வேறு நெட்வொர்க் மாறுவதற்கு இனி இரண்டு நாட்கள் மட்டுமே ஆகும்-டிராய் அதிரடி.!

டிராய்

இப்போது செல்போன் எண் மாற்றாமல் ஒரு நெட்வொர்க்கில் இருந்து வேறு நெட்வொர்க்கிற்கு மாறும் முறையை (MNP)மேலும்
எளிமைப்படுத்த டிராய் அமைப்பு விதிமுறைகளை மாற்றியமைத்துள்ளது.

இரண்டு நாட்கள்

இந்த புதிய விதிகளின் படி ஒரே தொலைத்தொடர்பு எல்லைக்குள், உதாரணமாக தமிழ்நாட்டிற்குள் ஒரு நெட்வொர்க்கில் இருந்து வேறு நெட்வொர்க்கிற்கு மாறுவதற்கு இனி இரண்டு நாட்கள் மட்டுமே ஆகும். இதற்கு முன்று வரை 7நாட்கள் வரை ஆகும்.

நான்கு நாட்கள்

பின்பு மற்ற தொலைத்தொடர்பு எல்லைக்குள் மாறுவதற்கு 4நாட்கள் மட்டுமே ஆகும் என்று தெரிவிக்கப்பட்டுள்ளது, முன்னதாக இந்த முறைக்கு குறைந்தது இரண்டு வாரங்கள் ஆகும் என்பது குறிப்பிடத்தக்கது.

எச்சரிக்கை

மேலும் ஒரு நெட்வொர்க்கில் இருந்து வேறு நெட்வொர்க் மாறுவதற்காக விண்ணப்பிக்கும் போது, உங்களது விண்ணப்பத்தை
நிராகரிக்கும் தொலைத்தொடர்பு நிறுவனங்களுக்கு அபராதம் விதிக்கப்படும் என டிராய் அமைப்பு எச்சரிக்கை விடுத்துள்ளது.

ரூ.30 ரீசார்ஜ்

ஏர்டெல், வோடபோன், ஐடியா போன்ற நிறுவனங்கள் மாதம் குறைந்தபட்சம் ரூ.30 ரீசார்ஜ் செய்ய வேண்டும் என்று
வாடிக்கையாளர்களை நிர்பந்தப்படுத்தியது. பின்னர், டிராய் தலையிட்டதால் அந்த அறிவிப்பு பின்வாங்கப்பட்டது என்பது குறிப்பிடத்தக்கது.