நாளைக்கு லான்ச் ஆகும் இந்த Vivo 5ஜி போனுக்கு பல பேர் வெயிட்டிங்.. 6500mAh பேட்டரி.. எந்த மாடல்? என்ன விலை?

விவோ நிறுவனம் தனது புதிய விவோ டி4 ப்ரோ 5ஜி (Vivo T4 Pro 5G) போனை நாளை (ஆகஸ்ட் 26) இந்தியாவில் அறிமுகம் செய்ய உள்ளது. குறிப்பாக பிளிப்கார்ட் தளத்தில் மதியம் 12 மணி அளவில் இந்த புதிய போன் அறிமுகம் செய்யப்படும். இந்நிலையில் அறிமுகம் செய்யப்படுவதற்கு முன்பு விவோ டி4 ப்ரோ 5ஜி போனின் முக்கிய விவரக்குறிப்புகள் மற்றும் விலை குறித்த தகவல் வெளியாகி உள்ளது. இது குறித்த தகவல்களை இங்கே பார்க்கலாம்.

விவோ டி4 ப்ரோ 5ஜி அம்சங்கள் (Vivo T4 Pro 5G Specifications): 50எம்பி பிரைமரி சோனி கேமரா + 50எம்பி சோனி ஐஎம்எக்ஸ்882 டெலிபோட்டோ (Sony IMX882 telephoto) கேமரா + 2எம்பி டெப்த் சென்சார் என்கிற ட்ரிபிள் ரியர் கேமரா செட்பட் உடன் விவோ டி4 ப்ரோ 5ஜி ஸ்மார்ட்போன் அறிமுகம் செய்யப்படும். மேலும் 3எக்ஸ் ஆப்டிகல் ஜூம் ஆதரவும் இந்த ஸ்மார்ட்போனில் உள்ளது.

மேலும் செல்பிகளுக்கும், வீடியோகால் அழைப்புகளுக்கும் என்றே 32எம்பி கேமராவும் இந்த போனில் இருக்கும் என்று எதிர்பார்க்கப்படுகிறது. பின்பு ஆரா லைட் யூனிட் (Aura Light unit) ஆதரவும் இந்த போனில் உள்ளது. இதுதவிர பல்வேறு கேமரா அம்சங்களுடன் இந்த புதிய விவோ போன் வெளிவரும். எனவே இந்த ஸ்மார்ட்போன் மூலம் அசத்தலான படங்களை எடுக்க முடியும்.

அதேபோல் பன்ச் ஹோல் டிஸ்பிளே (Punch Hole Display) உடன் விவோ டி4 ப்ரோ 5ஜி ஸ்மார்ட்போன் அறிமுகம் செய்யப்படும். அதுவும் 6.7-இன்ச் ஒல்இடி டிஸ்பிளே (OLED display) இதில் உள்ளது. மேலும் இந்த டிஸ்பிளேவில் 1.5கே ரெசல்யூஷன் (1.5K Resolution), 120 ஹெர்ட்ஸ் ரெஃப்ரெஷ் ரேட், 4500 நிட்ஸ் பீக் பிரைட்னஸ் உள்ளிட்ட பல்வேறு அம்சங்கள் உள்ளதாக கூறப்படுகிறது.

ஸ்னாப்டிராகன் 7 ஜென் 4 சிப்செட் (Snapdragon 7 Gen 4 chipset) உடன் விவோ டி4 ப்ரோ 5ஜி ஸ்மார்ட்போன் வெளிவரும். எனவே இந்த ஸ்மார்ட்போனின் வீடியோ எடிட்டிங் மற்றும் கேமிங் ஆப்களை தடையின்றி பயன்படுத்த முடியும். அதாவது இந்த போனுக்கு வழங்கப்பட்ட சிப்செட் ஆனது மேம்பட்ட செயல்திறன் வழங்கும்.

குறிப்பாக ஆண்ட்ராய்டு 15 (Android 15) இயங்குதளத்தை அடிப்படையாகக் கொண்டு விவோ டி4 ப்ரோ 5ஜி ஸ்மார்ட்போன் அறிமுகமாகும். ஆனாலும் இந்த ஸ்மார்ட்போனுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும். அதேபோல் மேம்பட்ட ஏஐ அம்சங்கள் இந்த புதிய விவோ ஸ்மார்ட்போனில் உள்ளன.

விவோ டி4 ப்ரோ 5ஜி ஸ்மார்ட்போனில் இன்-டிஸ்பிளே ஃபிங்கர்பிரிண்ட் சென்சார் (In-display Fingerprint Sensor) வசதி உள்ளது என்பது குறிப்பிடத்தக்கது. மேலும் IP68 & IP69 தர டஸ்ட் மற்றும் வாட்டர் ரெசிஸ்டன்ட் (Dust & Water Resistant) உடன் இந்த விவோ போன் அறிமுகமாகும் என எதிர்பார்க்கப்படுகிறது.

6500mAh பேட்டரி வசதியுடன் விவோ டி4 ப்ரோ 5ஜி ஸ்மார்ட்போன் அறிமுகம் செய்யப்படும். குறிப்பாக இந்த ஸ்மார்ட்போன் நாள் முழுவதும் பேட்டரி பேக்கப் வழங்கும். பின்பு இந்த பேட்டரியை சார்ஜ் செய்ய 90W ஃபாஸ்ட் சார்ஜிங் வசதியும் உள்ளது. எனவே இந்த ஸ்மார்ட்போனின் பேட்டரியை வேகமாக சார்ஜ் செய்துவிட முடியும்.

5ஜி, 4ஜி, வைஃபை, ஜிபிஎஸ், என்எப்சி, யுஎஸ்பி டைப்சி உள்ளிட்ட பல்வேறு கனெக்டிவிட்டி ஆதரவுகளுடன் இந்த போன் வெளிவரும். அதேபோல் டூயல் ஸ்பீக்கர்கள் இந்த போனில் உள்ளன. எனவே இந்த ஸ்மார்ட்போனில் சிறந்த ஆடியோ அனுபவம் கிடைக்கும். மேலும் ஆன்லைனில் வெளியான தகவலின்படி, ரூ.25,000 பட்ஜெட்டில் இந்த புதிய விவோ டி4 ப்ரோ 5ஜி போன் அறிமுகமாகும்.