விவோ களமிறக்கும் புதிய 5ஜி போன்.. எந்த மாடல்? என்ன விலை?

விவோ நிறுவனம் அடுத்து விவோ டி5 5ஜி ஸ்மார்ட்போனை இந்தியாவில் அறிமுகம் செய்ய உள்ளது. தற்போது இந்த போனின் டீசர் வெளியாகி உள்ளது. கூடிய விரைவில் இந்த போன் அறிமுகமாகும். அதேபோல் இந்த புதிய விவோ ஸ்மார்ட்போன் பிளிப்கார்ட் தளத்தில் விற்பனைக்கு வரும்.

விவோ டி5 5ஜி (Vivo T5 5G) ஸ்மார்ட்போன் ரூ.34,999 பட்ஜெட்டில் அறிமுகமாகும் என்று தகவல்கள் வெளியாகி உள்ளது. தற்போது இந்த போனின் டீசர் மட்டுமே வெளியாகி உள்ளது. இந்த போனின் விவரக்குறிப்புகள் வெளியாகவில்லை. கூடிய விரைவில் இந்த போனின் அனைத்து விவரங்களும் வெளியாகும். மேலும் இந்நிறுவனம் சமீபத்தில் அறிமுகம் செய்ய விவோ டி5 லைட் 44W 5ஜி போனின் விலை மற்றும் அம்சங்களைப் பார்க்கலாம்.

விவோ டி5 லைட் 44W 5ஜி அம்சங்கள் (Vivo T5 Lite 44W 5G Specifications): விவோ டி5 லைட் 44W 5ஜி ஸ்மார்ட்போன் 6.74-இன்ச் எச்டி பிளஸ் எல்சிடி டிஸ்பிளே உடன் அறிமுகம் செய்யப்பட்டுள்ளது. மேலும் இதன் டிஸ்பிளேவில் 120ஹெர்ட்ஸ் ரெஃப்ரெஷ் ரேட் (120Hz Refresh Rate), 1000 நிட்ஸ் பீக் பிரைட்னஸ் உள்ளிட்ட பல்வேறு சிறப்பான அம்சங்கள் உள்ளன.

அதேபோல் ஆக்டா கோர் மீடியாடெக் டைமன்சிட்டி 6300 சிப்செட் (MediaTek Dimensity 6300 chipset) உடன் இந்த விவோ டி5 லைட் 44W 5ஜி மாடல் வெளிவந்துள்ளது. குறிப்பாக இந்த சிப்செட் மேம்பட்ட வேகம் மற்றும் செயல்திறன் வழங்கும். அதுவும் இந்த போனில் கேமிங் ஆப்களை இந்த போனில் தடையின்றி பயன்படுத்தலாம்.

4ஜிபி ரேம் + 128ஜிபி மெமரி மற்றும் 6ஜிபி ரேம் + 128ஜிபி மெமரி + 6ஜிபி ரேம் + 256ஜிபி மெமரி என 3 வேரியண்ட்களில் இந்த விவோ டி5 லைட் 44W 5ஜி ஸ்மார்ட்போன் விற்பனைக்கு வரும். மேலும் கூடுதலாக மெமரி நீட்டிப்பு ஆதரவு இந்த ஸ்மார்ட்போனில் உள்ளது. அதாவது நீங்கள் மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு இந்த போனில உள்ளது.

குறிப்பாக சைடு-மவுண்டெட் ஃபிங்கர்பிரிண்ட் சென்சார் (Side-mounted Fingerprint Sensor) வசதியுடன் விவோ டி5 லைட் 44W 5ஜி ஸ்மார்ட்போன் அறிமுகம் செய்யப்பட்டுள்ளது. அதேபோல் IP65 ரேட்டிங் கொண்ட டஸ்ட் & வாட்டர் ரெசிஸ்டன்ஸ் (Dust & Water Resistance) உடன் இந்த விவோ போன் வெளிவந்துள்ளது

அதுவும் 50எம்பி ரியர் கேமரா உடன் விவோ டி5 லைட் 44W 5ஜி ஸ்மார்ட்போன் வெளியாகி உள்ளது. குறிப்பாக இந்த ஸ்மார்ட்போன் மூலம் துல்லியமான படங்கள் மற்றும் வீடியோக்களை எடுக்க முடியும். மேலும் செல்பிகளுக்கும், வீடியோகால் அழைப்புகளுக்கும் என்றே 5எம்பி கேமரா கொண்டுள்ளது இந்த போன். இதுதவிர எல்இடி பிளாஸ் மற்றும் பல்வேறு கேமரா அம்சங்கள் இந்த போனில் உள்ளன.

Origin OS 6 சார்ந்த ஆண்ட்ராய்டு 16 இயங்குதளத்தை அடிப்படையாகக் கொண்டு புதிய விவோ டி5 லைட் 44W 5ஜி ஸ்மார்ட்போன் இந்தியாவில் அறிமுகம் செய்யப்பட்டுள்ளது. ஆனாலும் இந்த போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும். 3.5 மிமீ ஆடியோ ஜாக் (3.5mm audio jack), ஸ்பீக்கர்கள் போன்ற அனைத்து வசதிகளும் இந்த போனில் உள்ளன.

MIL-STD-810H இராணுவ தர சான்றிதழுடன் இந்த புதிய போன் வெளியாகி உள்ளது. 5ஜி, 4ஜி வோல்ட்இ, வைஃபை 802.11 ஏசி, புளூடூத் 5.4, யுஎஸ்பி டைப்-சி போர்ட் உள்ளிட் பல்வேறு கனெக்டிவிட்டி ஆதரவுகள் இந்த போனில் உள்ளன.

6500எம்ஏஎச் பேட்டரி உடன் விவோ டி5 லைட் 44W 5ஜி ஸ்மார்ட்போன் அறிமுகம் செய்யப்பட்டுள்ளது. மேலும் இந்த போனை சார்ஜ் செய்ய 44W ஃபாஸ்ட் சார்ஜிங் வசதியும் உள்ளது. எனவே இந்த ஸ்மார்ட்போனை வேகமாக சார்ஜ் செய்துவிட முடியும். இந்த போனின் ஆரம்ப விலை ரூ.19,999-ஆக உள்ளது.