Tecno Spark Go 2020 விலையை கேட்டால் கண்டிப்பா நம்பமாட்டீங்க! அப்படி ஒரு கம்மி விலை!

டெக்னோ நிறுவனம் இன்று புதிதாக Tecno Spark Go 2020 என்ற புதிய பட்ஜெட் விலை ஸ்மார்ட்போன் மாடலை அறிமுகம் செய்துள்ளது. புதிய டெக்னோ ஸ்பார்க் கோ 2020 ஸ்மார்ட்போன், 6.52' இன்ச் கொண்ட எச்டி பிளஸ் டிஸ்ப்ளேடன் 1500 x 720 பிக்சல்கள் திரை தெளிவுத்திறனுடன் 480 நைட் பிரகாசத்துடன் வருகிறது. இந்த ஸ்மார்ட்போன் 1.8GHz குவாட் கோர் மீடியாடெக் ஹீலியோ ஏ 20 செயலி மூலம் இயக்கப்படுகிறது.

புதிய டெக்னோ ஸ்பார்க் கோ 2020 ஸ்மார்ட்போன், 2 ஜிபி ரேம் மற்றும் 32 ஜிபி இன்டர்னல் ஸ்டோரேஜ் வசதியுடன், மைக்ரோ எஸ்டி கார்டு ஸ்லாட் வழியாக 256 ஜிபி வரை விரிவாக்க கூடிய ஸ்டோரேஜ் விருப்பத்துடன் அறிமுகம் செய்யப்பட்டுள்ளது.

புதிய ஸ்மார்ட்போன் டூயல் கேமரா அமைப்பில், 13 மெகாபிக்சல் பிரைமரி கேமரா மற்றும் இரண்டாம் நிலை ஏஐ லென்ஸுடன் வருகிறது. செல்பி அனுபவத்திற்காக முன்பக்கத்தில் 8 மெகாபிக்சல் கேமரா கொடுக்கப்பட்டுள்ளது.புதிய டெக்னோ ஸ்பார்க் கோ 2020 ஸ்மார்ட்போன், 5000 எம்ஏஎச் பேட்டரியுடன் அறிமுகம் செய்யப்பட்டுள்ளது. மேலும் இது ஆண்ட்ராய்டு 10 கோ எடிஷனில் ஹியோஸ் 6.2 உடன் இயங்குகிறது.

ஸ்மார்ட்போனின் பின்புறத்தில் கைரேகை சென்சார் வழங்கப்பட்டுள்ளது. இணைப்பு முன்னணியில், இது டூயல் சிம், இரட்டை 4 ஜி வோல்டிஇ, வைஃபை 802.11 பி / ஜி / என் (2.4 ஜிகாஹெர்ட்ஸ்), புளூடூத் 4.2, ஜிபிஎஸ் மற்றும் மைக்ரோ யூ.எஸ்.பி போர்ட்டை ஆதரிக்கிறது.

டெக்னோ ஸ்பார்க் கோ 2020 விலை விவரங்கள்
புதிய டெக்னோ ஸ்பார்க் கோ 2020 ஸ்மார்ட்போன், இந்திய சந்தையில் வெறும் ரூ .6,499 என்ற விலையில் அறிமுகம் செய்யப்பட்டுள்ளது. இந்த போன் தற்பொழுது ஐஸ் ஜேடைட் மற்றும் அக்வா ப்ளூ உள்ளிட்ட இரண்டு வண்ண விருப்பங்களில் கிடைக்கிறது. இந்த ஸ்மார்ட்போன் செப்டம்பர் 7ம் தேதி முதல் பிளிப்கார்ட்டில் இருந்து வாங்குவதற்குக் கிடைக்கும் என்று நிறுவனம் தெரிவித்துள்ளது.