பாப் அப் கேமராவுடன் பட்டையை கிளப்பும் விவோ வி15 புரோ.!

விவோ வி15 புரோ:

விவோ நிறுவனம் தனது ஸ்மார்ட்போனை பிப்ரவரி 20ம் தேதி அறிமுகம் செய்ய இருக்கின்றது. இந்நிலையில் புதிய விவோ ஸ்மார்ட்போன் பற்றிய விவரங்கள் இணையத்தில் லீக் ஆகியுள்ளது.

பாப் அப் செல்பி கேமரா:

அதன்படி விவோ வி15 ப்ரோ ஸ்மார்ட்போனில் நாட்ச்-லென்ஸ் டிஸ்ப்ளே வழங்கப்படுகிறது. இத்துடன் ஸ்மார்ட்போனின் பின்புறம் மூன்று பிரைமரி கேமரா செட்டப், முன்புறம் பாப்-அப் ரக செல்பி கேமரா வழங்கப்படுகிறது. இதனால் ஸ்மார்ட்போனில் கீழ்புறம் பெசல் எதுவும் காணப்படவில்லை.

கைரேகை சென்சார் இல்லை:

இந்த ஸ்மார்ட்போனில் சந்தையில் கிடைக்கும் முழுமையான பெசல்-லெஸ் ஸ்மார்ட்போன்களில் விவோ நிறுவனத்தின் முதல் மாடலாக இது இருக்கும். புதிய ஸ்மார்ட்போனில் பின்புறம் கைரேகை சென்சார் காணப்படவில்லை. இதில் இன்-டிஸ்ப்ளே கைரேகை சென்சார் வழங்கப்படலாம் என தெரிகிறது.

6.39 இன்ச் திரை:

ஸ்மார்ட்போனில் மைக்ரோ யுஎஸ்பி போர்ட் 3.5 எம்எம் ஹெட்போன் ஜாக் உள்ளிட்டவை வழங்கப்படுகிறது. இதுவரை வெளியாகி இருக்கும் தகவல்களின்படி புதிய விவோ ஸ்மார்ட்போனில் 6.39 இன்ச் சூப்பர் அமோல்டு அல்ட்ரா புல்வியூ டிஸ்ப்ளே,எப்ஹெச்டி பிளஸ் 2340 x 1080 பிக்சல் ரெசல்யூஷன் வழங்கப்படுகின்றது.

விவோ வி15 புரோ:

இந்த விவோ வி 15 ஸ்மார்ட்போன் 2.0 ஜிகாஹெர்ட்ஸ் குவால்காம் ஸ்னாப்டிராகன் 675 11 என்எம் சிப்செட், அட்ரினோ 612 ஜிபியூ, 6ஜிபி ரேம் 128 ஜிபி மெமரி வழங்கப்படுகிறது. புகைப்படங்களை எடுக்க 48 எம்பி, 8 எம்பி , 5 எம்பி சென்சார்கள் வழங்கப்படுகின்றன.

3700 எம்ஏஹெச் பேட்டரி:

இந்த சென்சார்கள் 4கே தரத்தில் வீடியோ பதிவு செய்யும் வசதியை வழங்கும். இத்துடன் எல்இடி பிளாஷ் வழங்கப்படுகின்றது. புதிய ஸ்மார்ட்போன் ஆன்ட்ராய்டு 9பை இயங்குளதம் கொண்டு இயங்கும். இதில் 3700 எம்ஏஹெச் பேட்டரி வழங்கப்படுகின்றது.