இந்திய மார்க்கெட்டில் புயலை கிளப்பும் Vivo.. 200எம்பி கேமரா.. 6500mAh பேட்டரி.. IP69 ரேட்டிங்.. எந்த மாடல்?

விவோ நிறுவனம் விரைவில் விவோ வி60இ 5ஜி (Vivo V60e 5G) ஸ்மார்ட்போனை இந்தியாவில் அறிமுகம் செய்து விற்பனைக்கு கொண்டுவர உள்ளது. அதாவது இந்த போன் தற்போது பிளிப்கார்ட் தளத்தில் பட்டியலிடப்பட்டுள்ளது. மேலும் இந்த போனின் விலை மற்றும் முக்கிய விவரக்குறிப்புகள் பிளிப்கார்ட் தளத்தில் வெளியாகி உள்ளது.

ஆனால் இந்த போன் அதிகாரப்பூர்வமாக அறிமுகம் செய்யப்படவில்லை. ஆனால் கூடிய விரைவில் இந்த போன் அறிமுகமாகும். மேலும் இந்த போனின் சிறப்பு அம்சங்கள் மற்றும் விலை குறித்த தகவல்களை இந்த பதிவில் சற்று விரிவாகப் பார்க்கலாம்.

8ஜிபி ரேம் + 128ஜிபி மெமரி கொண்ட விவோ வி60இ 5ஜி போன் ரூ.34,999-விலையில் வெளிவரும். பின்பு இதன் 8ஜிபி ரேம் + 256ஜிபி மெமரி கொண் வேரியண்ட் ரூ.36,999 விலையிலும், 12ஜிபி ரேம் + 256ஜிபி மெமரி கொண்ட வேரியண்ட ரூ.38,999 விலையிலும் அறிமுகமாகும் என்று தெரிவிக்கப்பட்டுள்ளது. ஆனால் தேர்வு செய்யப்பட்ட வங்கி கார்டுகளை பயன்படுத்தி இந்த போனை வாங்கினால் ரூ.6,249 வரை தள்ளுபடி கிடைக்கும் என்று கூறப்படுகிறது.

விவோ வி60இ 5ஜி அம்சங்கள் (Vivo V60e 5G Specifications): 6.77-இன்ச் ஃபுல் எச்டி பிளஸ் அமோலெட் (AMOLED) டிஸ்பிளே வசதி கொண்டுள்ளது விவோ வி60இ 5ஜி விவோ போன். மேலும் இதன் டிஸ்பிளேவில் 2392 x 1080 பிக்சல்ஸ், 5000 நிட்ஸ் பீக் பிரைட்னஸ், 120 ஹெர்ட்ஸ் ரெஃப்ரெஷ் ரேட் (120Hz refresh rate) உள்ளிட்ட பல அம்சங்கள் உள்ளன.

4என்எம் ஆக்டா-கோர் மீடியாடெக் டைமன்சிட்டி 7300 (4nm octa-core MediaTek Dimensity 7300)சிப்செட் உடன் புதிய விவோ வி60இ 5ஜி ஸ்மார்ட்போன் அறிமுகம் செய்யப்படும். இந்த சிப்செட் மேம்பட்ட வேகம் மற்றும் செயல்திறன் வழங்கும் என்பது குறிப்பிடத்தக்கது.

ஆண்ட்ராய்டு 15 இயங்குதளத்தை அடிப்படையாகக் கொண்டு இந்த விவோ வி60இ 5ஜி ஸ்மார்ட்போன் வெளியாகும் என்று கூறப்படுகிறது. ஆனாலும் இந்த போனுக்கு மூன்று ஆண்ட்ராய்டு ஓஎஸ் அப்டேட் மற்றம் 5 வருட பாதுகாப்பு அப்டேட்கள் வழங்கப்படும் என்று கூறப்படுகிறது. குறிப்பாக இந்த போனின் மென்பொருள் வசதிக்கு அதிக கவனம் செலுத்தியுள்ளது விவோ நிறுவனம்.

IP68 & IP69 தர டஸ்ட் மற்றும் வாட்டர் ரெசிஸ்டன்ட் (Dust & Water Resistant) உடன் இந்த விவோ வி60இ 5ஜி போன் வெளியாகும். பின்பு இந்த போனில் யூ.எஸ்.பி டைப்-சி ஆடியோ (USB Type-C Audio), ஸ்டீரியோ ஸ்பீக்கர்கள் (Stereo speakers), டால்பி அட்மோஸ் (Dolby Atmos) இருப்பதாகக் கூறப்படுகிறது.

8ஜிபி ரேம் + 128ஜிபி மெமரி மற்றும் 8ஜிபி ரேம் + 256ஜிபி மெமரி மற்றும் 12ஜிபி ரேம் + 256ஜிபி மெமரி என மூன்று வேரியண்ட்களில் இந்த புதிய விவோ வி60இ 5ஜி ஸ்மார்ட்போன் விற்பனைக்கு வரும். மேலும் இந்த ஸ்மார்ட்போனில் இன்-டிஸ்பிளே ஃபிங்கர்பிரிண்ட் சென்சார் (In-display Fingerprint Sensor) வசதியும் உள்ளது.

ரிங் ஃபிளாஷ் உடன் 200எம்பி டூயல் ரியர் கேமரா அமைப்புடன் இந்த புதிய விவோ வி60இ 5ஜி ஸ்மார்ட்போன் அறிமுகமாகும் என்று தெரிவிக்கப்பட்டுள்ளது. மேலும் செல்பிகளுக்கும், வீடியோகால் அழைப்புகளுக்கும் என்றே 50எம்பி கேமராவுடன் இந்த விவோ போன் வெளிவரும். இதுதவிர பல கேமரா அம்சங்கள் இந்த போனில் உள்ளன.

அதேபோல் 5ஜி, 4ஜி வோல்ட்இ, வைஃபை, ஜிபிஎஸ், என்எப்சி யுஎஸ்பி டைப்-சி உள்ளிட்ட பல்வேறு கனெக்டிவிட்டி ஆதரவுகள் உள்ளன. பின்பு ஐஆர் பிளாஸ்டர் ஆதரவும் இந்த போனில் உள்ளது. நோபல் கோல்ட் மற்றும் எலைட் பர்பிள் நிறங்களில் இந்த போனை வாங்க முடியும்.

குறிப்பாக 6500mAh பேட்டரி உடன் விவோ வி60இ 5ஜி ஸ்மார்ட்போன் அறிமுகமாகும். எனவே இந்த ஸ்மார்ட்போனை வாங்கினால் சார்ஜ் பற்றிய கவலை இருக்காது. அதாவது இந்த போன் நாள் முழுவதும் பேட்டரி பேக்கப் வழங்கும். பின்பு இந்த பேட்டரியை சார்ஜ் செய்ய 90W ஃபாஸ்ட் சார்ஜிங் வசதியும் உள்ளது. ஆகவே இந்த போனை வேகமாக சார்ஜ் செய்துவிட முடியும்.