விவோ யு20 ஸ்மார்ட்போன் இன்று மத்திய 12 மணி முதல் விற்பனை! சலுகைகளும் உண்டு!

Published: Monday, December 2, 2019, 12:09 [IST]

விவோ நிறுவனத்தின் புதிய விவோ யு 20 ஸ்மார்ட்போன், அமேசான் இந்தியா மற்றும் விவோ இந்தியா இ-ஷாப்பில் ஒரே நேரத்தில் விற்பனைக்குக் கிடைக்கிறது. விவோ யு 20 கடந்த வாரம் இந்தியாவில் அறிமுகம் செய்யப்பட்டது, இந்த ஸ்மார்ட்போன் தற்பொழுது இரண்டாவது முறையாக ஆன்லைன் தளங்களில் விற்பனைக்குக் கிடைக்கிறது.

விவோ யு 20

அமேசான் மற்றும் விவோ இ-ஷாப்பில் இன்று மதியம் 12 மணி முதல் புதிய விவோ யு 20 ஸ்மார்ட்போனின் விற்பனை துவங்குகிறது. இந்த புதிய விவோ யு 20 ஸ்மார்ட்போன் ஸ்னாப்டிராகன் 675 பிராசஸர், வாட்டர் டிராப் நாட்ச் டிஸ்ப்ளே, டிரிபிள் ரியர் கேமரா அமைப்பு மற்றும் 18W ஃபாஸ்ட் சார்ஜிங் ஆதரவுடன் 5,000 எம்ஏஎச் பேட்டரி போன்ற பல அம்சங்களுடன் அறிமுகம் செய்யப்பட்டுள்ளது.

புதிய விவோ யு 20 ஸ்மார்ட்போனின், 4 ஜிபி/64 ஜிபி வேரியண்டி இந்தியாவில் ரூ.10,990 என்ற விலையில் விற்பனை செய்யப்படுகிறது. அதேபோல், புதிய விவோ யு 20 ஸ்மார்ட்போனின் 6 ஜிபி/64 ஜிபி வேரியண்ட் மாடல் வெறும் ரூ.11,990 என்ற விலையில் விற்பனைக்குக் கிடைக்கிறது. இந்த விவோ யு 20 ஸ்மார்ட்போன், ரேசிங் பிளாக் மற்றும் பிளேஸ் ப்ளூ என்ற இரண்டு வண்ண விருப்பங்களில் கிடைக்கிறது.

விற்பனை சலுகைகளைப் பொறுத்தவரை, அமேசான் தளத்தில் இஎம்ஐ விருப்பங்கள் வழங்கப்பட்டுள்ளது. 10 சதவீதம் கேஷ்பேக் ரூ.500 எச்.டி.எஃப்.சி வங்கி டெபிட் கார்டுகளுடன், எச்.எஸ்.பி.சி கேஷ்பேக் கார்டுடன் 5 சதவீதம் உடனடி தள்ளுபடி. விவோ இந்தியா இ-ஷாப் மூலம் எக்ஸ்சேஞ் தள்ளுபடி, ஆறு மாதங்கள் வரை விலை இல்லாத இஎம்ஐ விருப்பங்கள் மற்றும் ரூ.6,000 மதிப்பிலான ரிலையன்ஸ் ஜியோ சந்தா.