4கே வீடியோ சப்போர்ட் கொண்டுள்ளது. குறிப்பாக இந்த போனின் கேமரா பகுதிக்கு அதிக கவனம் செலுத்தியுள்ளது விவோ நிறுவனம். மேலும் IP68 ரேட்டிங் கொண்ட டஸ்ட் & வாட்டர் ரெசிஸ்டன்ஸ் (Dust & Water Resistance) உடன் விவோ எக்ஸ்300 எப்இ போன் அறிமுகமாகும்.

6500mAh பேட்டரி கொண்டுள்ளது விவோ எக்ஸ்300 எப்இ ஸ்மார்ட்போன். ஆகவே இந்த ஸ்மார்ட்போனை வாங்கினால் சார்ஜ் பற்றிய கவலை இருக்காது. அதாவது இந்த போன் நாள் முழுவதும் பேட்டரி பேக்கப் வழங்கும். மேலும் இந்த பேட்டரியை சார்ஜ் செய்ய 90W ஃபாஸ்ட் சார்ஜிங் வசதியும் உள்ளது.

ஆன்லைனில் வெளியான தகவலின்படி, ரூ.56,999 விலையில் விவோ எக்ஸ்300 எப்இ ஸ்மார்ட்போன் அறிமுகமாகும் என்று கூறப்படுகிறது. அனைத்து சிறப்பான அம்சங்களுடன் இந்த போன் வெளிவரும் என்பதால் அதிக எதிர்பார்ப்புகளை உருவாக்கியுள்ளது.

photo credits: gizmochina, Tipster Debayan Roy, thetechoutlook