புதிய அப்டேட் வசதி பெறும் நோக்கியா என்-9!

புதிய வசதிகளை அப்டேட் செய்வதன் மூலம் வாடிக்கையாளர்கள் பெரும் பயனை அடைகின்றனர். இதனால் என்-9 என்ற ஸ்மார்ட்போனை வெளியிட்ட நோக்கியா நிறுவனம் புதிய பிஆர்-1.2 தொழில் நுட்ப வசதியினை என்-9 போனில் அப்டேட் செய்ய இருக்கிறது. இந்த செய்தியை அதிகார பூர்வமாக அறிவித்துள்ளது நோக்கியா நிறுவனம்.

இதற்கு முன்பு பிஆர்-1.1 தொழில் நுட்பத்தினை அப்டேட் செய்திருந்தது நோக்கியா. இந்த பிஆர்-1.1 வெர்ஷன் நாய்ஸ் கேன்சலேஷன், ஸ்வைப், என்எஃப்சி டேக் போன்ற உயர்ந்த வசதிகளை வழங்கியது.

இந்த ஸ்வைப் வசதியினால் எதையும் எளிதாகவும், வேகமாகவும் டைப் செய்து முடித்துவிடலாம். இதன் மூலம் எளிதாக எந்த அப்ளிக்கேஷனையும் ஸ்வைப் செய்து டவுன்லோட் செய்துவிடலாம்.

பிஆர்-1.1 தொழில் நுட்பத்தினைவிட, பிஆர்-1.2 வெர்ஷன் தொழில் நுட்பம் கூடுதல் வசதி கொண்டதாக இருக்கும். இந்த பிஆர்-1.2 தொழில் நுட்பம் அப்டேட் செய்யும் தேதி இன்னும் வெளியாகவில்லை. இந்த மாத முடிவில் இந்த அப்டேட் வசதி வெளியாகும் என்று எதிர் பார்க்கப்படுகிறது.

இந்த புதிய அப்டேஷன் தொழில் நுட்பம் வெளியானால் வாடிக்கையாளர்களுக்கு இன்னும் சிறந்த வசதிகள் கிடைக்கும் என்று நம்பப்படுகிறது.