இந்த செப்டம்பரில் 5 சம்பவங்கள்! பணத்தை செலவு பண்ணாம இருக்குறது ரொம்ப கஷ்டம்!

ஆப்பிள் தொடங்கி ஒன்பிளஸ், சியோமி வரை.. ஒரே அடைமழை தான்!

உங்களில் பலருக்கும் தெரியும் - இந்த மாதம் (செப்டம்பர் 2022) ஆப்பிள் நிறுவனத்தின் புதிய ஐபோன் மாடல்கள் அறிமுகம் ஆகிறதென்று!

அதுமட்டுமின்றி மோட்டோரோலா, ஐக்யூ, ஒன்பிளஸ் மற்றும் சியோமி நிறுவனங்களின் புதிய ஸ்மார்ட்போன்களும் கூட (இந்தியா உட்பட) உலகளவில் அறிமுகம் ஆகவுள்ளன!

அதென்ன ஸ்மார்ட்போன்கள்? அவைகளின் விலை நிர்ணயம் எப்படி இருக்கும்? வாருங்கள் விரிவாக பார்க்கலாம்!

01. iPhone 14 Pro Max என்ன விலைக்கு வரும்?

செப்டம்பர் 7 ஆம் தேதி அறிமுகமாகும் ஆல்-நியூ 2022 ஐபோன் சீரீஸின் ஹை-எண்ட் மாடல் ஆன ஐபோன் 14 ப்ரோ மேக்ஸின் இந்திய விலை நிர்ணயம் ஆனது தோராயமாக ரூ.1.4 லட்சம் இருக்கலாம் என்று எதிர்பார்க்கப்படுகிறது!

ஐபோன் 14 ப்ரோ மேக்ஸ்: என்னென்ன எதிர்பார்க்கலாம்?

- ஆல்வேஸ் ஆன் டிஸ்பிளே
- 48MP கேமரா சிஸ்டம்
- ஏ16 பயோனிக் சிப்
- செல்பீ கேமராவிற்கான புதிய டேப்லெட் வடிவிலான கட்அவுட்
- செலவை குறைக்கும் நோக்கத்தின் கீழ் புதிய சிபியு பயன்படுத்தப்படலாம்
- ஐஓஎஸ் 16
- புதிய வேப்பர் சேம்பர் கூலிங் மெக்கானிஸம்

02. Motorola Edge 30 Ultra என்ன விலைக்கு வரும்?

மோட்டோரோலா தனது லேட்டஸ்ட் ஃபிளாக்ஷிப் ஸ்மார்ட்போனான மோட்டோ எட்ஜ் 30 அல்ட்ராவை வருகிற செப்டம்பர் 8 ஆம் தேதியன்று உலகளாவிய சந்தைகளில் வெளியிட உள்ளது. இந்தியாவில், இந்த ஸ்மார்ட்போனின் எதிர்பார்க்கப்படும் விலை ரூ.69,999 ஆகும்!

மோட்டோரோலா எட்ஜ் 30 அல்ட்ரா: என்னென்ன எதிர்பார்க்கலாம்?

- 6.67-இன்ச் ஃபுல்-எச்டி+ 144Hz OLED டிஸ்பிளே
- 125W பாஸ்ட் சார்ஜிங் சப்போர்ட் உடனான 4,500mAh பேட்டரி
- ஸ்னாப்டிராகன் 8+ ஜென் 1 சிப்
- 256ஜிபி வரை இன்டர்னல் ஸ்டோரேஜ்
- 12ஜிபி வரை ரேம்
- 200MP ட்ரிபிள் ரியர் கேமரா செட்டப்
- 60MP செல்பீ கேமரா

அதே நாளில் Motorola Edge 30 Fusion அறிமுகமும் நடக்கலாம்!

செப்டம்பர் 8 ஆம் தேதி, எட்ஜ் 30 அல்ட்ராவுடன் சேர்த்து மோட்டோரோலா நிறுவனம் அதன் எட்ஜ் 30 ஃப்யூஷனையும் அறிவிக்கும் என்று எதிர்பார்க்கப்படுகிறது. இது உண்மையாகும் பட்சத்தில், எட்ஜ் 30 ஃப்யூஷன் ஆனது இந்தியாவில் சுமார் ரூ.24,990 என்கிற விலைக்கு அறிமுகம் செய்யப்படலாம் என்றும் எதிர்பார்க்கப்படுகிறது!

மோட்டோரோலா எட்ஜ் 30 ஃப்யூஷன்: என்னென்ன எதிர்பார்க்கலாம்?

- 6.55-இன்ச் ஃபுல்-எச்டி+ 144Hz OLED டிஸ்ப்ளே
- ஸ்னாப்டிராகன் 888+ ப்ராசஸர்
- 4,400mAh பேட்டரி
- 68W பாஸ்ட் சார்ஜிங் சப்போர்ட்
- 12 ஜிபி ரேம் மற்றும் 256 ஜிபி வரையிலான ஸ்டோரேஜ்
- 50MP + 13MP + 2MP ட்ரிபிள் ரியர் கேமரா
- 32MP செல்பீ கேமரா

03. iQOO Z6 Lite

இந்த செப்டம்பர் மாதத்தில், ஐக்யூ Z6 ஸ்மார்ட்போனின் லைட் வெர்ஷன் வெளியாகும் என்றும் எதிர்பார்க்கப்படுகிறது. அதாவது ஐக்யூ Z6 லைட் அறிமுகம் செய்யப்படலாம். இதன் எதிர்பார்க்கப்படும் விலை நிர்ணயம் ரூ.12,990 ஆகும்!

ஐக்யூ 6 லைட்: என்னென்ன எதிர்பார்க்கலாம்?

- 6.58-இன்ச் ஃபுல்-எச்டி+ LCD டிஸ்பிளே -
- 90Hz ரெஃப்ரெஷ் ரேட்
- குவால்காம் ஸ்னாப்டிராகன் 680 SoC
- 6ஜிபி ரேம் மற்றும் 128ஜிபி ஸ்டோரேஜ்
- 50MP டூயல் ரியர் கேமரா செட்டப்
- 8MP செல்பீ கேமரா
- 18W பாஸ்ட் சார்ஜிங் ஆதரவுடனான 5,000mAh பேட்டரி

04. Oneplus 10 Ultra

ஒன்பிளஸ் நிறுவனம் அதன் 10 சீரீஸின் கீழ் 'அல்ட்ரா' மாடலை அறிமுகம் செய்யும் என்றும் ஊகிக்கப்பட்டுள்ளது. இது அநேகமாக OnePlus 10 Pro-வின் "மேம்படுத்தப்பட்ட" மாடலாக இருக்கும். இது ரூ.79,990 க்கு அறிமுகம் செய்யப்படலாம் என்று எதிர்பார்க்கப்படுகிறது!

ஒன்பிளஸ் 10 அல்ட்ரா: என்னென்ன எதிர்பார்க்கலாம்?

- ஒன்பிளஸ் 10 ப்ரோவின் அதே வடிவமைப்பை எதிர்பார்க்கலாம்
- குவால்காம் ஸ்னாப்டிராகன் 8+ ஜென் 1 SoC சிப்செட்டை பேக் செய்யலாம்
- பெரிஸ்கோப் லென்ஸ் உட்பட மேம்படுத்தப்பட்ட ரியர் கேமரா செட்டப்பை எதிர்பார்க்கலாம்
- பெரும்பாலும் ஹாசல்பிளாட் பிராண்டிங்கையே பெறும்

05. Xiaomi 12T Pro

இந்த மாதம், உலகளாவிய பிராந்தியங்களில் சியோமி நிறுவனத்தின் 12T Pro மாடல் அறிமுகமாகும் என்றும் எதிர்பார்க்கப்படுகிறது. இந்த ப்ரோ மாடலின் எதிர்பார்க்கப்படும் விலை நிர்ணயம் ரூ.39,999 ஆகும்!

சியோமி 12டி ப்ரோ" என்னென்ன எதிர்பார்க்கலாம்?

- 1.5K ரெசல்யூஷன், 120Hz ரெஃப்ரெஷ் ரேட் ஆதரவு
- 6.67-இன்ச் AMOLED டிஸ்பிளே
- குவால்காம் ஸ்னாப்டிராகன் 8+ ஜென் 1 SoC
- 12ஜிபி ரேம் மற்றும் 256ஜிபி ஸ்டோரேஜ்
- 200MP ட்ரிபிள் ரியர் கேமரா செட்டப்
- 20MP செல்பீ கேமரா
- 120W பாஸ்ட் சார்ஜிங் ஆதரவுடனான 5,000mAh பேட்டரி